Менаџерот на Телма објасни зошто познатата тв водителка повеќе не ја гледаме на малите екрани

Директорот и главен уредник на Телма, Атанас Кировски на фејсбук, ги разреши шпекулациите кои со денови се шират низ македонската јавност во врска со непојавувањето на познатото тв лице Јасминка Аневска на малите тв екрани:

- Има разни постови околу заминувањето на Јасминка Аневска од Телма. Ние се разделивме заради принципиелни несогласувања околу новинарството, и јас и посакувам се најдобро во животот и во кариерата. Нити се ситам ако не добие некоја работа, нити лобирам за да не ја примат на работа. Тоа се чисти измислици. Јасминка не ми е крвен непријател за да и се одмаздувам со тоа што ќе и правам штета, нити пак на некој мој бивш соработник некаде сум му затворил врата. Нека и е со среќа, што и да реши да работи

(ВИДЕО) Заев ги смирува Албанците: Законот за јазици нема да падне на Уставен суд

Премиерот Зоран Заев во интервју за емисијата „360 степени“ на Алсат-М изјави дека се што било уставно дискутабилно во законот е тргнато и тој е пуштен на разгледување во Венецијанската комисија.

„Нашата намера е искрена, ние отворено застанавме во кампања за овие прашања, отворено застанавме дури и пред обидот за наша ликвидација, бранејќи ги овие вредности во кои веруваме. Ние веруваме дека употребата на јазиците на помалкубројните заедници е уставно дозволива работа и таму до кадешто Уставот тоа го дозволува, а е реална потреба на граѓаните треба да го овозоможиме. Секако, секогаш има можности и за критики но, јас заедно со партнерите од владејачката коалиција се договоривме дека не ни е воопшто потребно да носиме нешто како закон ако однапред знаеме дека ќе падне на Уставен суд, зошто би го правеле тоа? Така да, сето она што го има во законот е уставно и верувам дека законот ќе се донесе и конечно во Македонија оваа дебата од самостојноста на државата за потребите на помалкубројните етнички заедници ќе ги затвориме, за да отвориме поважни прашања.“ – изјави Зоран Заев – премиер на Република Македонија.

ВИДЕО: Законот за јазици ќе чека да поминат локалните избори

Пратениците денеска шести ден во рамки на 15. седница дебатира по Предлог законот за употреба на јазиците, во прво читање.

Џафери рече дека ја прекинува дебатата согласно неговата најава дека Парламентот нема да работи на почетокот на кампањата за изборите, но и, како што рече, да нема чувство дека некој по секоја цена сака да постигне некоја цел.

– Како резултат на дебатата произлезе дека од интерес на граѓаните, да не кажам на дел од граѓаните, е и потребата за носење и на соодветниот закон којшто е во редовна постапка за којшто се надевам ќе продолжиме исто така со успешна и плодна конструктивна дебата, рече Џафери.

Се надевам, дополни, дека никој од учесниците оваа ситуација нема да ја користи во предизборни цели и во кампања. А тоа најдобро ќе го ценат, ќе го покажат и ќе го решат граѓаните на РМ, потенцираше Џафери, кој воедно на учесниците на изборите им посака мирна успешна предизборна кампања.

Во тек на шестдневната расправа за законот во Собранието опозициската ВМРО-ДПМНЕ обвини дека законот е неуставен и побара да биде повлечен. Смета дека со постапката за негово носење е прекршен собранискиот Деловник со цел во пресрет на локалните избори да се реализира договор меѓу коалициските партнери од власта.

Од мнозинството, пак, истакнаа дека законот е уставен, не го нарушува унитарниот карактер на државата и ќе овозможи заокружување на Охридскиот рамковен договор.

Петар Атанасов од СДСМ во тек на денешната расправа рече дека сите пратеници од албанските политички партии кажуваат дека има потреба од ваков  закон, но оти ВМРО-ДПМНЕ немале храброст да го затворат ова прашање.

– Ајде да го затвориме последното големо прашање од Охридскиот рамковен договор и заедно да градиме една единствена заедничка мултикултурна и демократска граѓанска Македонија, наведе Атанасов.

Според Никола Мицевски од ВМРО-ДПМНЕ, носењето на законот не е од практична причини за употреба на јазиците од страна на етникумите во Македонија, туку, како што рече, поради предизборниот период и она што е ветено како договор и основа за коалицирање помеѓу партиите од владејачкото мнозинство.

Поповски, пак, повтори дека е за закон за јазици, но оти е против постапката и одлуката за негово носење од страна на парламентарното мнозинство. Од сите, како што рече, неиздржани аргументи, најмногу го загрижувал и го смета за најопасен аргументот дека Европската унија  така налага.

– Да не ја злоупотребуваме ЕУ. Ако веќе ја ставаме ЕУ во оваа корелација  не може да го избегнеме фактот дека не постои заедничка политика за јазична употреба во рамки ЕУ, рече Поповски.

Реплицирајќи му, Томислав Тунтев од СДСМ  наведе дека е факт оти ЕУ нема заедничка политика во однос на јазиците, но дека ЕУ нема ниту заедничка политика  во однос на  образованието, а Владата на ВМРО-ДПМНЕ вовела екстерно тестирање виз-а-ви европските искуства. Значи, потенцираше, ние можеме  да ги земаме искуствата без оглед дали ЕУ има или нема заедничка  политика затоа што ЕУ како заедница на независни суверени држави решила кои  ќе се областите за кои ќе има заедничка политика. Очигледно ова не е, но тоа не значи дека не е регулирано во тие држави. Напротив, Белгија, Финска, Естонија, Франција, Шпанија, Италија.. секаде се модели каде на еден или на друг начин го регулираме ова прашање, но таму немало конфликт во 2001 година и Рамковен договор во чии рамки се движиме овие години, рече Тунтев.

Во бројните реплики на Поповски од неговите сопартијци, меѓу останатото беа упатени критики за финансиските импликации на законот, кој, според нив, е дискриминаторски во однос на другите малцински заедници.  Македонија, како што наведоа, со овој закон ќе биде единствена унитарна држава која ќе донесе закон за употреба на два службени јазика без за тоа да има реална основа.

ВМРО-ДПМНЕ обвинува, МВР негира: Полициец впери пиштол во кандидат за градоначалник?

ВМРО-ДПМНЕ најостро го осудува насилничкото и брутално однесување на СДС и инститиуциите кои тие ги имаат под контрола, реагираат од опозициската партија и додаваат дека очигледен е стравот и преплашеноста на СДСМ од народот и енергијата која е наочена против беззаконието кое тие го манифестираат. Од ВМРО-ДПМНЕ обвинуваат дека на кандидат за градоначалник му бил вперен пиштол од полицаец само затоа што е од друга партија. 

„Со ова се покажа дека СДС ја има киднапирано државата и ги урива сите вредности на демократијата. На кандидат за градоначалник му беше вперен пиштол од полицаец затоа што е од друга политички опција спротивна на СДС. Претходно граѓаните беа малтретирани и автобуси праќани на вонреден технички преглед, со што СДС манифестираше брутално беззаконие. За ова СДС ќе одговара. Ќе дојде ден кога ќе излезат пред очите на правдата. СДС со нивните злоупотреби не може да ја спречи енергијата на народот насочена против нив. Одговорот од народот пристига на 15 октомври“, се вели во реакцијата на опозициската партија. 

По ова се јави и министерството за внатрешни работи, од каде остро се отфрлаат невистините објавени на дел од интернет-порталите и тврдењата на одредени политички партии дека автобуси денеска биле запирани и праќани на вонреден технички преглед и дека наводно полицаец вперил пиштол во глава на граѓанин.

„Целосно неточна е објавата дека автобуси со симпатизери на политичка партија биле запирани и праќани на вонреден технички преглед. Се повикуваат оние што ја пласираат оваа невистина да покажат каков било документ со кој ќе биде докажано дека автобуси биле праќани на вонреден технички преглед.

Невистина е и пласираната вест дека полициски службеник му вперил пиштол во глава на лицето М.Ј. Денеска, при извршувањето на своите работни задачи полициски службеници се обиделе да сопрат возило мерцедес што со голема брзина се движело по булеварот Александар Македонски во Скопје. На дадениот знак возилото не застанало, по што полицајците со возило на МВР тргнале по мерцедесот со намера да го сопрат. По извесно време мерцедесо“ бил стигнат и запрен од страна на полициските службеници и согласно со процедурите се побарани документи од сите четири лица кои биле во возилото, а меѓу нив бил и М.Ј.

Полициските службеници ги прашале овие лица дали носат нешто недозволено или оружје, на што М.Ј. пријавил дека носи пиштол со дозвола, по што е направена проверка и утврдено е дека М.Ј. има дозвола за пиштолот. Додека полициските службеници ја вршеле проверката, во близина запрело друго возило, од кое излегле две лица, од кои лицето О.А. почнало дa ги навредува полицајците.

МВР постапува единствено согласно со законите и укажуваме дека ширењето шпекулации и невистини не е во интерес на граѓаните“, стои во реакцијата на МВР.

Популарно