Во тек се истрагите за полициско насилство врз припадници на кумановската група осомничена за случајот „Диво Насеље”.

Заменик-министерот за внатрешни работи Агим Нухиу, кој ги иницираше истрагите, во изјава за Алсат-М вели дека досега истражителите идентификувале припадник на специјалните единици кој вршел насилство врз обвинетите во „Диво Насеље”. Самиот Нухиу презел три иницијативи за расветлување на насилството, а тврди дека има и сведоци.

Од Јавното обвинителтво за Алсат-М велат дека работат на расветлување на случајот и дека досега прегледале голем број на докази кои ги оценуваат како релевантни.

Инаку, 37 припадници на кумановската група постојано се жалат на полициска тортура, а според нив, во некои случаи обвинетите не биле во состојба да седат на судските рочишта.