Заев и врати на Ла Верита - немаа ништо против мене, инаку ќе ме уништеа

Ако имаа докази, и тоа како ќе ме осудеа. Тоа беше само начин за притисок врз мене, вака експремиерот Зоран Заев одговара на наводите кои денеска ги изнесе италијанскиот весник Ла Верита. По нивниот текст за негово учество во изборни нерегуларности во 2014 година, Зоран Заев вели дека тоа било една од алатките за атакување на него како опозиционер во тоа време, кога неговата партија не ги призна изборите. 

„Ако имале какви било докази, верувајте во 2014 година со целата сила на ВМРО-ДПМНЕ Заев ќе го осуделе. Значи тие немаа никакви докази, дури не отворија ни обвинителен акт заради тоа што немаше. Таму каде што се трудеа тоа да го претстават пред јавноста еве до крај со обвинителни акти за поткуп, за сите тие други предмети што ги водеа против мене, како што беше прислушувањето и слично, овде немаа ништо, беше една фама што ја создаваа се со цел да се оцрни тогаш лидерот на опозицијата Заев, а никако не можеа ниту да заокружат што било, каков било наратив да поднесат дури обвинение”, изјави Заев.

Коментари

Популарно