ОГЛАС за работа: 10 слободни места во ЕВН - не ви треба факултетска диплома

EВН Електродистрибуција е компанија чија главна дејност е дистрибуција на електрична енергија во Македонија. На македонскиот пазар компанијата влезе во 2006 година како дел од групацијата EVN која е активна во 21 државa во Централна, Источна и Југоисточна Европа. Нашата најзначајна цел е сигурно и квалитетно снабдување на корисниците со електрична енергија по конкурентни цени. 

10 ЕЛЕКТРОМОНТЕРИ (М/Ж) на територијата на Р. Македонија

Опис на работните задачи

Исклучување и повторно вклучување на корисници на дистрибутивната мрежа

Отчитување на податоци од броила

Контрола на приклучоци и мерни места

Замена на броила на корисници

Прием, обработка, чување, ажурирање, средување на документација

Помош при отстранување дефекти

Откривање и пријавување неправилности на електроенергетски објекти и мерни уреди 

Потребни квалификации и лични карактеристики

IV степен електротехничко образование – енергетика

Квалификации за работа под напон ќе се сметаат за предност

Компјутерски познавања ќе се сметаат за предност

Возачка дозвола,

Одговорност, лојалност, тимска работа

Комуникативност, флексибилност

Доколку сте заинтересирани за кариера во ЕВН Македонија, на [email protected] испратете куса биографија и мотивационо писмо, или потполнете ја електронската апликација на нашата интернет-страница www.evn.mk најдоцна до 20.05.2017.

Напомена: Доколку сакате Вашите податоци да бидат зачувани во нашата база на податоци согласно Законот за заштита на лични податоци, покрај биографијата и мотивациското писмо треба да испратите и изјава за дозвола за користење на лични податоци за потребите за вработување (https://www.evn.mk/Careers/OnlineApplication.aspx)

 Активен до: 20.05.2017

Промени на законот за енергетика во Март: Дали ќе има евтина струја?

Законот за енергетика треба да биде усвоен до крајот на март

Кога домаќинствата, односно граѓаните ќе ја купуваат струјата на слободниот пазар, евтината тарифа нема да постои, барем не во оваа форма.

Дали ќе има евтина тарифа на струјата од 14 до 16 часот во работни денови и цел ден во недела, ќе зависи од понудата на снабдувачот кој ќе го избере секое домаќинство.

Снабдувачите пак, сами ќе одлучуваат каков пакет ќе понудат. Понудите можат да вклучуваат и различни термини за евтина струја, но тоа неизбежно ќе значи и ново подесување на електронските броила.

Законот за енергетика треба да биде усвоен до крајот на март. Меѓу другото тој предвидува за оние граѓани кои нема самите да изберат снабдувач, струја да обезбедува таканаречен „универзален снабдувач“, фирма која ќе се избира на тендер на секои 5 години.

Од Нова Година ГОЛЕМ бран на поскапување

Претставувајќи го буџетот за 2018 година, Министерството за финансии соопшти дека за три и пол денари ќе се зголеми акцизата на дизел горивата. Со оглед на тоа што станува збор за гориво кое најчесто го користат дистрибутивните и воопшто транспортните компании извесно е дека тоа ќе донесе поскапување на основните прехранбени продукти како што е лебот односно брашното, овошјето и зеленчукот.

Имено, експертите укажуваат дека првичните пресметки велат дека акцизата ќе има големо влијание врз домашниот буџет, а со тоа ќе се зголемат трошоците на секое семејство кое поседува дизел автомобил Ако во просек месечно по возило се троши околу 70 литра дизел гориво, со зголемување на акцизата ќе треба да се одвојат месечно дополнително 245 денари, а на годишно ниво, тоа би изнесувало речиси 3.000 денари или околу 50 евра.

Истовремено, Регулаторната комисија за енергетика најави промени на цените на водата за пиење односно нови регулирани тарифи за местата со над 10.000 жители, што најверојатно ќе донесе и поскапување на водата во одредени делови од Македонија.

Македонците секој викенд на шопинг во Врање

Околу 200 Македонци за време на викенд ги посетуваат блиските градови во Србија за да ги испазарат потребните намирници. Секој од нив во просек троши по 5.000 динари (околу 2.500 денари), поради што трговците на југот од Србија задоволно ги тријат рацете.

Ова се дел од наводите на белградскиот весник „Блиц“, кој пишува опширно за шопингот преку граница и со другите српски соседи: Унгарија, Босна и Херцеговина, Хрватска, Романија, Бугарија и Црна Гора.

„На улиците низ Врање за време на викендот се повеќе се слуша македонски јазик, бидејќи во шопинг доаѓаат преку 200 жители на соседната земја“, пишува „Блиц“.

Нивното истражување покажало дека Македонците најмногу пазарат сувомеснати производи, сирење, кајмак, гардероба и обувки, поради што трговците во бројните бутици имаат двојно повеќе работа и промет од вообичаеното.

„Митко Дбарлиев секоја сабота со сопругата Виолета од Скопје проаѓаат по 90-ина километри за да го наполнат автомобилот со квалитетна и за 20 до 30 отсто поевтина српска роба. Најмногу купувачи има од Куманово, каде живеат и голем број Срби. Најмногу пазарат долна облека, дуксери, фармерки, маици, постелнина, а омилени места им се двата градски пазари“, тврди весникот.

Во обратен правец, пак, заминуваат купувачи од Србија, кои во Македонија воглавно пазарат сувомеснати производи, сирење фета, цигари и гардероба. Нивниот број, како што се наведува во статијата, сега е многу помал во споредба со претходните години и тоа најчесто станува збор за сопственици на бутици од Врање.

Популарно