Опкружен со најблиските, во својот дом, и покрај силната борба, некогаш еден од најпознатите менаџери во нашата земја, но и на целиот Балкан, почина Велибор Џаровски – Џаро.

Како што сподели со „Женски магазин“, неговата ќерка Милица Џаровска, по мозочниот удар кој Џаро го преживеал нд 24 март, по што поминал две недели во болница, кај него до последно опстоила желбата за следење на настани и случувања во земајва и соседството. 

– Почина дома, со најмилите. До последно се бореше, следеше настани и не се предаваше по мозочниот удар на 24 март и две недели поминати во болница. Им благодариме на сите за пораките, да сте живи и здрави. Цела поранешна Југославија ќе има по што да го памети. Еден беше Џаро, за нас најуникатниот татко, сопруг, а најмногу дедо – кажа неговата ќерка Милица Џаровска за „Женски магазин“.

Јавноста ќе го памети како организатор на над 5.000 концерти, промотор на безброј пејачи и фудбалери на кои им помогна да го достигнат врвот во кариерата, бестрашен прекршувач на законот со 135 лажирани натпревари. Секогаш во центарот на вниманието поради различни згоди и скандали. 

Велибор Џаровски- Џаро, кој почина утрово, остана крал на југословенската естрадна и спортска сцена дури и по нејзиното распаѓање. Беше менаџер во времето кога менаџерството беше непризната професија.

Лани Милица Џаровска ја изаде книгата „Живот на коцка“ посветена на животот на нејзиниот татко. 

За него напиша: Животот на Велибор Џаровски-Џаро беше патување, песна, игра и љубов. Но, играта што ја играше не беше секогаш лесна. Бурниот и немирен темперамент, остриот ум и специфичниот карактер постојано го соочува со најразлични перипетии.

Во пресрет на големиот празник ви претставуваме неколку совети за обојување на јајцата со природни бои. Еве како можете да добиете цела палета на шаренила:

Жолта: Со куркума ќе добиете сончево жолта боја. Со цветови од камилица, бојата ќе биде многу понежна.

Портокалова: Класика во природното фарбање: Лушпи од кромид. Овие се варат заедно со јајцата, а пото се оставаат уште 30-тина минути да се упие бојата. За портокалова боја можете да користите и моркови.

Розе и црвена боја: цвекло или лушпи од црвен кромид даваат навистина убави пигменти. Сакате посветли нијанси: едноставно скратете го времето на јајцата во бојата.

Сина или лила: користете боровинки, аронија, црвена зелка или холундер за да добиете различни нијанси на сини и лила тонови. 

Зелена: коприва или магдонос, како и спанаќ ќе им ја дадат вистинската зелена боја на вашите велигденски јајца.

Кафена: Црн чај или кафе ќе ви помогнат во добивањето на оваа нијанса.

Мал совет: кој сака да ја заврши работата побрзо, едноставно може да користи природни сокови (цвекло, холундер и сл.) или пак прав од куркума.

Новинарка од сајтот Byrdie.com поради проблеми со кожата престанала да пие кафе три недели, а резултатите биле неверојатни. Ви го пренесуваме нејзиното искуство.

Ако барем еднаш сте биле кај дерматолог, сигурна сум дека ви препорачал да пиете помалку кафе или во целост да престанете.

Дерматологот повеќе пати ме советуваше да го направам тоа, но не бев подготвена да се одречам од мојата кофеинска зависност. Но, од чиста љубопитност одлучив да не пијам кафе три недели, а во продолжение ќе ви раскажам до какви неверојатни резултати дојдов.

Сигурно барем сто пати сте слушнале некој како тврди дека одрекнување од некои намирници допринело за подобар изглед на неговата кожа. Многу често станува збор за шеќер, млечни производи, пченично брашно или кафе. Неброени пати од дерматологот сум чула дека одрекувањето од кафе ќе допринесе за подобар изглед на мојата кожа, па затоа одлучив да се откажам од мојот утрински ритуал на неколку недели.

Па, зошто кафето е „виновникот"? Накратко, научно објаснето: кафето има многу киселини. Големите дози на кисел кофеин во комбинација со вашите хормони, особено хормоните за стрес, влијаат врз зголемената мрснотија на вашата кожа. Пред се', кафето е диуретик и поттикнува мокрење, па така предизвикува и дехидрација.

Јас спаѓам во групата луѓе кои пијат до четири кафиња дневно, па сум на сигурен пат до дехидрација. Пред се', сигурно ве интересира дали ми недостасуваше кафето наутро за време на три недели? – Апсолутно!

Не очекував чудо, но за време на првата недела немаше никакви разлики на мојата кожа на лицето. Но, во втората недела веќе исчезнуваа акните кои одамна се појавиле. Веќе во третата недела целосно исчезнаа и морам да признаам дека мојата кожа изгледаше одлично. Проширените пори кои одамна ме мачеа изгледаа помали од претходно. Секако, кожата не ми беше совршена како кај Џенифер Лопез, но одрекувањето од кафе конечно почна да ми се допаѓа.

Другата промена која ја забележав е – помало ниво на маснотија. Отсекогаш сум имала неколку суви зони на лицето – околу носот и брадата, но веќе во третата недела, мојата кожа беше со еднаков состав, што ме натера да верувам дека мешаната суво-масна текстура на кожата беше резултат на дехидрација поради конзумирањето на кафе.

Сепак, мојата кожа не стана совршена како да е „фотошопирана" за три недели, но мислам дека во целост ќе се откажам од кафето и дека резултатите ќе бидат подобри на долг рок.