ВИДЕО: Како да платите билет во ЈСП со мобилен телефон?

Веќе неколку дена во градските автобуси едно возење може да се наплаќа и преку мобилниот оператор ВИП.

Досега можеа само корисниците на Т-мобајл да плаќаат со мобилен.

Потребно е само еднаш да ја активирате оваа услуга и таа да стане активна. Цената на плаќање преку мобилен е 40 денари.

Мухамед Зекири кандидат на СДСМ за градоначалник на Скопје

Пратеникот од редовите на СДСМ, Мухамед Зекири е еден од можните кандидати за градоначалник на Скопје, пишува „Фокус“ повикувајќи се на неофицијални извори во партијата.

Според информациите, за градоначалничката фотеља во Скопје од СДСМ засега се вртат имињата на тројца кандидати меѓу кои Зекири, Петре Шилегов, кој е исто така пратеник од владејачкото мнозинство, како и Дамјан Манчевски, кој во моментот е министер за информатичко општество и администрација.

Исто така, информациите велат дека Зекири најдобро стои на анкетите што се спроведени во Чаир, како можен кандидат за градоначалник на оваа скопска општина, каде би добил поддршка и од „интегративците“.

Директорката на УЈП со наредба до вработените да се облекуваат пристојно

Во Управата за јавни приходи веќе еден месец вработените прават анализа на скандалот кога една од вработените дошла на работа без гаќи. Некој се пожалил кај новата директорка на Управата, Сања Лукаревска, дека е непристојно облечена, па таа до сите вработени испратила кодекс на однесување.

„Ни стана чудно што директорката, која не доаѓа од некоја друга институција, туку е од тука, нѐ познава сите, ни испрати имејл со наредба доследно да го почитуваме кодексот на однесување, но набргу се расчу дека тоа го направила оти некоја од колешките на работа дошла без гаќи. Сега анализираме кој ја пријавил, дали некоја странка или некој од нас“, вели вработен во Управата.

Освен колешката без гаќи, тој вели дека имало и многу други што не го почитуваат кодексот. Колега што работи со странки често се случувало да ги соблече чевлите и цел ден да оди бос по теписонот со објаснување дека му е многу жешко, а длабоки деколтеа и безобразно куси здолништа биле секојдневие.

Кодексот за однесување на вработените во Управата за јавни приходи забранува вработените да доаѓаат на работа во хеланки, во тренeрки, во спортски обувки, со длабоко деколте, во налани и во кломпи.

Накитот, шминката, фризурата и маникирот, според кодексот, треба да бидат одбрани за да оддаваат пристојност и уредност и да бидат приспособени на деловниот изглед.

Вработениот што нема да ги почитува правилата на однесување утврдени со кодексот, според УЈП, подлежи на дисциплинска одговорност.

Од Управата велат дека УЈП нема поведено дисциплинска одговорност за вработен по наведениот или сличен основ. Портпаролката Весна Новаковиќ вели дека не е регистриран случај за, како што вели, наводниот скандал.

(ФОТО) Преполно Скопско кале и одлична забава на првиот фестивалски ден на „Пиволенд 2017“

Преполно Скопско кале, многу странски гости, но и домашни посетители кои се забавуваа до доцна во ноќта, вака започна годинешното, јубилејно издание на „Пиволенд“, кое ќе трае сè до 12 август.

Фестивалот го отворија „Бенд ОФ“ со рок свирка, а по нив настапија „Чил плеј“ и диџеј Иноматик. Пејачката Нина Јанева и бендот „2 Егзит“ беа следни, а за крај со електронска музика посетителите ги разигра диџеј Крис.

Иако бевме скептични во поглед на посетеноста бидејќи е понеделник и прв работен ден во неделата, сепак Скопската тврдина беше исполнета до последно место.

Вечерва на „Пиволенд“ први ќе настапат „Саут парк“, а потоа од 20.45 е организирано групно гледање на натпреварот од УЕФА Супер Купот. По завршување на дуелот Реал Мадрид- Манчестер Јунајтед, ќе настапи македонското дуо „Шајн“, во кое членува најдобриот македонски гитарист Дамјан Пејчиновски.

Популарно