ВИДЕО: Еве како ќе изгледа новиот клинички центар во Скопје

Потпишан е договор за градба на новиот клинички центар „Мајка Тереза“. Договорот го потпишаа Вицепремиерот и министер за здравство Никола Тодоров и претставници на компаниите Гранит, Бетон и италијанската ИНСО системи.

Вредноста на договорот изнесува околу 72 милиони евра, а предвидува градежните работи да завршат во рок од 45 месеци од почетокот на градбата.

-Вредноста на договорот изнесува околу 72 милиони евра. Договорот предвидува градежните работи да завршат во рок од 45 месеци по почетокот на градбата. Постојниот клинички центар „Мајка Тереза“ е најголемиот здравствен комплекс во Република Македонија на површина од 17 хектари, кој се состои од 32 независни субјекти со вкупен персонал од 3.400 лица, истакна Тодоров.

Клиничкиот центар „Мајка Тереза“ ќе зафаќа простор од 46.987 метри квадратни, а ќе има и хелидром.

-Имајќи го предвид стратешкото значење на клиничниот центар за државата одлучивме да изградиме комплетно нова зграда со нето површина од 46.987 метри квадратни корисен простор и 6.416 метри квадратни проодни тераси и кровни градини и 531 метар квадратен хелидром. Објектот ќе се состои од едно подземно ниво, приземје, 9 ката и современ хелидром за трансфер на пациенти на десеттото ниво, потенцира Тодоров.

Нова повластена паркинг карта за корисниците на ЈП ПОЦ

Директорот на ЈП Паркинзи на Општина Центар, Саша Богдановиќ, на денешната прес конференција ја претстави новата повластена паркинг карта за тренери и членови во спортски клубови и спортиски друштва со цел полесно извршување на активностите поврзани со вршењето на спортската дејност регистрирани на територија на Општина Центар.

„Управниот одбор на јавното претпријатие за јавни паркиралишта „Паркинзи на Општина Центар“ на 66-та седница одржана на ден 19.05.2017 година донесе Одлука за воведување и утврдување на паркинг карта за тренери во спортски клубови и спортисти (ППКС).

Имено, правото на издавање и користење на оваа паркинг карта го остварува секое физичко лице кое е сопственик на патничко моторно возило и е ангажирано како тренер во спортски клуб или е активен спортист во спорски клуб чиешто седиште е регистрирано во Општина Центар.

Потребни документи кои се доставуваат на увид при склучување на договор за користење на ППКС се: лична карта; сообраќајна дозвола за ПМВ издадена од надлежен орган; потврда од спортскиот клуб дека лицето е ангажирано како тренер или дека е активен спортист; тековна состојба за спортскиот клуб издадена од ЦРМ, не постара од 6 месеци и решение за регистрација на спортски клуб издадено од Агенција за млади и спорт на Република Македонија.

Цената за овој вид паркинг карта е: еднократен надомест за издавање – 350,00 денари и месечен надомест за користење – 250,00 денари. Договорот за издавање и користење на ППКС може да биде со времетраење најдолго до една година.

Корисниците на ППКС имаат право на користење на конкретното јавно паркиралиште од отворен тип во Зона I, Зона 0I и Зона II за чиешто користење е склучен договор, во вкупно времетраење од 2 часа дневно, а по надминување на истите ќе се применуваат општите услови за користење на јавни паркиралишта.

ГРАБЕЖ ВО СКОПЈЕ - Крадецот им вперил пиштол на вработените во обложувалницата

Непознат вооружен сторител синоќа ограбил спортска обложувачница во трговскиот центар „Скопјанка“ во Скопје.

МВР информира дека сторителот, заканувајќи се со пиштол, ги зел парите од дневниот промет, а потоа побегнал во непознат правец.

Полицијата презема мерки за пронаоѓање на крадецот и за целосно расчистување на случајот.

Поплавени објекти во Бутел, Карпош и Ѓорче Петров, - НЕВРЕМЕ најавено и за денеска

Екипите на штабот за заштита и спасување на Град Скопје интервенираа на поголем број на локации по обемните врнежи на дожд кои вчера го зафатија регионот.

По обилните врнежи на дожд на неколку локации во Скопје се појавија поплави, во општините Бутел, Карпош и Ѓорче Петров.

На терен интервенираа поголем број на екипи на штабот за заштита и спасување на Град Скопје, каде со возила и пумпи во повеќе поплавени објекти интервенираа екипи на Противпожарната бригада на Скопје и ЈП „Водовод и канализација“.

И во наредниов период штабот за заштита и спасување на Град Скопје будно ќе ја следи состојбата на терен и доколку има потреба, соодветно ќе интервенира.

Популарно