НИКАКО НЕ ЧЕПКАЈТЕ ГО ОВА: Голема новогодишна фејсбук-измама

Доколку на вашиот профил се појави понуда за да лајкнете и да споделите страница на која стојат чекори за тоа како да ја активирате опцијата „Преглед на годината“, не чепкајте ја, се работи за трик

Секоја година, последната недела од декември Фејсбук на своите корисници им ја овозможува опцијата „Преглед на годината“ (Year in review). Станува збор за видео на кое се одбрани десет фотографии објавени во изминатата година кои се направени по случаен избор во компилација. Но, оваа година постои огромен ризик за оваа опција, се појави опасна мамка! Така, доколку на вашиот профил се појави понуда за да лајкнете и да споделите страница на која стојат чекори за тоа како да ја активирате опцијата „Преглед на годината“, не чепкајте ја, се работи за трик. Еве како изгледа таа лажна страница:

Доколку кликнете дека ви се допаѓа оваа страница, сериозно ја загрозувате вашата безбедност. Сите лични податоци што ги имате на интернет можат да бидат злоупотребени од хакерите.

Потенцираме дека за да ја добиете посакуваната опција „Преглед на годината“, нема потреба да лајкувате или шерувате никаква специјална апликација за тоа. Кога ќе дојде време за тоа, односно последната седмица од декември, Фејсбук сам ќе ви најави дека опцијата е активна и може да уживате во неа.

Се надеваме дека навреме го прочитавте овој совет.

Дознајте кој ви ѕвони со непознат број!

Апликацијата Hello моментално е достапна само на Android уредите и користи податоци од Фејбсук како би ви открила кој се крие зад непознатите броеви.

Секако, оваа апликација ќе ви открие кој стои зад непознатиот број доколку тоа лице ги споделило своите контакти на социјалните мрежи.

Доколку сте го оставиле својот број на телефон на Фејсбук, лицата со оваа апликација ќе знаат дека ги повикувате, дури и ако го немаат меморирано вашиот број во телефонот.

Оваа апликација исто така може да ја користите за да телефонирате или да пронајдете броеви кои ви требаат на Фејсбук.

Што да направите кога губите мрежа на мобилниот?

Додека сте во градското подрачје се е во ред меѓутоа само што ќе излезете во природа, на плажа или додека патувате, мрежата на мобилниот ви е се послаба и послаба? Имаме решение за вас.

Постои начин цртичките на ајфонот да бидат заменети со точни нумерички вредности. Се што треба да направите е во полето за бирање на броеви да внесете *3001#12345#* и да притиснете на копчето CALL.

Наместо цртички ќе добиете броеви, а на мобилниот е се отвори Field test мени. Потоа притиснете на копчето за исклучување, додека не се појави лизгачот за гаснење, а потоа home копчето држете го околу шест секунди. Можете да излезете од field test менито со притискање на home копчето и бројките ќе останат.

Како батеријата на телефонот да ви трае подолго - БЕСПЛАТНА апликација

Најголемата мака на секој корисник на паметен телефон е животот на батеријата. Компанијата Kaspersky Lab го претстави најновото решение за корисниците на Android уреди: апликацијата Battery Life што ги заштитува корисниците од непријатната ситуација да останете со празна батерија кога многу ви треба телефонот.

Според едно истражување, девет од 10 луѓе почнуваат да паничат кога нагло ќе им се испразни батеријата, а исто така се покажало дека на луѓето повеќе им недостига телефонот кога им е исклучен отколку партнерот кога е отсутен.

Решението на Kaspersky Lab е оваа бесплатна апликација што ги идентификува на вашиот уред оние апликации што најмногу ја трошат батеријата. Тоа е посебно важно ако се земе предвид дека 96% од апликациите на Android се активни и „влечат“ батерија и кога не ги користиме. Апликацијата ги зауздува овие „трошачи“ со еден клик, со што се продолжува трањето на батеријата, а корисникот ќе добие итно известување ако некоја од апликациите почне да корист повеќе енергија од вообичаено.

Battery Life ито така може да го пресмета времето до целосно гасење на батеријата, што им дава на корисниците временска рамка во која ќе треба да најдат начин да го наполнат телефонот.

Апликацијата може да ја симнете ТУКА.

Популарно