Нов терористички напад во Ерусалим

Тројца Израелци се повредени откако напаѓачи отворил оган врз полицајци во близина на светилиште во Ерусалим.

Полицијата соопшти дека тројца напаѓачи биле убиени по пукотниците.
Двајца од повредените Израелци се наоѓаат во критична состојба.Од минатата година во Израел има бран на напади со огнено оружје, ножеви и напади со автомобили од страна на Палестинците и Израелските Арапи.

(ВИДЕО) „Лицемерко, за сè е виновен Трамп!“ – Меланија нападната за време на говорот

Во говорот што го одржа на Генералното собирание на ОН Меланија Трамп го осуди насилието на социјалните мрежи, но луѓето брзо ја забележаа иронијата и  ѝ  замерија за нејзиното обраќање.Првата дама на САД во текот на обраќањето ги повика светските лидери да се здружат за благосостојба на децата. Предупредувајќи дека децата се тие кои го следат примерот на возрасните, таа им порача на сопругите на светските лидери да учат една од друга за вредностите на емпатија и комуникација, кои се сржта на љубезноста, интегритетот, лидерството.

„Мораме да се здружиме за благосостојба на нашите деца. Мораме да имаме на ум дека децата слушаат, така што никогаш не смееме да ја пропуштиме можноста да ги подучаваме на многу етички лекции“, изјави Меланија Трам во средата во мисијата на САД во ОН.

Најмногу ѝ замерија што нејзиниот сопруг и американски претседател Доналд Трамп не се симнува од Твитер каде често неистомислениците ги почестува со најлоши можни навреди. Поради тоа, некои се уверени дека Меланија говорот го посветила на својот сопруг.

„Се надевам дека заедно со мене ќе се посветите на учење на следната генерација да го почитува златното правило: прави им го на другите само тоа што би сакал тие да ти го прават тебе. Тоа е моето мерило на денешното општество и мојот фокус како прва дама. Императивот на нашата генерација е да преземеме одговорност за она што нашите деца го учат. Мораме да се фокусираме на пораките и содржината кои се изложени на социјалните мрежи на секојдневна база – злоупотреба он-лајн и во живо, на употреба на дрога и предозирање“, вели Меланија.

Од друга страна, нејзиниот сопруг продолжува на Твитер да „удира“ по противкандидатката Хилари Клинтон, иако изборите одамна минаа, а политичката новинарка и водителка Меган Кели изјави дека навредите на Трамп биле без причина, поради кои и го напуштила работното место по 12 години.

На говорот на првата дама се осврна и самата Клинтон, која истакна дека Меланија не направила ништо по повод спречување насилство на интернет. Поранешната прва дама постави и прашање дали Меланија навистина е „сериозна“ и посветена на оваа цел, поради тоа што сè уште не го објавила формалниот план за анти-насилие на интернет откако во ноември минатата година вети дека ќе се залага за жените и децата.

Видете го нејзиниот говор:



 

По 3.600 евра казна за тројца луѓе кои не помогнале на онесвестен пензионер

Бидејќи не сакале да му помогнат на еден пензионер кој се онесвестил во банка и лежел на подот, три лица ќе платат казна, пресуди судот во Германија. 

Казна од 3.600 евра е изречена на 39-годишна жена и на двајца мажи на возраст од 55 и 61 година.

83-годишниот пензионер се онесвестил и удрил со главата во подот, и така онесвестен лежел пред банкомат во една банка во Есен, во западна Германија.

Луѓето што се нашле во банката го заобиколувале човекот, а некои дури и го прескокнувале.

Двајцата обвинети изјавиле на судењето дека мислеле дека старецот е бездомник и дека заспал.

Пензионерот лежел на подот во банката 7 минути, односно сè додека еден од клиентите не повикал брза помош, која пристигнала после 20 минути и го однела  во болница, каде починал.

Лекарите тврделе дека тој би починал и доколку веднаш добиел прва помош.

Исплива најголемиот скандал на кралското семејство-кралицата ова нема да му го прости на принцот Чарлс!

Тој е висок со темна коса и неверојтано личи на принцот Вилијам, но неговиот наводен полубрат е се, само не дел од кралското семејство. Роден е и израснал во Канада, во светот со милји далеку од кралскиот живот во Бакингамската палата. Станува збор за Џејсон Џенкинс, 34 годишник кој е роден 9 месеци откако неговата мајка, поранешна канадска поручничка Џенет, за време на незаштитен секс, затруднела со принцот Чарлс во Хајгроув, за време на неговиот брак со Дајана.

-Бев љубовница на Чарлс полни 16 години-открила Џенет за американското списание Д глоб. Објаснува како тоа била романса на далечина, а кога би се виделе се се сведувало на секс.

Џенет која денска има 70 години живее во Торонто и наводно не сака ни да признае ни да демантира дека принцот Чарлс е татко на нејзиниот син Џејсон, велејќи дека тоа не е нејзина работа, но палатата секако ја увидела опасност во целата работа и се труди со години скандалот да го држи во тајност.

Близок пријател на Џенет открил дека целата работа нема да биде решена додека Чарлс не се согласи на тест за татковство, но за се доволно зборува фактот дека синот на Џенет е плукната копија на принцот Вилијам, па секој кој го видел заклучил дека се браќа.

Се чини дека принцот Чарлс не ја признава целата приказна и обвинува дека станува збор за подметнување, додека неговата жена и долгогодишна љубовница Камила сака да направи ДНК тест како еднаш засекогаш би се разрешил сомнежот и тврдењето дека тој има вонбрачно дете.

Популарно