ВИДЕО: Како да платите билет во ЈСП со мобилен телефон?

Веќе неколку дена во градските автобуси едно возење може да се наплаќа и преку мобилниот оператор ВИП.

Досега можеа само корисниците на Т-мобајл да плаќаат со мобилен.

Потребно е само еднаш да ја активирате оваа услуга и таа да стане активна. Цената на плаќање преку мобилен е 40 денари.

Колку чини ноќевање во скопските хотели за Супер купот во Скопје?

Хотелите во Скопје ќе бидат едни од оние кои најмногу ќе заработат благодарение на одржувањето на Суперкупот на УЕФА во нашиот главен град. Европските гиганти Реал Мадрид и Манчестер Јунајтед ќе играат на 8 август на „Телеком Арената“, а се очекува голем број на шпански, англиски, но и други туристи, кои ќе дојдат во живо да го проследат овој натпревар.

Иако има речиси уште два месеци до одигрување на Суперкупот, во Скопје е тешко да се најде хотел за спиење во тој период. Хотелите решија да го искористат овој настан и ги зголемија цените за претстој во овој период. 

Неверојатно, но вистинито е дека на еден од најпопуларните онлајн начини за резервирање на www.booking.com се нуди дводневен престој во Скопје за две лица во хотел за дури 3.000 евра. Тоа значи дека двајца туристи во една соба, во периодот од 7 до 9 август, ќе треба да платат 184.000 денари.

И покрај овие неверојатно високи цени, поголем дел од хотелите се полни, а во останатите има уште по неколку соби за резервирање. Едноставно, фактот дека најтрофејните англиски и шпански екипи ќе бидат во Скопје, го направи нашиот град, да биде поскап за спиење и од светските метрополи како што се Лондон, Њујорк, Токио.

Денес и утре ќе се прска против комарци

Денес подрачјето на Скопје, како и недела во раните утрински часови ќе се прска против комарци.

Од Град Скопје информираат, дека доколку временските прилики не го дозволуваат тоа, авионската дезинсекција ќе се изврши првиот нареден ден, кога временските услови ќе бодат поволни.

Оттаму апелираат до пчеларите – навремено да ги преземат сите потребни мерки за заштита на пчелите.

Популарно