(ФОТО) ЗДРОБЕНИ ВОЗИЛА НА „ПАРТИЗАНСКА“: Тешка сообраќајка вечерва кај поликлиниката „Букурешт“

На местото на несреќата пристигна и возило на Брза помош, но засега нема информации за повредени лица во овој карамбол на една од најпрометните сообраќајници во Скопје

Тешка сообраќајката се случи вечерва на крстосницата на булеварот „Партизански одреди“ во близина на поликлиниката „Букурешт“ во Скопје. Во сообраќајката учествувале две возила со скопски регистерски таблички. Марките на возилата се „пежо“ и „алфа ромео“.

Двете возила, како што може да се види и од фотографиите направени од местото на сообраќајката имаат значителни оштетувања. На местото на несреќата пристигна и возило на Брза помош, но засега нема информации за повредени лица во овој карамбол на една од најпрометните сообраќајници во Скопје.

Според очевидците причина за сообраќајката е непочитување на поставената сигнализација. Полицијата е излезена на терен и врши увид. Сообраќајот не е во прекин.

Превземено од  http://telegraf.mk/

Бесплатно такси за пијани скопјани

Град Скопје, Републичкиот совет за безбедност во сообраќајот, Авто-мото сојузот на Македонија и 30 ресторани во Скопје почнуваат кампања „Ги возиме одговорните“ со која ќе ги мотивираат возачите да не возат пијани. Гостите во кафаните со нарачување на такси на онлајн апликацијата ќе добијат ваучери од 100 денари. Парите за ваучерите кои ќе ги добиваат пијаните гости ќе ги обезбедат кафаните кои се вклучени во овој проект.

„Загрижуваат бројките на пијани возачи во Скопје. Пред некој викенд дури 500 возачи беа фатени како возат под дејство на алкохол. Со вакви бројки не е воопшто чудно што сме на дното на листите за безбедност на улиците во европски рамки. Целта на оваа кампања е да ја зголемиме свеста кај граѓаните да возат одговорно, да избегнуваат да возат под дејство на алкохол како не би со загрозиле ниту својот ниту животот на другите учесници во сообраќајот. Граѓаните на Скопје мора да заборават на своите автомобили кога консумираат алкохол. Јавниот превоз работи до доцна во ноќта, такси цените се релативно евтини во споредба со други градови, а сега нудиме и можност за бесплатно такси“, изјави градоначалникот Петре Шилегов.

Портпарол во АМСМ Росана Јанков рече дека Македонија со оваа и голем број наредни кампањи земјава се вклучува во глобалната кампања за безбедно возење и намалување на бројот на жртви во сообраќајни несреќи.

„На глобално ниво 3.500 луѓе дневно умираат од сообраќајни несреќи. Ги повикуваме граѓаните да ја користат оваа можност и се надевам дека поголем број угостители ќе се вклучат во кампањата“, рече Јанков.

ФОТО: Твитер Vs Град Скопје

Веројатно најсподелуваната фотографија на Твитер последниве два дена, е оваа од центарот на главниот град.

Следи фотографијата на која се гледа како градот ги решава сопствените пропусти:

А има и по некоја идеја:

Секако и по некоја поплака

Популарно