Млад Македонец среќата ја побарал надвор од границите на државата

Сѐ се случи така наеднаш, беше тоа еден ден кога случајно аплицирав за работа во Дубаи. И да, ми се јавија и ми кажаа дека имам интервју утре. Истовремено бев возбуден но и загрижен, бев возбуден затоа што ќе одам во Дубаи ќе видам нов свет нови работи но истовремено бев загрижен, како ќе го напуштам моето родно место и ќе одам во сосема нов свет, кај што не знам никој, што ли ќе се случи таму, далеку од моите родители кои секогаш ми биле поддршка во животот, далеку од моите другари и пријатели, мислам дека бев повеќе исплашен отколку возбуден.

Дојде нов ден, дојде денот кога треба да одам на интервју. Бев толку збунет дури и не се сеќавам што се случуваше на интервјуто.Поминав добро, ми рекоа ќе ти се јавиме наскоро. Чекав неколку дена и дојде денот кога ми се јавија и ми рекоа : „Ти честитаме примен си,се гледаме наскоро.“ Не знаев дали да се радувам или да плачам, бев среќен затоа што ќе одам во Дубаи но исто така бев и исплашен и загрижен. Дојде денот кога требаше да се качам во авионот и да полетам. Моите родители ме испратија до аеродромот, чекиравме карта и дојде ред да ги напуштам. Се качував по скалите на аеродромот и во себе си велев, што правам, да одам или да се враќам назад. Бев толку збунет толку исплашен што ако ме прашаа како се викам нема да можев да одговорам, но се решив дека ќе одам и нема да се откажам од тој сон! Се качив во авионот онака замислен, исплашен, изморен.

Стигнавме во Дубаи, не пречекаа на аеродром, не качија во автобус и не однесоа во хотелот. Бев толку многу изморен што само облеков пижами и заспав. Поминаа 8 дена а јас си давав надеж, дека брзо ќе помине времето, ќе поминат 6 месеци и ќе си се вратам дома, во моето родно место. Се вклопив во средината и запознав многу луѓе од повеќе различни земји, а некои од нив ми станаа и добри пријатели, сите делевме слична приказна. Иако не очекував Дубаи ми донесе и нешто повеќе од пријателство, таму ја запознав и мојата девојка. Многу работи се случија во тој период.

Поминаа 6 месеци, дојде време да си одам дома, се качив во авионот, стигнав во Македонија, среќен но и збунет.Среќен затоа шти бев дома, конечно после 6 месеци ќе ги видиш твоите, ќе се видиш со другарите и пријателите, но истовремено ти фали животот во Дубаи, пријателите таму, работата, девојката, зградите и многу други работи.ИСТО КАКО ДА СИ СЕ РОДИЛ ПОВТОРНО И СЕГА ИМАШ ДВА ЖИВОТИ, кај што доаѓа време да се одлучиш кој живот ќе го живееш, животот во Дубаи или животот во Македонија.Тешка е одлуката, навистина е тешка!

Но сепак се надминав себеси, јас, кој никогаш не ја напуштил Македонија повеќе од 10 дена, кој секогаш ја имал поддршката од своите родители, кој не знаел како е да се снаоѓаш сам во животот го почувствував сето тоа на своја кожа и да, горд сум на самиот себе што собрав сила и искусив нешто ново и многу важно во мојот живот! САКАМ ДА ИМ СЕ ЗАБЛАГОДАРАМ НА СИТЕ ОНИЕ КОИ ШТО МЕ ОХРАБРУВАА И МЕ ПОДДРЖУВАА ВО ТОА! ИСТО ТАКА ДА ИМ ЗАБЛАГОДАРАМ НА СИТЕ ОНИЕ КОИ ШТО МЕ ОБЕЗХРАБРУВАА ЗАТОА ШТО МИ ДАДОА ГОЛЕМА МОТИВАЦИЈА ЗА ДА ИЗДРЖАМ И КОГА БЕШЕ НАЈТЕШКО! ВИ БЛАГОДАРАМ НА СИТЕ!

motika.com.mk

Подгответе се за летно сметање на времето

Како и секоја година така и оваа година имаме промена од зимско во летно сметање на времето.

Во последниот викенд во март, односно оваа година летното сметање на времето почнува на 31 март во недела.

Така што со поместување за еден час нанапред, времето во 02 часот се смета како 03 часот.

Преминувањето на времето од зимско кон летно и обратно првпат почнало во 1916 та година во државите на северот во Европа, а денес е практика во 70 земји од Светот.

Европските земји веќе неколку години се подготвуваат за конечно укинување на оваа практика.

Утре е младенци - Ова се обичаите кои треба да ги направат младите брачни парови на овој голем празник

Христијански обичај е во првата година од својот брак на 22 март младите да слават Младенци. На тој ден, во црква се носат свеќите од венчавката за да се догорат.

Навечер обично доаѓаат најблиските за да честитаат. Во некои краишта на денешен ден се оди на гости и во семејствата кои имаат новороденче.

Празникот на пролетта 22 март младите брачни парови го празнуваат како свој ден, како ден на младоста, љубовта и убавината. Истиот ден Светата православна црква го празнува споменот на четириесетте војници од Севастија кои маченички загинале за христовата вера.

Житијата за Светите четириесет маченици како и повеќето народни преданија за нив меѓусебно малку се разликуват, но во сите се зборува дека четириесетте војници од Севастија маченички загинале не откажувајќи се од христијанската вера. Во 320 година четириесет војници од еден полк во Севастија је одбиле наредбата да се поклонат пред римските идоли и да им принесат жртви. Кога изјавиле дека тоа го прават бидејќи веруваат во Исуса Христа најпрвин биле повикани кај градоначалникот и биле убедувани да се откажат од христијанството и да му се вратат на идолопоклонството, а кога тоа го одбиле биле затворени, мачени и изведени пред суд. Биле осудени цела ноќ да стојат во вода што смрзнува. Во близината имало бања со топла вода, а на војниците им било речено дека ако некој се предомисли и се откаже од Исуса Христа да појде во бањата каде што го чекаат топла вода и вкусни гозби. Но момчињата храбро ги издржувале страдањата, молејќи се на Исуса и меѓусебно храбрејќи се. Само еден од нив не можејќи да издржи во водата што смрзнувала тајно го напуштил базенот и се упатил кон бањата, но на самиот влез во неа починал.

Ноќта сите стражари заспале, само еден останал буден. Во еден момент тој забележал светли венци над главите на војниците и бидејќи бил христијанин веднаш влегол во водата молејќи го Бога и нему да му даде таков венец. И навистина набргу над сопствената глава забележал ист таков венец. Утрото измрзнатите војници ги натовариле на кола и ги одвеле надвор од градот каде што ги запалиле.

Како што запишал фолклористот Марко Китевски, тој ден ден во повеќе краишта на Македонија е поврзан и со враќањето на птиците преселници, а извесен број обичаи и верувања се поврзани со растенијата. Еден дел од нив, вели Китевски се поврзани со споменот за Светите 40 војници од Севастија, а другите со пролетната рамнодневица, со денот на пролетта и повторното оживување на природата.

Денес многу од овие обичаи се заборавени. Но сепак празникот Младенци е целосно посветен на младите, на младоста и љубовта, и со него се поврзани многу желби за среќен брак и убава иднина. Од понов датум е обичајот на Младенци да се оди на гости и да се носат подароци кај младите што стапиле во брак меѓу двата празника.

Еве кога ќе започне летното сметање на времето, не се разочарувајте!

Летното сметање започнува рано изутрина на 31 март во недела.

И тоа во 02 часот, така што со поместување за еден час нанапред, времето во 02 часот се смета како 03 часот.

Секоја година летното сметање се случува во последниот викенд во март, оваа година ретко како тоа се случува на последниот ден од месецот.

Популарно