Марко Чаласан стана најмладиот системски инженер на Микрософт

Младиот компјутерски гениј Марко Чаласан од Македонија го положи последниот испит во Љубљана и стана најмладиот систем-инженер на "Мајкрософт".

Mедиумите Марко го нарекуваат "Новиот Бил Гејтс". 

"Република" го избра Чаласан за личност на годината во 2013 година, кога тој влезе во изборот на 50-те најинтелигентни тинејџери во светот.

Веста доби голем публицитет во словенечките и во црногорските медиуми, но и во еден од највлијателните светски електронски медиуми "Си-Ен-И-Ти" (CNET), кој оваа информација ја пласираше како вест на денот. 

Според технолошката обученост, Марко дефинитивно е чудо од дете, изјавил Матеј Потокар, главниот менаџер на "Мајкрософт" во Словенија.

Генијот Марко на компјутер дневно работи 4 часа, но понекогаш и повеќе од 10. Не игра видеоигри, а на своите врсници им порачува доколку сакаат да играат, да излезат надвор и да си играат со нивните реални пријатели.

Во меѓувреме, Марко работи на проекти. Еден од нив е за продукциски висококвалитетни ХД лекции во целосен ХД формат, како и дизајнирање систем за емитување на истите по пат на мрежна дистрибуција. Сака да го промовира проектот на некој од поголемите светски ИТ саеми и собири, а се надева дека за него ќе се заинтересира и некоја компанија во Македонија.

За Марко Чаласан, како информатичко чудо од дете, се дозна пред неколку години, по што Министерството за образование му подари комплетна компјутерска лабораторија, која, како што вели, многу му помогнала да го усоврши своето знаење.

Пензионерите и понатаму ќе имаат фул бенефиции

Правата на пензионерите, како што се бесплатниот јавен превоз или бесплатните бањи и викенд нема да се укинат, а така потврди министерката за труд и социјална политика Мила Царовска.

Тие и натаму ќе можат да ги користат овие бенефиции кои ги воведе претходната влада.

Таа  истакна дека нема никаков официјалн став или предлог од Министерството за финансии за зголемување на старосната граница за пензионирање, идносно мажите ке одат во пензија со 64, а жените со 62 години старост.

" Tрансферот на буџетски средства во Фондот на пензиско осигурување е речиси тројно зголемен во периодот од 2006 до 2016 година и минатата година и тоа говори колку неодговорно ВМРО-ДПМНЕ се однесувало кон пензиите и пензионерите во Македонија, рече министерката за труд и социјална политика.

Информира дека дупката во Фондот на ПИОМ или трансфер буџетот во 2005 година бил 7,7 милијарди денари, а во 2016 година дупката во ПИОМ се зголемила тројно, односно недостигот на средства е 21,2 милијарда денари.

- Оваа дупка е огромна и ние ќе се трудиме да најдеме начин како ќе го стабилизираме. Затоа ни е важно да имаме повисоки плати во РМ, а со тоа ќе добиеме и повисоки пензии. Колку ја зголемувате дупката во ПИОМ толку помалку внимавате за квалитетот на живот на пензионерите, рече Царовска.

Останува на ставот дека минатата влада во 2016 година им дала 630 денари покачување на пензионерите.

- Како што кажав во изјавата претходно, ако имаме еден отсто раст во период на една година и во прво полугодие и во второ полугодие во оваа година тогаш тие ќе добијат 2.160 денари. Но, тие нема да ги добијат наеднаш како еднократна исплата. Како што оди по Законот, растот се усогласува со прво полугодие, се усогласува со второ полугодие. Значи, раст на трошоци на живот и раст на плати – 50:50 се усогласуваат пензиите во Македонија. Тие им се даваат во првата половина одредена сума согласно растот и во втората половина им влегува во основица на пензијата, рече министерката.

ОХРИДСКО ЛЕТО ЗАВРШИ СО ТЕПАЧКА МЕЃУ БАКРАЧЕСКИ И КОЦЕВ

По завршувањето на претставата „Ничија земја” која што беше одиграна на просторот кај охридската касарна синоќа на коктелот дошло до инцидент меѓу градоначалникот на Охрид Н.Б. и познатиот актер С.К, потврди полицијата. Најпрво дошло до вербална расправија меѓу Никола Бакрачески и Сашко Коцев, а потоа и до физички контакт. Полицијата утврдува кој кого го нападнал, изјавија од полицијата.

Дознаваме дека веднаш по завршувањето на претставата на МНТ, со која што се затвори „Охридско лето“, Коцев во кругот на пријатели рекол дека претставата непотребно доцнела 20 минути поради доцнењето на охридскиот градоначалник. Кога тој пристигнал претставата почнала. Актерот, исто така, рекол дека столовите не биле соодветно поставени така што публиката не можела нормално да ја следи драмата.

Тоа го слушнал градоначалникот и му се обратил на актерот со зборовите:„Што сакаш бе ти наркоман еден!”.

На тоа реагирал Коцев, кој му рекол на охридскиот градоначалникот:„Што е бе ти сељак ниеден!”.

По таа вербална расправија дошло и до близок контакт меѓу двајцата. Обезбедувањето на градоначалникот реагирало и го оттргнало актерот од местото каде што почнала расправијата.

Детали за несреќата на автопатот Велес-Скопје

Вчера околу 18:50 часот на автопатот А-1, Велес – Скопје, поточно на 250 метри пред зимскиот пункт на “Македонија Пат“, се случила сообраќајна несреќа во која што автобус марка „Неоплан“ со скопски регистерски ознаки сопственост на „Бус Травел“ ДПУ ДООЕЛ Скопје, а управуван од возачот А.Н. (48) од Скопје, излетал надвор од коловозот и слетал во провалија, информира МВР.
 

Во несреќата со повреди се здобиле возачот и сите 27 патници, кои со возила на итната медицинска помош се пренесени во болници во Велес и Скопје. Како последица од здобиените повреди лицето Н.П. (68) од Скопје починала на КАРИЛ.

Увид на лице место изврши Јавен обвинител од ОЈО Велес во содејство со увидна екипа од СВР Велес.

На лице место излезе и екипа на Територијална противпожарна единица Велес. Сообраќајот на таа делница од патот се одвиваше отежнато по една коловозна лента.

МВР информира дека увидот на лице место ќе продолжи и во текот на денешниот ден.

Популарно