Доколку сте од оние за кои помфритот од „МекДоналдс“ е најфкусниот, ви пренесуваме рецепт за највкусниот помфрит на светот:
За почеток потребни ви се неколку компири, потрудете се да бидат поголеми, а потоа излупете ги и исечете ги. За да бидат со иста големина, најдобро е да користите сечкалица, но можете и со нож.
Потоа земете сад, ставете студена вода и потопете ги компирите. По пет минути, извадете ги компирите за да се исцедат, а потоа во садот ставете зовриена вода.
Сега следи тајната: во зовриената вода ставете малку шеќер и сируп од пченка. Оваа комбинација ќе му даде крцкавост на компирите.
Потоа префрлете ги компирите во овој сад и оставете ги десет минути. Извадете ги компирите на хартија, а потоа ставете ги во фрижидер на 20 минути, а потоа испржете ги во фритеза.
Она што е важно е помфритот да го пржите два пати. Птвиот пат држете го фритеза само 2 минути, извадете го на хартија и оставете го 10 минути. Потоа повторно вратете го во фритеза и пржете уште 5-7 минути.
Вашиот помфрит од Мек е готов! Уживајте!