Рибата подготвена на овој начин има посебен вкус.

СОСТОЈКИ:

800 гр свежа бела риба (ослич)

1 веза магдонос

1 веза копар

масло

сол

бибер

1 лимон

2 лажички зачин

НАЧИН НА ПОДГОТОВКА:

Рибата исчистете ја, измијте ја и исечкајте на парчиња. Посолете, побиберете, прокапете лимон и посипете со зачин. Ставете ги на фолија која сте ја премачкале со маслиново масло.

Од горе обилно посипете со сечкан магдонос и копар, а на секое парче риба ставете парче лимон.

Замотајте во фолија, ставете во плех и околу половина час печете во рерна загреана на 200 степени.

Послужете со варен компир или друг зеленчук по избор.

Извор: Готви.мк