ВИДЕО: Платформата е жива и ќе биде од владината програма

Во гостувањето во емисија на Алсат-М од ДУИ, БЕСА и партијата на Зијадин Села велат дека без сомневање тиранската платформа е жива.

-Секако дека е жива, вели Сурија Рашиди, пратеник од Движењето за реформи на ДПА на Зијадин Села.

-Секако дека е, јас ви кажав и претходно Декларацијата е жива и ќе биде дел од програмата на новата Влада, вели пратеникот на ДУИ Реџаил Исмаили .

-Без сомневање да, Декларацијата на албанските партии е жива,Љуљзим Алуи член на раководството на БЕСА.

И првиот човек на Движењето БЕСА, Билал Касами, вчера во дебатна емисија на ТВ 21, изјави дека во ниту еден момент не било прифатено од страна на албанските партии да се воздржат од албанската платформа.

-Тоа што го кажа господинот Заев ние сите го слушнавме и во ниту еден момент не е прифатено барањето на претседателот за отфрлање на декларацијата од страна на албанските партии изготвена и потпишана тука во Скопје. Тоа што се даде како гаранција беше дел од Уставот на Македонија што подразбира дека барањата и платформите на политичките партии кои ќе бидат дел од владината програма ќе се реализираат во рамките на Уставот на Македонија и ќе се бара унапредување на прашањата кои се во врска со меѓуетничките прашања и други орашања за Македонија да биде функционална земја. Во овој правец е и барањето на БЕСА за редефинирање на државата, за Македонија еднаш засекогаш да ги надмине овие проблеми на кои се навраќаме секои 10-15 години, вели Касами.

И Албанците побараа менување на македонските учебници

По потпишувањето на Договорот за добрососедство и пријателство со Бугарија, најавено е дека ќе се формира комисија за историја, а исто така и од грчка страна најавија дека ќе се формира македонско-грчка експертска комисија за менување на учебниците. На овие барања за промена на учебниците се приклучија и од Сојузот на албанските наставници, и тие бараат формирање на комисија со цел промена на содржината на учебниците.

Претседателот на Сојузот на албанските наставници, Нухи Дардишта, бара нови стратегии и програми, нови книги и дека овие од кои што сега учат учениците им истечел рокот.

-Ние бараме нови стратегии, нови програми, нови текстови, нови книги, дека на овие им истече рокот и има многу грешки. Бараме за основното и средното образование од Министерството за Образование да се консултира со граѓанското општество, бидејќи ние сме оние кои ги прават промените, а не истите луѓе во Министерството и комисиите кои не се менуваат. Апелирам да се формира комисија од февруари или март, за да се проверат добро тие програми и првата фаза да започне со нова стратегија од февруари , рече Дардишта.

Професорот по историја, Насер Ферати, им објаснува на учениците дека племињата како Енкелејдите и Дасаретите не се македонски племиња, туку се Илириски племиња. Ферати вели дека фактографските грешки не се ретки во предметот на географијата. Тој додава дека албанците во Македонија имаат македонско потекло, но со доаѓањето и владеењето на Отоманската империја, некои Македонци го прифатија исламот и постепено се албанизираја.

-Бараме нивно повлекување и издание на нови текстови, треба да се создаде комитет на експерти со кој не само ке се смени текстовите на изглед, туку треба да се промени и неговата содржина и неговиот дидактички аспект. Поголеми грешки се во дидактичкиот пристап, текстот што треба да се работи не ги исполнува критериумите. Друга грешка, неточни информации кој им додаваат сомнеж на учениците и на некој други , рече професорот Насер Ферати.

Премиерот Заев и во вчерашното интервју за најголемата приватна бугарската телевизија, рече дека во духот на пријателството веќе се направени корекции во учебниците, но дека и ако нешто било испуштено тоа требало да се смени.

Ахмети ќе бара од Собранието резолуција за осуда на геноцидот кој е направен врз Албанците

Во кичевско Зајас беа погребани посмртните останки на Албанци што биле убиени во масакри во периодот од 1913 година па сé до Втората светска војна. Станува збор за посмртните останки кои беа пронајдени во бунар, а остатокот во една пештера на кичевските планини.

Лидерот на ДУИ, Али Ахмети, како иницијатор на активностите за расветлување на геноцидните злосторства врз Албанците, одржа говор пред присутните при што побара солидарност од Македонците, бидеќи како што рече, и врз нив имало злосторства.

„Затоа ќе инсистираме да се носи резолуција во парламентот за осуда на геноцидот кој е направен врз Албанците пред 104 години. Нека не се плаши никој, бидејќи нема да бараме надомест. Нивните животи не можат со ништо да се надоместат“, порача Ахмети. Тој најави дека ќе побара од Собранието на Република Македонија осуда на злосторствата извршени пред 104 години.

Вицепремиерот, Хазби Лика, пред присутните рече дека со почитувањето на овие жртви се порачува никогаш повеќе да не се повторат вакви злосторства. Пред присутните се обрати и министерот за дијаспора во Владата на Албанија, Пандели Мајко, пак, рече дека овие луѓе се убивани само затоа што зборувале албански јазик. Тој и се заблагодари на македонската Влада што овозможила да се одбележи овој настан.

Енвер Малиќи е новиот заменик на градоначалникот Шилегов

Eнвер Малиќи е новиот заменик-градоначалник на Скопје. Како што информираа градските власти, скопскиот градоначалник, Петре Шилегов, попладнево го назначил Малиќи, со кого дискутирале за идната соработка и предизвиците кои ги очекуваат.

Со ова решение Малиќи ќе го заменува градоначалникот на Град Скопје во време на спреченост или отсуство, односно ќе ги извршува сите обврски и ќе ги има сите овластувања во надлежност на градоначалник во согласност со закон, информира Град Скопје.

Енвер Малиќи е избран за член на Советот на Град Скопје на локалните избори што се одржаа на 15 октомври 2017 година, од советничката листа на Демократската унија за интеграција. Тој е долгогодишен стопанственик, сопственик на компанијата „Гемак Трејд“ и хотелот „Парк Хотел и Спа“.

Популарно