Со погласни се шпекулациите во Шпанските медиуми  дека Серхио Рамос сака да  ги напушти редовите на Реал Мадрид. Рамос имал и состанок со Флорентино Перез на кој го известил за неговата намера да ја промени средината.

Дека ваквите шпекулации имаат здрава позадина е фактот што денеска во италијанските медиуми пишува дека Наполи одбил понуда од Реал Мадрид за Кулибали вредна 90 милиони евра.

Претседателот на Наполи, Аурелио Де Лаурентис и претходно изјави дека има одбиено понуда за Кулибали од околу 100 милиони евра, се верува дека таа била од Манчестер јунајтед.

Сега „Кориере дело Спорт“ тврди дека Реал Мадрид се обидува да дојде до потписот на Кулибало кој треба да биде наследникот на Рамос.

Кулибали во договорот со Наполи има откупна клаузула од 150 милиони евра, но таа станува активна од летото 2020 година, дотогаш само ако пристигне прифатлива понуда за Де Лаурентис тој може да замине.

Се верува дека Реал Мадрид ќе се врати со повисока понуда и ќе се обиде да го убеди Наполи да им го продаде дефанзивецот.