Капитенот Лазаров сурово искрен: Борко грее клупа, Миркуловски има мала минутажа, а играчите од Вардар тотално се во аут!

По лошото светло и високиот пораз од 6 гола во првиот меч од баражот со селекцијата на Чешка за пласман на светското ракометно првенство во Франција, Капитенот Кире Лазаров ги кажа своите размислувања околу она што треба да се смени за да се исполни тешката мисија, но го лоцираше и проблемот за ова лошо издание - слабиот играчки ритам на ракометарите.

146629

Надежта не не напушта, иако Македонија се наоѓа во најлоша ситуација во последните пет години, кога се во прашање квалификциите и баражите за големите собири. Капитенот Лазаров верува дека може да се анулира поразот од 22-28 во Чешка, но затоа потребно е максимална концентрација и подобрување во сите елементи на играта.

„Мора да бидеме реални, оптимисти секогаш, ама и реални. Ќе биде многу тешко затоа што имаме една многу незгодна негатива, можеби шест голанема да бидат доволно, па ќе треба седум. Три-четиригола се стигаат за многу кратко време, но исто така и се губат, затоа треба да бидеме максимално концентрирани и фокусирани. Надеж ни дава тоа што ги увидовме грешките, увидовме дека одигравме еден катастрофален натпревар во сите сегменти од нашата игра почнувајќи од нападот, одбраната, како и секој поединечно и колективно. Анализиравме три-четири пати и тука ја гледаме нашата шанса, но воопшто нема да биде лесно.Треба да се подобриме во сите сегменти. Се надевам дека барем 30-40 отсто ќе бидеме подобри како кај голманите, така и во дефанзивата и во офанзивата. Свесни сме што треба, не е тоа лесно, меѓутоа малку ако се подобриме ќе бидеме на вистинскиот пат, камо ли да одиграме како што знаеме“, изјави Лазаров.

Ова ќе биде победа која може да ја спаси иднината, 60 минути кои имаат вредност слична на оние со Исланд пред осум години, кога Македонија се пласира на СП (во Хрватска) првпат по 10 години и отвори едно светло поглавје.Играчите се горе-долу, исти, но сега ги кочи товарот на годините, некои претераната дружба со клупата, наместо со паркетот. Лазаров вели дека трикот за успех ќе биде овие класа играчи кои ги има Македонија да ја најдат својата форма, зашто дека се квалитетни, не е спорно.

„Очигледно е дека имаме класа играчи, но тие класа играчи во монментов не се во најдобра форма. За тоа има повеќе причини, од типот на Борко Ристовски, кој по потпишувањето на Барселона ја грее клупата, нема континуитет на натпревари, Филип Миркуловски, кој има многу мала минутажа, слободно можам да кажам и јас самиот, бидејќи по елиминацијата во четвртфиналето од ЛШ тренираме со намален интензитет и без сериозни натпревари, а тука се и играчите на Вардар коишто се тотално аут во целата сезона. Значи сите тие играчи постојат, меѓутоа ако немате континуитет настанува таа црна дупка, па се лажеме самите себе дека сме добри. Да, добри сме ама континуитетот, играчката форма ги немаме, како на ЕП, така и на квалификациите за ОИ. Значи нема сомнеж дека овие играчи се квалитетни, но кога се во натпреваруцвачки ритам, а во моментов ситуацијата е лоша и ние сме свесни за тоа исто и нашиот слекетор“, призна капитенот.

За крај побара поддршка од јавноста. Овие ракометари со години се хранеле од песната на навивачите, било во Скопје или на туѓа почва, а сега тоа им е најпотребно.

„Очекуваме поддршка и од нашите навивачи, сигурен сум дека 'Борис Трајковски' ќе биде полн, поддршка во сите 60 минути затоа што ќе биде стресен натпревари во кој ќе имаме и лоши периоди и добри периоди. Добрите треба да ги искористиме, лошите да гледаме да не ги сфатиме трагично и да не паднеме психолошки. Јас сум оптимист, но не чека една тешка мисија, се надевам остварлива“, заврши капитенот.

Натпреварот меѓу Македонија и Чешкасе игра утревечер во 20 часот. Потребна ни е победа со седум разлика, или со шест, но во тој случај Белгија не треба да постигне повеќе од 21 гол.

Почина освојувачот на првиот ракометен Куп на Македонија!

На 22.03.2024, во 85-тата година од животот почина една од легендите на македонскиот ракомет, кој како играч, тренер и спортски работник ја пренесе љубовта кон спортот и вистинските вредности на многу генерации. 

Дејан Мариќ е роден на 28.06.1939 во Соколац, Босна и Херцеговина (Југославија).

Својата играчка кариера ја започнува во Раднички Горажде, продолжува во Куманово и Работнички од Скопје со кој неколку сезони играл во најдобрата прва Југословенска лига.

Се образува на Вишата Фискултурна школа во Скопје каде е дел од првата генерација, а високото образование го завршува на Факултетот за Физичка Култура во Сараево. 

Тренерската кариера Дејан Мариќ ја започнува 1959 во Куманово, каде е и еден од основачите на клубот, а ги тренирал и  Работнички, Борац Урошевац, Божур Гњилање, Кале Скопје, Мајданпек Србија, Крива Паланка, Шевро Куманово...

Професор во Градежно-Машински Училишен Центар (ГМЦУ) во Скопје, како и во Средното музичко училиште Илија Николовски-Луј, каде што и се пензионира.

Бил тренер на многу прволигашки играчи во Југославија и Македонија, како и репрезентативци на двете држави кои оставиле траг на ракометот на овие простори меѓу кои:  Љубимир Савевски, Касим Каменица, Гино Стрезовски, Драган Маринковиќ, Ацо Станковски, Панче Брдаров, Савчиќ, Меѓедовиќ, Томовиќ, Вучковиќ, Речица...

Во 1993 година како тренер на Шевро Куманово го освојува првиот ракометен куп на независна Република Македонија.. Во финалето Куманово го совладува тимот на Металург од Скопје.

Последните години од својот живот ги поминува во Куманово, каде е и погребан на градските гробишта. 

Слава му

Собери екипа и испробај се против најдобрите баскетџии во Македонија!

Додека во светот од година во година 3x3 баскетот добива се поголема популарност, во Македонија овој спорт е сеуште во зачеток. Здружението Звукот на мрежата или Sound of the net, се основа во 2023 година токму поради потребата да се рашири овој спорт во државава и да осетат македонските баскетџии што е прав машки баскет.

ФИБА правилата се разликуваат од обичниот маалски баскет, нападот трае 12 секунди, на секој даден кош се менува посед и мора да се извади топката надвор од тројка, дозволена е погруба игра во одбрана од кошарката. Натпреварот трае 10 минути, а завршува кога една екипа ќе стигне до 21 или ќе истече времето.

Следниот турнир е оваа Сабота (24.02.2021), додека наредните турнири ќе бидат на 03.03.204 во Битола, по што ќе следат два во Скопје и финалниот турнир на одлична локација во текот на Мај! Пријавувањето на турнирите можете дирекно да го направите дирекно на сајтот на 3x3 ФИБА или на еден од профилите на социјалните мрежи facebook: https://www.facebook.com/thesoundofthenet

Или инстаграм https://www.instagram.com/thesoundofthenet/

Пријавување на ФИБА: https://play.fiba3x3.com/events/8bb4ef56-cd4d-471e-a903-42398c2c473d?fbclid=IwAR2dPikv0HSMi182WniDHTJq3GNpwpQ4s4idmOwIzX1_WqtPDCOW9-QXC-E

На овие турнири нема лимит кој може да се пријави. Пријавете ја вашата екипа или дојдете на турнирите да го бодрите вашиот тим и да уживате во одичен баскет.

До сега Звукот на мрежата учествуваше во организаијата на 10 турнири кои се играат по официјалните правила на ФИБА. Баскетот 3х3 од неодамна е олимписки спорт, има официјални ФИБА судии, а секој од настаните се со пренос во живо на YouTube и одлична музика.

Оваа година со помош на Општина Ѓорче Петров оваа организација организира зимска лига турнири, со околу 6 квалификациони турнири од кои секој со награден фонт од околу 250 евра, и еден главен со награден фонд од 800 евра.

До сега се одржаа два турнири, на кој настапија екипи од цела Македонија, како и гости од Србија. На првиот турнир одржан на 11 Јануари, победи екипата на Brotherhood од Скопје, втора заврши екипата на La Taqueria од Србија, додека вториот го освои екипата на 3x3 Битола а втора заврши екипата на SolutionX3.

“Ние како организација имаме голема љубов и страст кон овој спорт, и после неколку години играјќи во странство на вакви турнири, решивме да пробаме да ја промениме состојбата кај нас и да го одржаваме и промовираме овој прекрасен спорт” - изјави претседателот Борисовски.

Ибрахимовиќ го договрил Конте да седне на клупата кај Милан

Поранешниот шведски фудбалски интернационалец со богата трофејна играчка кариера Златан Ибрахимовиќ според медиумите во Италија завршил работа со тренерот Антонио Конте на крајот од сезоната да ја преземе екипата на Милан.

Рокадата на тренерското столче кај „росонерите“ се актуелизира по разочарувачките резултати на тимот под палката на тренерот Стефано Пиоли. Конте кој претходно ги има предводено лутите ривали на Милан во Серија А, тимовите на Интер и Јувентус, според „Ибра-гол“ би требало да биде стратегот кој ќе ги врати „росонерите“ на врвот во Серија А.

Покрај трофејните италијански калчолигаши Конте ги предводеше и англиските премиерлигаши Челзи и Тотенхем. Милан сезонава ја губи трката за скудетото токму со Интер и Јувентус.

Популарно