Далијана Мелеан можеби заслужила и полошо, но нејзиниот долгогодишен партнер кој не е именуван во медиумите, одлучил да ѝ се одмазди за неверството така што организирал забава на која објавил дека таа и неговиот најдобар пријател имаат афера.

Венецуелецот кратко размислувал како засекогаш да прекине со својата девојка, а таа никогаш да не го заборави тоа. Имено, како и секој изневерен човек, тој сакал да ѝ се одмазди и поради тоа организирал забава на која им приредил ноќ за паметење на сите присутни. 

Сите очекувале добра забава, но наместо тоа добиле шокантен говор од страна на домаќинот кој некаде кон половината на вечерта го земал микрофонот од музичарите и објавил дека неговата партнерка Далијана има афера со неговиот пријател со кој се дружи веќе 20 години.

Тие се забавувале две години, а потоа овој Венецуелец дознал дека е изневерен – двапати!

“Денес дознав нешто во кое што отсекогаш се сомневав”, изјавил човекот додека Далијана стоела рамо до рамо со него, без некаква идеја за она што следува.

“Алберто, те познавам повеќе од 20 години. Ти си ми пријател, но додворувањето на мојата партнерка е кукавички потег”, продолжил да зборува тој.

Потоа го подигнал телефонот на својата девојка за да ги покаже текстуалните пораки кои тие ги разменувале. Неговиот пријател Алберто Собалваро е економист и конгресмен кој е лојален на венецуелскиот претседател Николас Мадуро. Со самото тоа, ситуацијата станала уште посериозна бидејќи ова е прилично голема “дамка” во неговата кариера. Изневерениот маж го обвинил Собалваро дека пробувал да купи некои апартмани кои ѝ се допаднале на Далијана, сѐ со цел да ја импресионира.

“Во преписките, Далијана се интересира за стан од 40 илјади долари и тој вели дека знае кај да најде таков и дека таа ќе го добие”, решил да открие тој.

Сите присутни биле во паника, мислејќи дека сето ова ќе прерасне во физичка пресметка, меѓутоа човекот останал смирен, додека неговата “сакана” пробувала да му го земе телефонот од раце.

“Алберто, навистина сакам да ти се заблагодарам на искреното пријателство од 20 години. Исто така сакам да ѝ се заблагодарам на Далијана за лицемерните две години со мене”, уште еднаш се обратил тој пред присутните на забавата.

“Драги луѓе, Далијана и Алберто се во врска”, го завршил говорот разочараниот маж.