Градоначалникот на Венеција и шефот на полицијата се зазедоа за случајот во кој на четворица туристи во Венеција во еден ресторан за четири стека, печена риба и вода има наплатиле 1.100 евра.

Ова е последен од низата случаи во кои на туристи во Италија за ручек им се наплаќаат превисоки сметки.

Четворицата Јапонци, кои студирале во Болоња, поднеле жалба за превисоката сметка за јадење во ресторан во близина на плоштадот Свети Марко.

Групата 25 која се занимава со заштита на потрошувачи во април на Твитер напиша : „Ги браниме локалните жители, но кој и да го стави името на венеција во ризик ги загрозува сите венецијанци“. Тие планираат да издадат брошура, „Да се преживее Венеција“, во пресрет на маскенбалот во недела.

Сопственикот на ресторанот пак, вели дека не се сеќава дека имале некаков проблем со јапонците.

Венеција е скап град, но зголемениот број на туристи ја зголемија тензијата меѓу мив и локалните бизнисмени, па повремено се случуваат вакви инциденти.

Во нември 2017 година, британско семесјтво се пожали на сметката од 500 евра за ручек во близина на плоштадот Свети Марко, а еден од нив вели дека келнерот ја искористил можноста кога видел дека едвај разбираат италијански, за да им донесе скапи јадења.

Тој случај беше само кусо време откако на јапонска двојка за порција јастог во центарот на венеција им беше наплатено 120 евра, но тие успеаја да ја намалат сметката за 40 отсто со помош на друг муштерија.