(ФОТО) Лажниот принц на Македонија ги измамил Памела Андерсон и Новак Џоковиќ

Италијанската полиција го уапси 57-годишниот Стефан Чернетиќ кој со години лажно се претставувал како принц на Црна Гора и Македонија, а негови „жртви“ биле и познати личности од целиот свет.

Покрај него е уапсено и лицето С.С. со италијанско државјанство, кој се претставувал како амбасадор на Македонија во Италија и двајцата организирале хуманитарни и гала настани, посредувале за остварување бизнис и културни врски и давале лажни титули и признанија.

На гала церемонија во Џенова, лажниот принц ѝ доделил титула „грофица на редот на лилјанот“ на поранешната актерка, а сега активистка Памела Андерсон.

Тој тогаш рекол дека ѝ ја доделува титулата поради нејзиниот „храбар придонес за заштита на морските животни“.

Влезницата за гала-свеченоста изнесувала 120 евра.

Чернетиќ често патувал во Монте Карло каде се претставувал како принц за да се „пикне„ во високото друштво и да се фотографира со Алберт, принцот од Монако, но и со Новак Ѓоковиќ и неговата сопруга Јелена, убедувајќи ги сите дека е дојден за да ги зацврсти дипломатските односи меѓу земјите и да ја прошири нивната соработка.

Чернетиќ на една од веб-страниците отворени за поткрепа на неговиот лажен идентитет го објавил „семејното дрво“ според кое тој е син на грофицата Снежана Аврамовиќ и кнезот Онорато Чернетиќ, односно Црнојевиќ, потомци на славната црногорска лоза, што според „податоците“ на страницата влечат корени уште од времето на Гај Јулие Цезар.

Амбасадата на Црна Гора испратила допис до Министерството за надворешни работи на Италија на 21 октомври, 2016 година во кој се вели дека  Чернетиќ лажно се претставува како принц на Црна Гора и Македонија.

„Стефан Чернетиќ не само што има лажна титула, туку и не е роден во Црна Гора, не живее таму, нема црногорски пасош и сигурно не е дипломатски претставник на Црна Гора“, стои во дописот.

Во едно интервју за италијански медиум Чернетиќ рекол дека Тито му оставил на неговото семејство стан во Белград и дека татко му се борел на страната на нацистите. Наводно бил ранет во Малта, па го спасиле Англичаните и потоа се борел за нив до крајот на војната.

Извор: Кајгана

(ВИДЕО) За само пет минути авион во лет падна на 500 метри височина

Меѓу патниците во авионот, кој летал од Турција до Русија, се создала паника кога, за само пет минути, авионот пропаднал од висина од 9.997 метри на околу 500 метри, по што ненадејно дошло до пад на притисокот во кабината.

Според непотврдени информации, дошло до дефект на моторот на леталото.

Луѓето викале и плачеле, а во авионот ербас 321 на нискобуџетната компанија Онур ер, со седиште во Истанбул, имало 226 патници и осум членови на екипажот.

На видео снимката, која ја направиле патниците откако авионот вонредно слетал на аеродром во Волгоград, на југот на Русија, се гледа како од плафонот на авионот висат маски со кислород.

Турскиот авион летнал од Анталија кон Чељабинск, град кој се наоѓа источно од планината Урал.

Турскиот весник Хуриет дејли њуз јавува дека авионот вонредно слетал во Волгоград, но истакнува дека не е прецизирано од кои причини. Аеродромот во Волгоград потврди дека имало вонредно слетување, и дека друг авион бил испратен да ги собере патниците.

МЕРКА ИПОЛ: Оваа земја направи бум во светот и обезбеди бесплатен јавен превоз за своите граѓани

Главниот град на Естонија, Талин направи огромен чекор напред и обезбеди мерка со којашто граѓаните ќе станат позадоволни, а  Естонија ќе има огромни бенефити. Во еден експеримент спроведен пред точно пет години, кај властите  се роди феноменална идеја за бесплатен превоз.

Примерот на главниот град ќе го следат и останатите градови.

 Естонија од 1 јули ќе воведе бесплатен јавен превоз на територијата на целата земја и со тоа ќе стане првата земја во светот што им овоможила бесплатен јавен превоз на сите свои граѓани.

Со ваквиот потег, 1,3 милиони жители на оваа балтичка земја нема да тошат пари за превоз со воз, автобус и трамвај.

Естонија веќе е пионер во воведувањето бесплатен јавен превоз – во 2013 година јавниот превоз во главниот град Талин стана бесплатен за сите негови жители, но не и за туристите и посетителите од други градови и региони.

Мишел и Барак Обама потпишаа договор и го изненадија светот

Поранешниот претседател на САД, Барак Обама и неговата сопруга Мишел, потпишаа повеќегодишен договор со компанијата „Нетфликс“  и ќе бидат  продуценти на некои идни филмови и серии кои ќе ги гледаме.

– Поранешниот претседател и неговата сопруга ќе имаат опција да продуцираат и документарни филмови, соопштија од „Нетфликс“ .

Обама на своите соработници им соопштил дека со ова нема намера да води кампања против неговиот наследник во Белата куќа, Доналд Трамп.

Барак и Мишел Обама претходно основаа компанија под име „Хајер граунд продакшнс“.

Популарно