Дунавка Трифуновска која минатата недела беше топ тема на социјалните мрежи после гостувањето во „Бекстејџ“,  вeчерва повторно беше дел од нивната емисија, но овојпат наместо да зборува за себе , ги читаше коментарите на „Фејсбук“ и навредите упатени на нејзина адреса по повод првичното интервју.

А навреди имаше мал милион… Видеото од емитуваниот прилог имаше над 10 илјади прегледи и стотици коментари, а по селекција на Миро Кацаров, кој го сработи и првичниот разговор со неа дел од нив беа прочитани јавно, а Дунавка имаше можност јавно да им одговори и возврати.

После седум минути поминати во студио и низа навреди и од страна на манекенката кон оние кои ја критикувале, Дунавка се изнервира, па реши да стане сред интервју и да ја напушти емисијата.