Од Берово за Алјаска: Заработив македонска годишна плата за 50 дена!

Сезонската работа на Алјаска во последно време се вистински хит за луѓето од источна Македонија, кои таму заминуваат да работат неколку месеци. Најчесто за тоа време заработуваат колку во Македонија за 24 месеци, а се враќаат исцрпени, но сепак задоволни.

 Еден гастарбајтер од Берово кој има 35 години бил ангажиран во фабрика за преработка на лосос.

-Животот ми се сведе на работа и спиење, но успеав да заработам колку годишната плата во Македонија за само 50 дена на Алјаска. Таму обработував и пакував лосос по 16 часа на ден, во три смени, објаснува беровчанецот.

Тој исто така истакна дека животот таму е многу скап, но тој трошел само на најосновното со оглед на тоа дека има жена и 3 деца.

-Алјаска е многу скапа, кутија цигари е 10 долари, а толку ми беше платен еден час, не можам да се луксузирам, отидов да заработам за да им обезбедам подобра иднина на мојте дечиња. Работев без ниеден слободен ден. Станував јадев, работев, јадев, спиев и така секој ден во круг. Но, мојата намера беше да заработам, донесов 6.500 евра што е многу повеќе од годишната плата во моето родно Берово, со солзи во очите искрено раскажа А.Б. кој сакаше да остане анонимен поради страв од кражби.

Коментари

Популарно