Водителката на утринска емисија на „Канал 5“ телевизија Јелена Спенџарска, која минатата недела беше суспендирана поради недолично однесување кон гледач, по неколку дена се огласи и ја кажа нејзината страна на приказната. 

Признава дека направила грешка и дека нема враќање назад, но, како што напиша на Фејсбук, не може да разбере како може од едно видео на интернет луѓето да сфатат дека таа е најлошата личност на светот. 

„Драги пријатели, после неколку дена отсуство од фејсбук, мислам дека денеска, на најголемиот христијански празник Велигден е вистински ден да се вратам и да ја раскажам својата страна на приказната, која, искрено, ме направи интернет сензација и некако ме фати многу неподготвена за ваквата популарност. Како и во секоја професија,така и во мојата, си станал на лева нога, си имал лош ден, ти прекипало нешто од претходниот ден, некој/нешто те изнервирало - сите си имаме свои жолти минути и нема тука многу што да дискутираме дека сите секогаш сме супер фини и максимално љубезни дали на работа или општо во животот.