Џади Дуарте е 20-годишна студентка од Рио Де Жанеиро, која поради еден детал станала многу интересна во јавноста. Имено, оваа симпатична девојка на своите пријатели преку "WhatsApp" им пратила интересна фотографија, која намерно или случајно се појавила во јавноста.
Во неа Џади се наоѓа во прегратка на Олимпиецот Усаин Болт. Како што кажала за локалните медиуми, фотографиите настанале во неделата во околу 7 часот наутро, очигледно во кревет. Додала дека не знаела дека е со познат спортист, а нивното дружење го опишала како нормално.
Веста веднаш ја објавиле бразилските портали, а потоа за спорната фотографија дознал целиот свет. Покрај Џади, Болт освојувањето на сите медали го прославил во друштво и на други девојки во клубот "All In" во предградието на Рио, Бара Де Тихука.
Но, Болт не ги славел само медалите. Златното момче оваа седмица наполнило 30 години, па, гледано рационално, навистина имал причини за славење. Проблем е само една работа - Болт веќе долго време е во врска со Каси Бенет, па останува нејасно како ќе ги објасни овие фотографии.
