Иако клубската кошарка во Македонија, видела многу подобри денови, на мечот меѓу екипите на Струмица и Работнички кој викендов се одигра во рамките на Првата лига, публиката имаше шанса да забележи НБА-атракција.
Еден од гледачите во салата „Парк“ доби шанса на полувремето да шутира од половина терен, а тоа го направи свртен со грб и доста умешно. Македонецот со помош на таблата поентира, но сепак, за НБА-атракцијата не доби заслужена награда, како што тоа е случај во најелитното светско кошаркарско натпреварување.