Катарина Шишмановиќ важеше за една од најатрактивните водителки на медиумската сцена во Србија, а регионалната публика најмногу ја памети по емисијата „Сѐ за љубов“. Водителка на емисијата беше до 2016 година, кога одлучи да ја заврши таа приказна.

Во тој период, Катарина стави крај на долгогодишната романса со Горан Стаменковиќ, сопственикот на продукцијата „Емоушн“, која стои зад емисијата која ја водеше.

„Горан и јас секогаш ги одвојувавме работата и приватниот живот. Не можам да речам дека тоа се поклопи, но и двајцата решивме да ставиме крај на врската. Четири години живеевме заедно. Едниствено што можам да кажам за него е дека последниве осум години беше важен дел од мојот живот“, изјави Катарина за магазинот „Глориа“ во 2016 година.

Од тогаш, убавата водителка се повлече од медиумите и многумина се прашуваат како изгледа и што прави денес. Во моментов, Катарина нема водителски ангажман, а приватно, најмногу време поминува на патувања.

Ако се земат во предвид најновите фотогграфии од нејзиниот Инстаграм профил, може да се заклучи дека убавата водителка никогаш не изгледала поубаво, пишува порталот „Пулс онлајн“. Не е познато дали Катарина сега има партнер.