Меѓу кандидатите кои се пријавија во телевизискиот музичкиот натпревар „Кастинг талент шоу“, се најдоа и ќерките на музичката брачна двојка- виолинистите Ана и Олег Кондратенко, а наедно и внуките на пејачката Блага Петреска од синот Олег.

Жирито лесно дојде до заклучок дека музиката им е во гените на талентираните Летиција и Леона, кои ги разнежнија Џамбазов, Сара Мејс и Игор Дурловски.

Леона продолжи и во вториот круг меѓу најдобрите, а со изведбата на „Есен во мене“ од Елена Ристеска, повторно ги доби сите пофалби.

Инаку, менторка на слатката и музикална Леона е Наде Талевска која и помага во усовршувањето на изведбите пред жирито, но како што вели и помага и баба Блага со вежбите на пијано.

Како ќе се покаже Леона во следните изданија и дали ќе стигне до мјузиклот „Тајно моја“ посветен на Тоше Проески, останува да видиме…

Како пеат наследничките на Кондратенко и Блага Петреска гледате во продолжение: