Проширување и редефинирање на „Рамковниот договор“

Долго очекуваната посета на Хан на Македонија и средбите со политичките лидери се случи вчера и не промени ништо. Единственото изненадување, повторно го приреди претседателот Иванов кој ја ескивираше својата средба со Хан и го отстапи комесарот на преставниците на „Заедничка Македонија“. Секако таква средба немаше, затоа што ЕУ не сака да слушне што има да кажат граѓаните кои секојдневно во голем број протестираат против платформата на албанските партии.

Пораката што ја донесоа Хан и ЕУ, веќе ја знаевме. Брзо формирање на „реформска“ влада и исполнување на Пржино и забелешките на Прибе, за побрзо приклучување на Македонија во Унијата. Ниту збор за платформата, ниту за тоа како Македонија ќе влезе во ЕУ, кога во наредниве 10 години не се планира проширување. Нема осуда за изјавите на Рама, ниту за националистичките повици на Села. ЕУ таму не сака да се меша.

Поракати на лидерите на македонските партии до Хан исто веќе чуени. ВМРО ДПМНЕ сака нови избори, додека СДСМ бара мирен трансфер на власта,. Албанскиот блок повикува на смирување на меѓуетничките тензии и формирање на институции во што побрз рок. Празна реторика, слична како онаа на Хан.

Да почнам со ред. ДПМНЕ и новите избори. Се сложувам со Груевски дека нови предвремени избори секако ќе има. Но, не се сложувам дека истите нешто ќе решат. Лидерот на ВМРО веројатно смета, а така покажуваат и анкетите, дека неговата партија на следните избори ќе освои повеќе мандати. Но, дури и во случај ДПМНЕ да освои 61+ пратеници, тоа нема да ја реши кризата. Платформата повторно ќе биде на маса, а доколку македонскиот победник не коалицира со албанска партија, Хан ќе се пресели во Македонија. Албанските политичари ќе шетаат по улица, место во собрание. Сме го виделе ова. Ако на ова се додаде и огромната шанса СДСМ да не ги призане резултатите, пратениците на ВМРО сами ќе си седат во собрание.

СДСМ и мирниот трансфер на власт. Поразената партија во македонскиот блок, сеуште се однесува како победник и со собраните потписи од неколку албански партии бара мандат од претседателот Иванов. Менувајќи ја реториката на секои десетина дена, Заев и сопартијците се обидуват да најдат пат до формираање на влада и покрај блокот кој пред нив го постави претседателот Иванов. Како што и досега пишував, Иванов со не давањето на мандатот на Заев го крши уставот, но нема да се сложам со СДСМ дека со тоа ја продлабочува кризата, која од политичка сега преминува во етничка. Дури и Иванов да се премисли и да го даде правото за формирање на влада на СДСМ, што очекуваат лидерите од Бихачка? Дека народот ќе се тргне од улица? Поминаа повеќе од 3 месеци од изборите, а од СДСМ сеуште не одговориле што од платформата прифатиле за потписите од албанските партии. Прво лажеа дека платформата воопшто не била дел од преговорие со ДУИ, туку дека преговарале за општи правци во кои ќе се движела владата и дека за платформата ќе се преговара по добивање на мандатот и креирањето на владината програма. Кога видоа дека ова не поминува решија да свикаат прес и да престават лажна владина програма. Неколку минути подоцна од ДУИ јавно соопштија дека она што Заев го читаше пред новинарите и јавноста не е договореното со албанските партии кои дадоа потписи. Всушност да беше то владина програма, и Ахмети ќе беше присутен на пресот на Заев, Шекеринска и Спасовски, но....

Како и секогаш, албанските партии повикуваат на смирување на етничките тензии, што како и секогаш тие ги креираа. Политичката криза во Македонија премина во меѓуетничка само поради платформата на албанските партии. Никој и ништо друго не влијаеше на ова. 25 години албанските политички лидери глумат жртви, па по навика тоа го прават и овој пат. И по повеќе од два месеци, лидерите на албанските партии не собраа храброст да му објаснат на населението во Македонија, зошто е потребна платформата и зошто со неа се излегува од Рамковниот договор. Химната, знамето и грбот, не се споменати во документот од 2001 година во Охрид. Во рамката за помирување меѓу Македонците и Албанците не се зборува ниту за албански банкноти или албански амблеми на АРМ и МВР. За геноцидот, кој освен што историски е неточен, исто така нема ништо во Рамковниот, ниту пак за етнички буџет или Албанци во преговарачките тимови со Грција и Бугарија. Од каде сега потребата да се прошири Рамката? Нели Охридскиот ги задоволуваше сите барања на Албанците во Македонија? Што се смени?

Хан си замина. Сигурен сум дека ќе дојде уште неколку пати додека ситуацијава си тапка во место, бидејќи и не гледам шанса да се придвижи на подобро. СДСМ нема да ја отфрли платформата. Заев одбива да превземе одговорност и да зборува за неа. Вели, нема веќе платформи, има владина програма, иако НЕ, НЕМА!!!! Албанските партии ни под разно не сакаат да отстапат од потпишаното во Тирана, а ДПМНЕ овој пат не сака да попушти пред притисокот од надвор. Знаат во ВМРО дека тоа за нив би било погубно. Секогаш кога имало потпишување на некој меѓупартиски договор со странско посредување, ДПМНЕ ја губеле својата позиција. Овој пат, ако ДПМНЕ се повлече, не само што како победник ќе оди во опозиција, туку и ќе изгуби огромен број од гласовите на Македонците, кои сега единствениот спас од платформата го гледаат во нив. Можеби народот ќе остане на улица и нема да дозволи да се имплементира напишаното од албанската платформа, но ДПМНЕ ќе падне многу ниско, ако се откаже од своите позиции.

Во шахот ова се вика пат позиција и се почнува нова партија со свежи сили. Но шахот е само игра. Реалноста е дека ние немаме нова табла, а фигурите се тие. Потегот што може да ја одглави ситуацијата е во рацете на албанските партии, но тие се жртви по навика... дури и кога Села повикува на бркање на Македонци од работа...

Аврор: Пацифист

Заев сака, но не може да и даде на Бугарија

„Јас сум Македонец кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи“, напиша вчера премиерот Заев и додаде: Јас работам на доближување на ставовите околу разликите, и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!

Не знам од каде да почнам.... Ајде од почетокот. Први Август 2017 година. Денот на потпишување на договорот и изјавата на Заев дека со овој договор Бугарија го „признала“ Македонскиот јазик. Ммммм...НЕ! Единствено место каде се спомнува македонскиот јазик е последниот пасос во кој се вели:
„Потпишан во два оригинални примероци, секој од нив на официјалните јазици на Договорните страни – македонски јазик, согласно Уставот на Република Македонија и бугарски јазик, согласно Уставот на Република Бугарија, при што и двата текста имаат еднаква важност. “
Значи, согласно уставот на Република Македонија, што значи дека јазикот целиот свој легитимитет го влече од уставот, кој е менлива категорија и постои едвај 30тина години. За разлика од уставот, македонскиот јазик е официјален јазик векови наназад. 
Токму догооворот за добрососедство и лагите што тогаш ги ширеше Заев, се јасен аргумент дека премиерот знаел што го очекува и дека и сега знае што следува. 

Следно, „Јас сум Македонец кој зборува македонски јазик, признат од целиот свет“. Јазик не се признава. Јазик  постои и се кодифицира(стандардизира). Тоа што оваа влада постојано повторува дека македонскиот јазик е признат во 1977 година во Атина е само уште лага, со која повторно им се дава оружје на бугарските тврдења дека станува збор за бугарски дијалект. Во 1977 година во Атина со резолуција е усвоена латиничната транскрипција на македонската кирилица. Толку! Не се работи за никакво признавање, затоа што такво нешто не постои! Како тоа некој да ви признае јазик? Кој е тој што го може тоа?

„Јас сум Македонец кој зборува македонски јазик, признат од целиот свет“, колку и гордо да звучи, нема никакво значење во спорот со Бугарија и Заев го знае тоа. Софија секојдневно повторува дека тие немаат проблем со тоа што ние денеска сме Македонци и зборуваме македонски јазик, туку со нашето минато. На Бугарија во моментов не и гајле дали сме ние Македонци, туку што тоа биле нашите предци. „Македонија и македонскиот народ се творба на Тито. Излажани Бугари, а македонскиот јазик е само дијакт на бугарскиот“. Тоа е ставот на Софија и во ништо не се оспорува со „гордата“ изјава на премиерот. 

„Етничката и идентитетска разлика не е единствената меѓу нас“. И со оваа реченица Бугарија нема никаков проблем. Како што реков и пред малку, Софија признава дека сега сме различни народи, со различен идентитет. Тие ја сакаат историјата. Тоа многу отворено го кажа нивниот министер, кога рече дека убаво што Заев прифаќа заедничка историја, само уште да признае дека е бугарска. 

„Јас работам на доближување на ставовите околу разликите“. За некој да работи на доближување на ставовите, прво треба да има став, а Заев го нема. Дури и кога личи дека го има, ЛАЖЕ! ЛАЖЕШЕ дека нема да се смени устав со цел да се смени уставното име! ЛАЖЕШЕ дека со „Преспанскиот договор“ е бетониран идентитетот, но ја изгубивме пола историја (историја +традиција +култура+јазик = идентитет). ЛАЖЕШЕ дека со договорот со Бугарија, Софија го „признала“ македонскиот јазик. ЛАЖЕШЕ дека не постои „Тиранска платформа“. ЛАЖЕШЕ дека сме добиле датум за прговори со ЕУ, барем 12 пати. ЛАЖЕШЕ дека има писмени гаранции за почеток на преговори со ЕУ. ЛАЖЕШЕ дека Бугарија во втората светска војна била само администратор во Македонија. ЛАЖЕ и сега! Заев нема став, затоа што тој не се обидува да го реши спорот со Бугарија за доброто на Македонија, туку за свое добро. Во ситуација кога земјава е задолжена над 60% од БДП (високозадолжена земја), по што му е јасно дека повеќе нема да може да се задолжува и многу скоро ќе остане без пари за плати и пензии, единствен спас му се европските фондови. Во ситуација кога Македонија е 7ма по смртност од Корона, а ситуацијата до прва ќе се влошува, Заев знае дека многу скоро (на пролет) ќе мора на избори. По сите порази, на сите полиња, Заев знае дека неговата политичка кариера завршува со тие избори. Но, не е тоа главниот проблем на премиерот. Она што него навистина го плаши е прогонот кој што му следува. При "All in“ има само две можни. Ги собираш сите чипови (успеси) од масата или губиш се, па дури и слободата. 

Заев во моментиве е давеник, налик Груевски пред неколку години. Разликаата е што Груевски бараше спас кај народот (кој го пљачкаше со години), а Заев очекува да му помогнат странци. Она што сеуште не го разбрал е дека, кога ќе ја изгуби довербата кај народот, странците нема да го есапат. Завршено е! Сега дури и да прифати дека до вчера сме биле Бугари, а јазикот ни е препишан од бугарски буквар од 1943 година, никако не може да му понуди гаранција на Борисов дека тој договор ќе биде почитуван од наша страна. При таков договор, диру ни почеток на преговори со ЕУ нема да му донесе победа на изборите, а тоа Софија го знае. Затоа, сега потписот на премиерот не вреди ништо во Бугарија. Од таму и изјавата на Каракачанов дека изјавите на Заев се празни зборови, му требаат дела. Делата Заев не може да ги понуди! Единствено што може да направи е дополнителна штета во односите со Бугарија со уше некој анекс договор, за кој нормално ќе ЛАЖЕ што подразбира. Ова не значи дека давеникот ќе престане да прета и да се бори за воздух и по цена на други жртви, но крајот е блиску, а СДСМ никако не може да го запре. 

По сите понижувања и неуспеси кои како народ ги доживеавме под оваа владејачка гарнитура, добрата вест е дека за неколку месеци ќе заминат во историјата (во онаа црната). Лошата вест, доколку драстично не се променат работите, е дека Мицковски ќе биде новиот премиер. Сегашниот лидер на ДПМНЕ кој не направи ама баш ништо, да го спречи Заев во своите антимакедонски политики, премиерската позиција ќе ја добие на тацна. Слично како што ја доби и претседателската функција во својата партија. ДПМНЕ под лидерство на Мицкоски не доби ниту едни избори, не оствари ниту една победа! Ако толку може како партиски лидер, колку (ич) ќе може како премиер?

Можеби малите партии (од кои се издвојува Левица) ќе можат да го искористат вакумот, но сеуште е рано да зборуваме за премиер кој не е челен на СДСМ или ДПМНЕ. 

Автор: Пацифист

(Фото) Му се слошило на работа, западнал во кома, а брзата помош го однела... ДОМА

На социјалните мрежи во Фејсбук групата "Стари Скопјани" се најде статус каде еден од членовите на истата група раскажа за случка која се случила во неговото семејство.

Имено, неговиот зет за време на работа му се слошило и се онесвестил. Неговите колеги повикале брза помош, но тие наместо веднаш да го хоспитализираат тие го транспортирале само до ДОМА.

"Состојба тогаш: не зборел, не бил при свест, не мрдал не бил контактибилен. Тој е на возраст од 40 години,а работи во близина на ГОБ "8ми Септември", ( па нели требало прво да го однесат на некакво снимање, преглед и сл, па така барем беше во наше време. Од како го донеле дома му ставиле инфузија и си заминале и ја повикале ќерками од работа. Сега мојот зет лежи во КОМА, не сум по таа струка за да знам што му е, но само лежи без никакви знаци. Денес дојдоа еднаш од брзата помош да му сменат инфузија и оставија некое кесе, па ќерками ми напиша на ливче што се треба да купам од аптека, изгледа ќе треба сами да го боцкаме. Понатаму ќе ве известам како ќе течат работите, но еве како се спремни оние од екипата на Филипче да помагаат на болните во време на пандемија."

"Мајко Македонијо" те ранија, те омаловажија, стана безимена

Ех, Македонијо мајко моја, Те ранија, те омаловажија, стана безимена. Станавме затворен логор. Потпишавме капитулација. Останавме затворена ковид држава. Секој ден гледаме луѓе без насмевка, луѓе со маски и тешки мисли “Како да издржиме и месецов?”. Во држава во која се шири вирусот со невидена брзина, каде секојдневно имаме над стотици заболени. Дури некои се спремаат за избори, народот се заразува.

ИЗБОРИ ЌЕ ИМА! Има ли пилот во авионот со име МАКЕДОНИЈА? Економијата ни тоне, здравството колабира, а сиромаштијата влегува во фаза на ЕПИДЕМИЈА.

Здравствените работници со последни сили се борат, десеткуваани, заразени и деградирани. Некои земаат картички, некои не но сите заедно и сложно се борат против невидливиот непријател. Без нивната храброст и пожртвувсност ќе бевме Вухан на Балканот. Со ваков галопирачки развој на вирусот, со ваква неспособна власт, ќе имаме долго, топло и пеколно лето и многу ладна есен и зима. Државата ќе банкротира со колабирано здравство, пандемија на сиромаштија и корона.

Ех.. МАКЕДОНИЈО.

М-р Боби Бојчевски

Популарно