Холивудската актерка Ума Турман глуми од 16. години. Високата и бунтовна блондинка, најмногу ја паметиме по улогите во филмовите на Квентин Тарантино, кому со години му беше муза.

Родена е во Бостон, во семејство на интелектуалци. Мајка ѝ Нена била модел, а татко ѝ Роберт универзитетски професор и еден од најпознатите аналитичари на будизмот во САД. Ума, чие име потекнува од будистичката митологија, како и имињата на нејзините тројца браќа и полусестри, пораснала во либерално и помалку ексцентрично опкружување, во дом во кој често гостин бил и Далај Лама.

Кога имала 15 години се преселила во Њујорк поради училиштето, глумата и работата како модел - висината, виткоста и несекојдневната убавина ѝ донеле ангажмани во моделингот. Наскоро започнала и да глуми.

Разводот од актерот Итан Хок, за кој се омажила во 1998 година и со него добила две деца, ќерка и син, се случил поради неговата афера со дадилката Рајан Шоухјуџ, со која Итан подоцна се оженил.

Освен бракот со Итан, зад неа е и краткиот брак со Гери Олдман од 1990 до 1992 година, До 2014 година била со францускиот претприемач Арпад Бусон, со кој ја добила ќерката Луна, родена во 2012 година. Со Бусон во 2017 година водела жестока судска битка околу старателството над ќерката и ја добила.