Три непознати лица извршиле разбојништво во понеделникот вечерта 60-годишен скопјанец од скопската приградска населба Илинден на улицата „Кеј Димитар Влахов“ во близина на бензинска пумпа.

Кога 60-годишниот Б.А. застанал со своето патничко возило „опел астра“ со скопски регистарски ознаки, му се доближило непознато женско лице кое му понудило сексуална услуга, но откако Б.А. ја одбил, таа се обидела насилно да му го одземе паричникот од џебот на маицата, викајќи и удирајќи го по главата.

Откако му го одзела паричникот, се доближиле две машки лица, на кои таа им го фрлила паричникот. Едно од лицата го нападнало Б.А., а притоа женското лице ги одзела парите од паричникот, го фрлила во возилото и побегнала во непознат правец, информираат од полицијата.

Се преземаат мерки за пронаоѓање на сторителите и за целосно расчистување на случајот.