Руска воена делегација, која допатува во Манила, се реши на еден поразличен начин да ја презентира воената подготвеност на нивните специјалци.
Наместо да губат време на срдечни поздрави и досадни говори, руска воена делегација, која допатува во Манила, се реши на еден поразличен начин да ја презентира воената подготвеност на нивните специјалци. Војниците излегоа во главниот парк во Манила и почнаа да го презентираат тоа што најдобро го знаат.
Се тепаа едни со други, вадеа ножеви, пиштоли, пукаа, скокаа пред насобраните жители на градот, како и пред бројните новинарски екипи. Сепак, тоа што најмногу остави впечаток кај присутните беше делот кога војниците почнаа да кршат бетонски блокови и дрвени греди едни од други.
Војниците грабнаа еден од нивните компањони, до држеа исправен, додека врз стомакот му стоеја два реда бетонски цигли. Четврт војник зеде токмак и со сета сила удри врз бетонот. На изненадување на сите, бетонот се раздроби, а војникот врз чиј стомак стоеше тешкиот материјал, стана и се исправи како ништо да не му беше.