Мајката на 20-годишниот Бугарин, уапсен во Германија поради убиството на бугарската новинарка Викторија Маринова, рекла дека синот и признал дека е виновен.
„Призна дека тоа го направил додека бил пијан и многу дрогиран“, му рекла Надежда Красимирова на бугарски новинар во Германија каде живее.
„Призна и почна пред мене да плаче. Тој не е таков, не можам тоа да го разберам“, додала таа.
Бугарските обвинители го обвинија Северин Красимиров во отсуство за силување и убиство на новинарката и побараа негово испорачување од Германија.
Телото на 30 годишната Маринова, водителка на емисија за регионални настани на локална телевизија, е најдено во саботата во паркот во близина на дунавското пристаниште во Русе.