Локалните жители и туристите кои решија својот одмор да го поминат на вториот крак на Халкидики се најдоа во небрано. Обилните врнежи од дожд поплавија многу места, а најпогоден е Торони (каде е направена фотографијата), пренесуваат грчките медиуми.

Во Торони од поплавата се однесени 25 автомобили. 

Поплавени се местата од Никити до Мармарис, па се до Porto Koufo, пренесува voria.gr.

Македонско семејство кое летува во Торони се јавило во конзулатот во Солун. Метеоролозите предупредуваат на поплави во Грција и порачуваат македонските туристи да внимаваат. 

Грчки медиуми објавија декa поројни дождови, ги зафатиле и Лепотокарија, Парајлија, Неа Врасна, Парга, Ханиоти, Пефкохори, Трикали...

Тие јавуваат и дека на патиштата во тој дел од државата има одрони и сообраќајот се одвива отежнато. 

Грчката агенција АНА-МПА објави дека облачно време и северен ветар се очекува и утре кога се можни и нови поројни дождови.