ТЕРОР НА ПАРТИЗАНСКА: Од 10 луѓе страда цело Скопје

Ова се звуците на синоќешната вечер, понеделник наспроти вторник. Снимката е направена на полноќ, на мојот балкон кој гледа накај Партизанска; поточно, направена е на 11.07.2017 година во 00.19 часот.  Ова се „обични“ 10 минути на „обична“ вечер. Вака е секоја вечер.

Нова сум во ова маало. Сочувствувам со староседелките и староседелците. Ова е неиздржливо. Ова надминува и кршење на јавниот ред и мир и е исклучително опасно по живот заради брзините со кои се вози. Стојам на тротоар, чекам зелено и преминувам улица со страв. Опасноста е уште поголема за лица со намалена мобилност или со сензорна попреченост. Никој не е помалку човек од тие што помешале тркачка патека и главна улица во главен град на која има и пешачки премини. Ничиј живот и мир не се помалку вредни од нивната желба за големи брзини.

Имаме минско поле како што е Партизанска на сред град а никој ништо не прави. Зошто безбедносните камери и органите на прогон се послаби од моќниците со голема кубикажа со синдром на семоќност која мислат дека им дава право за земање на живот? Зошто нечија забава и желба за адреналин е поважна од сите наши живот и здравје, а и од мирот на сите што живеат покрај главните улици? И каде се државните институции и каде се локалните власти? Полицијата и желките не се за студенти што учат во читална после 11 часот, туку за овие што сите нè загрозуваат.

kritika.mk

ФОТО: Врз паркот во Аеродром никнува станбено-деловна „Порта“

На досегашниот парк со детски реквизити во општина Аеродром, на просторот до Тобако 2, ќе се издигне станбено-деловен објект „Порта Аеродром“. Тоа е локацијата каде деновиве работеа машини, се сечеа дрвја и се спремаше теренот. Паралелно реагираа граѓански иницијативи, а револтирани граѓани урнаа дел тараби. Синоќа наоколу кружела и полиција.

Исто така, меѓувремено се појави и информативна градежна табла со име на инвеститорот „Порта Инжинеринг Груп“. Тоа се 13-те лица кои според Катастарот се заеднички сопственици на парцелата 302/10.

Изведувач на „Порта Аеродром“ е скопската фирма „Специјал градба“. Пишува и дека Одобрението за градење од општината е од 4 април 2018 година.

„Одобрението за градење на наведената локација е издадено на 19.3.2018 година и по 15 дена, односно на 5.4.2018 година станува правосилно. Инвеститорот е Порта инженеринг Груп“, потврдуваат од општина Аеродром за Радио МОФ.

Општинарите пред два дена рекоа дека станува збор за домување во станбени згради А2, колективно домување, од ДУП „Црква УЕ Б“. За детското игралиште, пак, соопштија дека се наоѓа на приватно земјиште, а сега ќе се префрли на зеленило во непосредна близина на постојното игралиште (подолу до улицата „Методија Шаторов-Шарло“, бивша „Руди Чајавец“).

Според ДУП-от „Црква УЕ Б“, локацијата отвора можност да се издигне објект (спојка) со максимална висина до 10 ката. Објектот би можел да биде во облик на буквата „С“, или ако се гледа од другата страна – како „П“, вид на „Порта“. Засега не е конкретно јасно како би изгледал објектот, визуелно, и како ќе биде поделен станбениот и деловен дел. Во планот, тој сегмент нумерички е запишан со 1.7.

Дознавме дека на дел од локалното население, години наназад, веќе им бил презентиран планот за „Портата“. Некои биле информирани, се делеле и флаери или постери во маалото, ама досега останало „само на муабет“.

Познато е дека со промената на урбанистичките планови, со тек на време повеќе жители од бараките во Стар Аеродром добија нови домови во нови згради. На потегот објекти подигнаа „Дабар“,„Адора“, „Голден Арт“, „Елена Лука“… Градежната експанзија повлече потреба за нова инфратруктура, постојано копање, а се создаде и сообраќаен хаос.

Дополнително ќе се анализира како овој дел ќе се справува со воздухот, светлината, зеленилото, со сообраќајот и паркинг-просторот. Со квалитетот на живот воопшто.

Извор: Радиомоф.мк

ФОТО: Скопје се гуши во ЃУБРЕ!

Оваа фотографија беше саркастично постирана на ФБ групата „Криминалите на ВМРО ДПМНЕ“. 

За оваа ситуација, сепак, не ни се виновни криминалите на ВМРО-ДПМНЕ. За ова се виновни градските власти, тие што треба да обезбедат основна хигиена во главниот град.

Градоначалниче Петре Шилегов, каде си? Погледни ја оваа фотографија. Вака ли треба да изгледа европско Скопје?

ВИДЕО: Пола Скопје вози пијано!

Министерството за внатрешни работи синоќа од 23 до 5 часот изутрина спроведе акциски контроли на подрачјето на СВР Скопје со цел откривање и санкционирање на возачите кои управуваат возила под дејство на алкохол.

Портпаролот на МВР, Тони Ангеловски, информираше дека вкупно се контролирани 1.234 возачи. „726 возачи се алкотестирани и кај 248 од нив е утврдено присуство на алкохол над дозволеното. Констатирани се и други 252 прекршоци“, рече тој.

Ангеловски најви дека Министерството за внатрешни работи ќе продолжи со вакви акции и во наредниот период, особено на територијата на Скопје. „Набавени се нови 80 дрегери за проверка на алкохол кај возачите. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот на патиштата“, рече Ангеловски.

Популарно