Дали знаете кој е најчестиот вид на неверство?

Кога ќе помислите на афера, сигурно помислувате на вашиот партнер во “акција” со некоја друга. Но, не е се така црно – бело…

Верувале или не, најчестиот вид на неверство не вклучува допир со друга личност. Имено, станува збор за – емоционално неверство.

За емоционално неверство се сметаат платонските или пријателски чувства кон некоја личност, кои постепено прераснуваат во романтични и сексуални, а веќе сте во врска со друга личност.

Овој вид на неверство е неверојатно чест. Околу 45 отсто од мажите и 35 отсто од жените признале дека некогаш имале емоционална афера. Тоа е речиси 20 отсто повеќе отколку луѓето кои признале дека физички го изневериле партнерот.

Една од причините зошто емоционалната афера е толку честа, е тоа што многумина воопшто не го сметаат тоа за неверство. Проблемот е во тоа што многу луѓе не забележуваат дека кон својот пријател или пријателка почнале да негуваат поинакви чувства.

Психологот доктор Виџајета Шајн вели дека губењето на емоционалната поврзаност меѓу партнерите е најдобрата “подлога” за емоционално неверство.

“Можеме да вечераме со својот партнер, а истовремено да се допишуваме со “пријателот” на Фејсбук. Овој вид на оддалеченост додека сме физички блиску, ни овозможува да криеме тајни од личноста која ни значи. Тоа може да биде многу опасно, бидејќи мислиме дека сме блиски со некого, а всушност не сме.

И покрај тоа што многумина ова воопшто не го сметаат за неверство, тоа може да направи многу поголема штета во врската отколку физичкото неверство. Околу 88 отсто од жените рекле дека би се чувствувале многу повредено и загрижено ако партнерот ги изневери на овој емоционален начин, отколку на физички.

Експертите за врски велат дека е многу полесно луѓето да се впуштат во ваков вид на “неверство”, отколку во физичко, но дека постојат начини за да се спречи тоа.

Тие советуваат да разговарате со партнерот за тоа што значи за вас неверство и што можете заедно да направите за уште повеќе да се зближите, бидејќи партнерите после извесно време се земаат еден со друг “здраво за готово”.

Закрепнувањето по „скршено срце“ трае три месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

Популарно