И покрај несоборливите докази за спротивното, теоретичарите на заговори веќе со години тврдат дека човекот не слетал на Месечината и дека сето тоа било лага.

Таа теорија повторно се појавила, благодарение на новата "фотографијата" поставена на ЈуТјуб која наведува дека последното слетување на Месечината во мисијата "Аполо 17" било лажно. 

Видеото кое ја прикажува фотографијата која наводно е направена во декември 1972-та година се нарекува "рефлексија во визир". Лицето кое ја објавило фотографијата, користејќи го корисничкото име "Стриткеп", тврди дека постои одраз на наместена сцена на визирот на астронаутот. 

Записот трае 24 секунди, а "Стриткеп" верува дека може да се види фигура на човек кој не носи вселенско одело, туку е облечен како човек од 70-тите години. 

Тој додава дека верува дека на визирот на астронаутот се гледа човек со долга коса. 

"Можете да видите некој маж, од раните 70-ти години, со долга коса, кој носи некој вид на појас... и веројатно сенката на фигурата". 

Коментарите на видеото се поделени, а многумина велат дека предметот на визирот е астронаут кој носи вселенско одело. Другите се согласуваат со "Стриткеп". 

"Аполо 17" била последна мисија на НАСА и започнала на 7-ми декември 1972-та година, со командантот Јуџин Кернан, пилотот Роналд Еванс и пилотот на Лунарниот Модул, Харисон Шмит. 

Тие минале две седмици во вселената, враќајќи се на Земјата на 19-ти декември 1972-та година.