Вака ќе изгледа новата Влада - еве која партија кој ресор го сака

Работните групи на политичките партии, барем официјално, не се сретнале во текот на денот за да ги дискутираат начините за соработка во новата власт. Сепак, објави Алсат-М, комуницирањето меѓу нив продолжува, а владината програма на СДСМ е основата врз која се дискутира и врз која се разгледувани одредени детали, кои биле точка на интерес на партиите на Албанците.

За утре се очекува средба на лидерите Зоран Заев и Али Ахмети каде ќе се отвори и дискусија за поделба на министерствата. Извори на Алсат-М информираат дека СДСМ внатре во партијатата веќе одлучиле за ресорите и имињата кои ќе раководат со нив. Неофицијално се зборува дека со МВР ќе раководи Оливер Спасовски, со Министерството за одбрана, Радмила Шеќеринска, со МНР, Никола Димитров, а со Министерството за финансии, Драган Тевдовски

РЕСОРИТЕ И КАДРИ НА СДСМ:

ОЛИВЕР СПАСОВСКИ, МВР

РАДМИЛА ШЕЌЕРИНСКА, ОДБРАНА

НИКОЛА ДИМИТРОВ, МНР

ФРОСИНА РЕМЕНСКИ, ТРУД И СОЦИЈАЛА

ЉУПЧО НИКОЛОВСКИ, МИНИСТЕР ЗА ЗЕМЈОДЕЛСТВО

ДРАГАН ТЕВДОВСКИ, МИНИСТЕР ЗА ФИНАНСИИ

Алсат-М исто така дознава дека ДУИ ќе има ист број на ресори како и во владата на ВМРО ДПМНЕ. Сепак, во партијата на Ахмети се уште нема конечна одлука за можните имиња за соодветните министерства. Како што дознаваме, имињата кои кружат се Артан Груби, Теута Арифи и Изет Меџити. Се дознава дека на ДР – ДПА му е гарантирана позицијата на вицепремиер, едно министерство и заменик – министер.

РЕСОРИ И ФУНКЦИИТЕ НА ДР – ДПА

ВИЦЕПРЕМИЕР

МИНИСТЕР

ЗАМЕНИК – МИНИСТЕР

Како што се дознава, овој пат Албанците се откажеле од Министерството за образование и го побарале здравство. Изворите објаснуваат дека „Движењето Беса“ се уште нема донесено одлука дали ќе биде дел од новата влада или не.

Нерешителноста на Беса, како што дознава неофицијално Алсат-М, е поради досега познатите причини и поради големиот број на функции кои ги бараат, а целта е да не се изгуби гласачкото тело пред локалните избори и поради истрагите кон одредени субјекти кои се осомничени дека се финансирани од Турција.

Инаку, откако партиите ќе постигнат договор, мандатарот во Собрание ја доставува програмата на владата и предлогот за состав на владиниот кабинет. Законодавецот има рок од три дена за да го стави на дневен ред гласањето на новата влада, која добива зелено светло со обично мнозинство.

ПРОЦЕДУРИ ЗА ИЗБИРАЊЕ НА ВЛАДА

МАНДАТАРОТ ЈА ПРЕДЛАГА ПРОГРАМАТА И СОСТАВОТ НА ВЛАДИНИОТ КАБИНЕТ

СОБРАНИЕТО ИМА РОК ОД ТРИ ДЕНА ДА ЈА ИЗГЛАСА ВЛАДАТА

ПОТРЕБНО Е ОБИЧНО МНОЗИНСТВО ОД 61 ГЛАСА

Додека новото парламентарно мнозинство работи на завршување на преговорите и формирање на новата влада, високата претставничка за надворешна политика и безбедност на ЕУ, Федерика Могерини, на 24 мај на неформална вечерва во Брисел ги поканила премиерите на шестте балкански земји, Македонија, Албанија, Косово, Црна Гора, Босна и Херцеговина и Србија. Дали Македонија во Брисел ќе биде претставена од Емил Димитриев или од Зоран Заев, зависи од динамиката на преговорите и од гласањето на Владата.

Вработените во здравството најавуваат протест на 8 април

Вработените во здравството нема да добијат усогласување на платите со порастот на минималната плата поради непотпишувањето на анексот на колективниот договор. Поради тоа на 8 април најавуваат протест што ќе почне од пред зградата на Сојузот на синдикати на Македонија, а ќе заврши пред Министерството за здравство.

- Протестот ќе биде токму во насока на изразување незадоволство од непотпишувањето на анексот на колективниот договор којшто веќе беше завршена работа, но поради политичките игри остана непотпишан и со тоа повеќе од 20 илјади работници во здравството остануваат без усогласувањето на нивните плати со порастот на минималната плата, соопшти денеска претседателот на ССМ Слободан Трендафилов. 

Според информациите на ССМ, освен вработените во здравството, усогласување на платите ќе нема и во образованието и во Министерството за внатрешни работи.

- Усогласување со порастот на минималната плата ќе нема и во образованието поради непотпишување на колективниот договор. Според моите сознанија, и вработените во Министерството за внатрешни работи нема да добијат усогласување на палтите, меѓутоа управата на локално ниво, правосудството, Правобранителството, јавнообвинителската служба, судската служба и.т.н. ќе добијат усогласување имајќи предвид дека Синдикатот на УПОЗ потпиша низа колективни договори каде ова право е утврдено меѓутоа и законските решенија, кои се обидуваа на мала врата да ги сменат пред објавата на висината на минималната плата, го овозможуваат тоа, истакна Трендафилов. 

„АЛКАЛОИД“ ПУШТИ ВО УПОТРЕБА НОВ КАПИТАЛЕН ПРОЕКТ ВРЕДЕН 19,4 МИЛИОНИ ЕВРА

Новите капацитети за производство на цврсти фармацевтски форми, со површина од 6.200 м2, се најкрупниот инвестициски потфат на компанијата во изминативе две децении

Во насока на посветеноста за постојана модернизација и за проширување на производствените капацитети, производствените волумени и на асортиманот, „Алкалоид“ АД Скопје ја комплетираше реализацијата на својот најголем инвестициски потфат во последните две децении – новиот погон за производство на цврсти фармацевтски форми Таблетно одделение 2.0 и придружните технички простории.

Новиот техничко-технолошки капацитет, чија цел е повеќе од двојно зголемување на обемот и поголема флексибилност во производството на цврсти фармацевтски форми, зафаќа површина од 6.200 м2 (производствени и технички простории), а за него „Алкалоид“ вложи вкупно 19,4 милиони евра. За изведбата на овој објект, започната во април 2021 година, беа ангажирани 30 домашни и 16 странски компании, а градежните работи и опремувањето се одвиваа под водство на стручните служби на „Алкалоид“ АД Скопје. Просториите се изведени во согласност со строгите норми за добра производствена пракса, а сите процеси се целосно интегрирани и дигитализирани, со автоматско генерирање на сите податоци од процесните контроли.

Во новиот погон за производство на цврсти фармацевтски форми ќе се врши производство на таблети, филмувани таблети, капсули и на двослојни таблети, кои за првпат се воведуваат како технологија за производство во Македонија. Станува збор за таблети што содржат неколку активни супстанции со различни хемиско-физички својства или со различен начин на ослободување на состојките, кои внимателно и прецизно се дозирани, но физички одделени со соодветно обезбедена стабилност и делотворност, овозможувајќи им на пациентите целосната терапија од неколку лекови да ја земаат само преку една таблета. Опремата за производство на цврсти фармацевтски форми е набавена од светски познати производители на опрема од овој вид: GEA (опрема за влажна гранулација), Alexanderwerk (опрема за сува гранулација), Lodige (опрема за хомогенизација), Fette (преси за таблети), Glatt (систем за филм-обложување), De Lama (автоматска машина за перење контејнери) и други.

Со пуштањето во употреба на новата техничко-технолошка единица за производство на цврсти фармацевтски форми двојно се зголемува производствениот волумен, па така, наместо досегашниот капацитет од 2 милијарди таблети годишно, моменталниот проектиран производствен капацитет е повеќе од 4 милијарди таблети годишно.

„Во динамична индустрија каква што е фармацевтската пласманите обично кореспондираат со инвестициите, вештините и знаењето, кои во изминативе две децении ги насочивме кон градење на модерно и конкурентно производствено портфолио. Нашата цел останува да се диференцираме преку знаење и развој на производи со додадена вредност, а на овој курс сме решени да останеме и во иднина, работејќи на натамошна глобализација на брендот ’Алкалоид’, достоинствено и посветено, со практикување на високи етички стандарди, кредибилитет и професионален пристап во севкупните операции“, изјави Генералниот директор и Претседател на Управниот одбор Живко Мукаетов на официјалното пуштање во употреба на новиот оддел, кое се одржа во присуство на високи претставници на менаџментот на компанијата, како и на претставници на медиумите од земјата и од регионот.

Ова е еден од најкрупните инвестициски проекти на „Алкалоид“ АД во изминатите две децении. Компанијата во 2005 година имаше пласмани од 53,1 милиони евра, а во 2023 година прикажа консолидирани пласмани од 268,3 милиони евра. Следствено на овој петкратен континуиран раст, во текот на изминатите 15 години беа реализирани инвестиции во вредност од над 220 милиони евра.

Фармацевтските производи на „Алкалоид“ се присутни на пазарите во повеќе од 40 земји во светот.

Летно сметање на времето од недела 31 март

Летното сметање на времето започнува в недела на 31 март во 02:00 часот, кога со поместување за еден час нанапред времето во 02:00 часот ќе се смета како 03:00 часот. 

Владата, на предлог на Министерството за економија, денеска на седница донесе Одлука за денот и моментот на воведувањето и денот и моментот на завршувањето на летното сметање на времето во 2024 година.

Како што соопшти вечерва владината прес-служба,  летното сметање на времето завршува на 27 октомври во 03:00 часот, така што со поместување за еден час наназад времето во 03:00 часот, се смета како 02:00 часот.

Одлуката за воведувањето летното сметање на времето е согласно Законот за сметање на времето („Службен весник на Република Македонија“ бр.17/96 и 16/97) и согласно европски директиви.

Популарно