ВИДЕО: Антиќ му удри шамар на Синглтон, па ги запали фановите на ПАО

Македонскиот интернационалец Перо Антиќ се најде во центарот на вниманието за време на вториот дуел од четвртфиналето во Евролигата помеѓу Панатинаикос и Фенербахче, кој се игра вечерва во арената „ОАКА“ во Атина.

Антиќ во средина на втората четвртина по еден дуел влезе во конфликт со противничкиот играч Синглтон, со кого разменија по неколку зборови, а имаа и блисок физички контакт, но без посериозен инцидент.

Македонецот дополнително го навлече гневот на домашните навивачи, откако при излегување од теренот ги отпоздрави на провокативен начин. Атмосферата зовреа, што е и очекувано ако се знае дека Антиќ неколку години беше член на лутиот ривал Олимпијакос, а притоа на себе има тетоважа и од нивните навивачи

(ВИДЕО) Неверојатен трик: Ваков слободен удар сигурно не сте виделе!

Минатата недела во Белгија се играше Куп, а најголемо внимание предизвика дуелот помеѓу Гент и нисколигашот Геел, кој заврши со победа на Гент од 3:2.

Херој за Гент беше Даниел Миличевиќ кој постигна хет-трик, но едниот негов погодок ќе остане запаметен по трикот кој го изведоа белгиските фудбалери.

Имено, фудбалерите направија двоен жив ѕид, така што со едниот комплетно го покриваа играчот кој го изведува слободниот удар, па голманот не можеше да го види. Трикот успеа и топката на крајот заврши во мрежата.

Андреев: Самсоненко ме смени од Вардар под притисок од Груевски - Вардар негира

Рускиот стратег, Сергеј Андреев, кој додека беше тренер на ФК Вардар спиеше на клупата, за рускиот весник „Меч“изненадувачки изјави дека причината за неговата смена од тренерското место во Вардар не е од спортски причини.

„Немаше да останам тренер на Вардар и ако го миневме АПОЕЛ во Лигата на шампионите. Дури ни денес не ја знам правата вистина. Но, откако минаа двата натпревари од квалификациите, имав средба со сопственикот на Вардар, Сергеј Самсоненко. Веднаш се разбравме еден со друг, тој ми рече дека е под притисок и го насочи прстот нагоре. Ми го посочи премиерот, а јас не можев да верувам. Не знам како се случи ова, но ви кажувам искрено што ми кажа Сергеј. Му се заблагодарив, сите пари ми беа исплатени и се разделивме. И денес сме во добри односи, понекогаш и се слушаме кога доаѓа во Ростов“, изјави во долгото интервју на 12 септември на новинарот Евгениј Шуваев, поранешниот тренер на Вардар.

„Црвено-црните“ беа елиминирани од АПОЕЛ со вкупни 1-1, по оние 0-0 во Никозија и 1-1 во Скопје. По елиминацијата следеше заминување на Андреев, а на негово место дојде Гоце Седлоски, кој со Вардар освои две титули првак на Македонија. Од управата на Вардар се изненадени од изјавата на Андреев и откако стапивме во контакт, извршниот директор на клубот, Самоил Симев ги негира натписите во руските медиуми.

„Наојстро демантирам и одговорно тврдам дека такво нешто воопшто не му било кажано на Андреев при разговорот со нашиот сопственик, Сергеј Самсоненко. Од кои причини дал таква изјава самиот Андреев, навистина не знам. Но, она што би сакал јасно да напоменам е дека веќе е навистина доста. Доста е веќе светото име во спортот во нашата држава, Вардар, да се користи во политичка конотација. Преку вашиот медиум би сакал да ги замолам сите останати медиуми, како и дел од оние кои работат исклучиво по инструкции и за туѓи интереси - доста веќе политички нè боите. Јасно е веќе дека дел од медиумите немаат никаков морал, етика и принципи во работењето. Се злоупотребува секој спортски работник, кој во овие пет години мина низ нашите клубови. Како Андреев, така и Раул Гонзалез, тренерот на машката ракометна екипа, кој на обична изјава и мислење за општината се дрзнаа многу луѓе и медиуми да го нападнат и оцрнат неговото име и неговите спортски достигнувања, како во Вардар, така и во репрезентацијата на Македонија. Само за потсетување, пред само три месеци, истиот тој Раул го донесе најголемиот клупски успех во Македонија - ракометната титула во Лигата на шампионите и воедно беше прогласен и за наш херој како предводник на РК Вардар“, смета Симев.

Во името на клубот, Симев на крајот упати порака дека Вардар е самостоен во работата и нивната работа е општествено одговорна, а не политичка.

„За крај, би сакал да им порачам на сите, оставете не да работиме во мир. Во многу наврати изјавивме дека сме самостојни во работењето. Наш императив и интерес е спортот, развојот на Вардар во сите три клуба, како и во младинските категории. Нашата работа е општествено одговорна, а на политичка. Бурно ќе реагираме во иднина на секој што ќе сака да му прилепи какви  било етикети и да го злоупотреби името на Вардар во политичка кампања. Ние докажавме дека сме самостојни во нашето работење, така и ќе продолжиме, да го радуваме македонскиот народ, исклучиво на спортските борилишта и со врвни спортски резултати“, заврши Симев во разговорот за Gol.mk.

Вардар од пред еден месец има нов тренер, Чедомир Јаневски и по неговото назначување, клубот обезбеди место во групната фаза на Лига Европа. 

Популарно