Почна амбициозно, растеше во прилично тензични и тешки услови, а затсношти наполни 10 години. Да, МАРС (Македонскиот радиски фестивал) одбележа јубилеј! Се случи уште едно издание посветено на домашната музика на кое на сцената во МОБ продефилираа најуспешните за оваа 2017 година, а меѓу нив Сара Мејс, ДНК, Димитар и Тајфата, Кристина Арнаудова, Наташа Малинкова, Некст тајм, Меморија, Викторија Лоба.

Меѓу наградените во сите 12 категории за кои одлучуваа триесетина радиостаници од целата земја, како и новинарите од печатените медиуми и некои интернет портали, кои ја доделија наградата за најубав текст, се најдоа:

1.АЊА ВЕТЕРОВА – “Рам Бам Бам” – (Ѕвезда што се раѓа)
2.ДИМИТАР И ТАЈФАТА – “Остани” – (Радиски хит со етно мотиви)
3.САРА МЕЈС – “Небо” – (Радиски диско хит)
4.ВИКТОРИЈА ЛОБА – “Дојди” – (Радиски поп хит)
5.ДНК – “Невозможна мисија” – (Ар ен би хит)
6.КРИСТИНА АРНАУДОВА – “Љубена” – ( Најдобра радиска балада)
7.ТЕА И ПАНЧО – “Рушевини” – (Партнерство за хит)
8. АЈ КЈУ – “Мојот крал” – (Радиски хит изведен од група)
9.НАТАША МАЛИНКОВА – “Хеј мама” – (Радиски хит изведен од женски вокал)
10.ЛОЗАНО – “Ова лето ќе се памти” – (Радиски хит изведен од машки вокал + Апсолутен радиски хит+Најдобар текст на песна)
11.НЕКСТ ТАЈМ – “Слушам кај шумат шумите” – (Најдобра преработка)
12.МЕМОРИЈА – (Награда за трајни вредности)

А погледите ги собра,Младата пејачка Теа, која ја освои статуетката Партнерство за хит за темата “Рушевини” со Панчо од ДНК се појави во креација со која ги остави буквално без здив присутните во салата, но и оние пред малите екрани и под која немаше гаќички. Храбро!