ВИДЕО: Платформата е жива и ќе биде од владината програма

Во гостувањето во емисија на Алсат-М од ДУИ, БЕСА и партијата на Зијадин Села велат дека без сомневање тиранската платформа е жива.

-Секако дека е жива, вели Сурија Рашиди, пратеник од Движењето за реформи на ДПА на Зијадин Села.

-Секако дека е, јас ви кажав и претходно Декларацијата е жива и ќе биде дел од програмата на новата Влада, вели пратеникот на ДУИ Реџаил Исмаили .

-Без сомневање да, Декларацијата на албанските партии е жива,Љуљзим Алуи член на раководството на БЕСА.

И првиот човек на Движењето БЕСА, Билал Касами, вчера во дебатна емисија на ТВ 21, изјави дека во ниту еден момент не било прифатено од страна на албанските партии да се воздржат од албанската платформа.

-Тоа што го кажа господинот Заев ние сите го слушнавме и во ниту еден момент не е прифатено барањето на претседателот за отфрлање на декларацијата од страна на албанските партии изготвена и потпишана тука во Скопје. Тоа што се даде како гаранција беше дел од Уставот на Македонија што подразбира дека барањата и платформите на политичките партии кои ќе бидат дел од владината програма ќе се реализираат во рамките на Уставот на Македонија и ќе се бара унапредување на прашањата кои се во врска со меѓуетничките прашања и други орашања за Македонија да биде функционална земја. Во овој правец е и барањето на БЕСА за редефинирање на државата, за Македонија еднаш засекогаш да ги надмине овие проблеми на кои се навраќаме секои 10-15 години, вели Касами.

ВИДЕО: Гледач Албанец се јави кај Јанко и јасно кажа што мисли за името

Отворената емисија на Јанко Илковски, „Јади Бурек“ е место каде гледачите можат јавно да го искажат својот став за актуелните случувања во државата.

Таа привилегија ја искористи глдач Албанец, да зборува за политиката во Макеоднија, како и за промената на името. Погледнете:

Се самоубиле со извик: Да живее слободна Македонија

На денешен ден во 1905 меѓу селата Куклица и Пендаќ, три илјадна турска војска и жандармерија ја опколила четата од 13 борци на македонскиот војвода Атанас Бабата (Атанас Димитров). Се развила жестока борба.

Кога ја привршиле муницијата борците ја изгореле архивата на четата, ги искршиле пушките и револверите, извикувајќи: „Да живее слободна Македонија“ и се самоубиле.

Атанас Бабата е еден од првите членови на ТМОРО (1897-1905). Работел во повеќе од 16 реони, а бил раководител на околу 40 борбени акции. За време на Илинденското востание од 1903 година дејствувал во Кратовско.

Атанас Бабата бил роден во село Санитово, Пазарџиско, во 1875 година.

На истиов ден, но во 1906 година, по една акција на четата на војводата Ѓорѓи Ацев кај селото Крапа, кај Македонски Брод, против една великосрпска платеничка чета, војводата бил ранет, а за да не биде заробен, се самоубил.

Тој е брат на познатите македонски војводи Мирче и Петар Ацев. Роден е во селото Ораовец, Прилепско, во 1883 или 1884 година.

Популарно