Кривична пријава за Љупче Златев поради поттикнување труење на животни

Асоцијацијата на активисти за права на животните денеска поднесе кривична пријава до Основното јавно обвинителство против Љупчо Златев поради поттикнување труење на животни.

-Новинарот кој во два наврати (на Фејсбук и на емисијата на ТВ Нова) поттикнуваше труење со животни, давајќи директни насоки со кој отров луѓето треба да ги трујат уличните кучиња. ААПЖ бара да се покрене кривична постапка против пријавениот за едно кривично дело “Предизвикување на општа опасност” и едно кривично дело “Мачење животни” , велат од Асоцијацијата.

Општина Центар нуди парична награда за пронаоѓање на луѓето кои расфрлаат отров

Општина Центар заедно со полициската станица „Центар“, упатува јавен повик во врска со последните настани со расфрлање отпад со отров низ цело Скопје, но посебно во општина Центар. Ние како општина преземаме мерки колку може побрзо да се расчисти случајот за да не ни се случи масовно труење на животните, изјави градоначалникот на Општина Центар, Саша Богдановиќ кој потсети дека отровот, покрај тоа што е опасен за животните, може да биде фатален и за најмладите.

-Ние ќе излегуваме во контрола секој ден, но апелираме и за помош за пронаоѓање на луѓето кои фрлаат отров. Апелираме до граѓаните за било каков податок доколку затекнат сомнителен лик да расфрла отровни материи. Општината ќе дава парична награда за оној кој ќе даде било каков податок. Очекуваме ова да биде стимул за луѓето да ни дадат било каква информација, вели Богдановиќ.

Градоначалникот на Општина Центар информираше дека секојдневно во општината добиваат 4 до 5 пријави за расфрлен отров и дека се спрема кривична пријава, но засега не се утврдени сторителите.

-Има некакви индикации, но се уште не знаеме за точно кои луѓе станува збор. Во соработка со Министерството за внатрешни работи ќе бидат извршени детални проверки и ќе се преземаат конкретни мерки, најави Богдановиќ.

Досега од страна на општина Центар имаше неколку расчистувања на расфрлен отров и тоа кај Клубот на новинари, во населбата Капиштец, кај катната гаража во „Буњаковец“ и кај државна болница.

– По тоа што јас го гледам станува збор за организирана акција и не верувам дека ова го прават еден или двајца луѓе, прецизно се фрла точно каде луѓето чуваат миленици, од 20 часот па подоцна, вели Богдановиќ

Заменик командирот на полициската станица „Центар“, Милисав Мијалчиќ апелираше до сите кои чуваат миленичиња да се држат до законот за миленичиња, односно да носат каиш и маска за да не дојде до непријатни ситуации. Во спротивно, доколку не се почитува законот ќе следат кривични пријави.

Пулмолозите апелираат да не излегувате од дома без заштитна маска

Мерните станици деновиве покажуваат голема концентрација на штетни честички во воздухот.

Откако градските власти излегоа со препораки, совети и од пулмолозите- да се користат заштитни маски и антиоксиданси, без потреба да не се излегува надвор.

Аерозагадувањето стана хроничен проблем на Скопје.

Надлежните го вклучија алармот. Маглата се врати, а со неa и смогот и отровните честички.

Измешан со грипот тој може да има катастрофални последици по човечкото здравје, велат лекарите. Расте бројот на пациенти на Клиниката за пулмологија.

Скопјани веќе тешко дишат. Се жалат на главоболки, печење на очите и носот. Се заштитуваат колку што можат.

Популарно