Не е само Бугарија - и овие земји од ЕУ ги продаваат своите пасоши

Уште во 2014 година, европскиот парламент  изгласа необврзувачка резолуција по која европскиот пасош никогаш не би требало да стане стока со која се тргува.

Лимасол на јужниот брег на Кипар е регион кој финансиски цвета и е место за средба на голем број екстремно богати Руси кои добиле европски пасош. Во Кипар како членка на ЕУ на многу софистициран начин се маскираат парите кои се слеваат таму. Од 2013 на странците им е овозможено за шест месеци да добијат пасош од одржавата ако инвестираат 2 милинони недвижнини таму, или 2,5 милиони евра вложени во државни обврзници или компании.

Од тогаш Кипар има издадено 2000 пасоши на странци, од кои половина на Руси, со кои може да се патува без визи во 147 земји, вклучително Велика Британија и Јапонија.

Брисел е загрижен заради оваа појава, особено затоа што овие луѓе пристапуваат кон ЕУ на нефер начин. Една од причините поради кои Русите купуваат кипарски пасоши е плаќањето на мали даноци.

Руските пари на Кипар се предмет на истрага за наводните врски со администрацијата на Доналд Трамп и Русија. Имено, поранешниот шеф на кампањата на Трамп, Пол Манафорт користел кипарски банкарски сметки за примање пари од рускиот тајкун Олег Дерипски и други украински клиенти.

Малта за своето државјанство бара 650.000 евра плус вложување во недвижнини од најмалку 350.000 евра и додатни 150.000 вложувања во државни обврзници. Во првите 6 месеци од 2015 година Малта добила 200 нови државјани. Во Португалија процесот на купување државјанство е значително покомплициран. Со половина милион евра вложувања во недвижнини, 6 години престој и течно говорење на португалскиот јазик може да се стане државјанин.

(ВИДЕО) Двајца Афроамериканци беа уапсени само зашто седнале и ништо не нарачале

Компанијата Старбакс планира да организира обука против расни предрасуди за дури 175.000 свои вработени, по инцидентот во Филаделфија, каде двајца Афроамериканци беа уапсени само зашто седнале и ништо не нарачале.

Кога вработена во угостителскиот објект ги прашала гостите што ќе нарачаат, тие рекле дека прво ќе го почекаат пријателот што треба да дојде. Тогаш менаџерот на кафулето повикал полиција со образложение дека „двајцата мажи одбиваат да нарачат или да си одат“.

Видео снимката која ја направија посетители на кафулето ја шокираше јавноста во САД.

Старбакс се извини по инцидентот, а двајцата Афроамериканците набргу беа ослободени од страна на полицијата.

Настанот предизвика бројни протести во кафулето во Филаделфија и повици за бојкот на Старбакс. Поради тоа, компанијата наредниот месец на неколку часа ќе затвора 8.000 свои локали во САД, и ќе организира обука против расизам за вработените. 

(ВИДЕО) Страшна исповед на патник во американскиот авион: Жената до половината висеше надвор...

Патниците кои што го преживеаа летот на авионот на американската авиокомпанија "Southwest Airlines" на кого му експлодираше моторот за време на летот, го опишаа хоророт низ кој што поминале.

Откако моторот на авионот кој што летал од Њујорк до Далас експлодирал, шрапнели го оштетиле трупот и искршиле еден од прозорците. Една жена која што седела веднаш до прозорот била сериозно повредена од експлозијата, а за малку и ќе излетала од авионот.

Половина од нејзиното тело веќе било надвор од авионот, по што патниците реагирале, ја грабнале и ја повлекле назад во авионот. Како што раскажуваат некои патници за американските медиуми, сцените биле страшни, а крв имало насекаде.

„После експлозијата авионот започна нагло да паѓа, некои започнаа да паничат, беше прилично морничаво“, изјави Тимоти Бурман за американските медиуми.

„Одредено време бевме надвор од контрола, а пилотот се мачеше да го исконтролира авионот. Сите мислевме дека паѓаме. Сопругата и јас мислевме дека ќе умреме. Навистина сме благодарни што го преживеавме тоа“, изјави Бурман.

„Стујардесите започнаа да трчаат, настана хаос. Сите се насочија кон дупката каде што беше авионот. Не знаевме што да направиме, дали да ставиме нешто врз дупката или не. Мирисаше на чад“, раскажува тој.

Како што авионот се приближувал кон пистата, стујардесите соопштиле дека патниците треба да се подготват за удар. За среќа, пилотите успешно го приземјиле авионот на пистата.

„Десетина минути бевме без еден мотор. Од 2500 на 1500 метри се спуштивме прилично брзо, но после тоа беше полесно. Пилотите и екипажот одлично ја завршија работата“, изјавил еден од патниците.

Во авионот кој што летал на редовна линија од Њујорк до Далас имало околу 150 патници и членови на екипажот. Во несреќата загинала Џенифер Риорден која што иако била спасена од тоа да излета од авионот, сепак им подлегнала на повредите, а потешко биле повредени 12, а полесно 7 лица.

Популарно