Разговор со експерт: Дали канабисот лекува?

Здравје

на 7.2017

Дали канабис лекува канцер, смеат ли да го употребуваат деца, кој од препаратите е најефикасен и за што сѐ и како можеме да го употребуваме… Одговор на дел од овие прашања побаравме во разговорот со еден од пионерите во областа на истражувањето на медицинскиот канабис во светот, кој минатиот месец го посети Скопје, патологот д-р Пол Хорнби – медицински истражувач од Ванкувер, Канада.

Канадскиот патологот, д-р Пол Хорнби, е доктор по медицински науки во областа на човековата патологија, експерт за анестетици и биохемија, но и еден од засега ретките медицински професионалци, кој, освен што ги истражува медицинските својства на канабисот и канабиноидите, јавно зборува за својата убеденост во медицинските својства на билката и нејзините производи.

Од каде вашата доверба во канабисот?

Mоето искуство со канабисот започна со девојчето Хејли. Мајка ѝ ја донесе во дневната клиника за канабис, во чија лабораторија работев, за да пробаме да дејствуваме на епилепсијата. Првиот пат кога имаше најмалку по 10 големи епилептични напади дневно. Иако дотогаш имаше малку показатели низ научната литература дека канабисот може да помогне кај лица со епилепсија, одлучија да ја донесат кај мене, бидејќи јас бев првиот човек што има стандардизирано канабис-екстракт и дозирање, затоа многумина ме нарекуваат татко на CBD. Со стандардизиран состав во секоја доза успеавме да ги намалиме активностите на мозокот што водат до напад. Тукутака, прекуноќ, престанаа нападите. Поминати се 10 години и таа сѐ уште го користи екстрактот, со тоа што низ годините ги нагодувавме дозите, особено кога влезе во пубертет. Наградата што ја добив за моето работење со канабис беше кога бев поканет да ја носам Хејли на нејзината матура.

Според вашето досегашно искуство, кај кои состојби состојката CBD се покажа како најефективна?

Има многу позитивни ефекти на CBD. Едно од тие е анксиолитичкото, неседативно смирувачко дејство. CBD има способност да ги намали симптомите на стрес и вознемиреност, особено оние од секојдневниот стрес со кои се соочува секој човек. Брзото темпо на живот и обврските прават стресот да стане секојдневие кај многумина од нас. CBD е средство што го намалува стресот и ги намалува и штетите што ги тој ги предизвикува. CBD може да биде ефективно кај повеќето ако не и кај сите ментални болести, бидејќи различни ментални проблеми можат да имаат исти или слични симптоми. Ментални проблеми каде што дејствува канабисот се депресија, опсесивно-компулсивно однесување, манијакално и психотично однесување, биполарно растројство, параноја, стравови. Без да навлегувам премногу во наука, ќе спомнам само дека CBD ги става во рамнотежа многуте рецептори во мозокот што влијаат на расположението и однесувањето. Дури и човек што страда од хронична болка е постојано вознемирен и под стрес од симптомите што ги има. Она што го забележав во моите долги години работа е и дека кога луѓето ќе почнат со употреба на CBD, го намалуваат користењето алкохол. CBD може да ги намали потребите и желбата за алкохол и е одлично средство за справување со зависности. Во клиниката каде што работев, CBD користеа лица за одвикнување од јаки опијати, хероин и метадон.

Додека работев во дневната клиника за канабис, можев да забележам и дека голем број луѓе користат CBD за третирање различни видови хронична болка, особено инфламаторна болка. Како лично искуство ќе споделам кога лани, при пад во Шпанија, ги скршив коските на две места, на лактот и на колкот. Наместо да користам стандардни аналгетици, одлучив да користам единствено висока концентрација на CBD. Ми помогна во справувањето со болката, заздравувањето на коските, како и полесно да размислувам и да се концентрирам.

Иако за канцер е општо познато дека е подобро да се користат препарати со повеќе THC, сепак CBD има огромна вредност и кај овие пациенти, особено во палијативната нега. Со подобрување на апетитот и расположението, намалување на болката и нервозата, спречување на гадење и повраќање доколку користат радио или хемотерапија, значително се подобруваат квалитетот на живот и општата здравствена состојба. CBD е одлично средство како додаток на стандардната терапија. Студиите покажаа дека и CBD може да влијае на канцер и да направи уништување на туморните клетки, покажувајќи се како особено ефективно против метастази и стеснување на крвните садови од кои канцерот се храни.

Колку е безбедно CBD за употреба? Дали предизвикува седација?

CBD претставува една од најбезбедните супстанции за употреба, не предизвикува седација и може да се користи безбедно во текот на целиот ден.

Дали пациентите треба да стравуваат дека CBD може да предизвика зависност?

Никако! CBD не предизвикува зависност. Екстрактите може да се користат во големи дози подолго време и да се прекине без постепено намалување на дозите. Секако, доколку лицето страдало од хронична болка од физичка природа или, пак, од епилептични напади и по прекин на користење симптомите се вратиле, тоа не значи дека CBD предизвикува зависност, туку дека има состојби каде што треба да се користи постојано за лицата да живеат квалитетен живот.

Дали екстрактите со CBD може да се користат паралелно со стандардната медикаментозна терапија и дали се познати некои посериозни интеракции?

Не само што може туку CBD треба да се користи паралелно со лекови, односно со стандардната медицинска терапија. CBD помага за подобро дејствување на кој било лек, со самото тоа што учествува во сите метаболички процеси и во функционирањето на клетките и цели физиолошки системи во организмот. CBD ќе помогне и во намалувањето на несаканите ефекти што многу од овие препарати ги предизвикуваат.

Кому би му го препорачале CBD?

Секому. Зар постои личност што во денешно време нема да почувствува бенефиција од користење CBD? Дури и луѓето што не се погодени од болест и оние што успеваат некако да се справат со стресот и вознемиреноста, треба да користат CBD за превенирање болести. Канабиноидите се регулатори на регулаторите во организмот и буквално учествуваат во сите процеси во човековото тело. Со редовен внес на канабиноиди, организмот ќе функционира подобро и ќе го зајакнете имуниот систем, ќе ги подобри сите метаболички процеси во организмот и ќе бидете заштитени од многу болести. CBD е многу моќен антиоксидант и невропротектант, ги штити луѓето од болестите на мозокот и од стареењето. Во западните земји, CBD станува дел од стандардната терапија кај болни, но и кај здрави лица во поодмината возраст.

Убавинаиздравје.мк

Над 400 приватни специјализанти стапија во штрајк

Здравје

пред една недела

Над 400 приватни специјализанти изутринава стапија во генерален штрајк и не ги извршуваат работните обврски на скопските клиники и останатите болници и амбуланти низ државава. Тие бараат зголемување на надоместот што им се исплаќа во изнес од 26 илјади денари, на ниво на просечна плата на доктор во јавна здравствена установа, здравствено осигурување, како и решавање на статусот што сега им е со договор на дело. Штрајкот ќе го прекинат, како што најавија, само доколку добијат писмена гаранција за исполнување на барањата.

- За жал, се решивме на овој чекор бидејќи Министерството за здравство нема слух за решавање на нашите проблеми, изјави доктор Христина Илиоска Чешлароска, приватен специјализант по интерна медицина, трета година.

Таа потсети дека по протестот во март, имале средба со министерот за здравство на која им било ветено дека нивните барања ќе се најдат на седница на Влада., но дека засега немаат никаков одговор.

Како што соопшти Илиоска Чешлароска, добиле повик од претставник во Министерството за здравство и им било кажано дека денеска во 14 часот ќе се одржи средба во Влада.

-Петмина наши претставници ќе бидат на таа средба, но, немаме информација кој се ќе присуствува и дали ќе бидат прифатени нашите барања. Штрајкот продолжува, се додека не добиеме писмена официјална гаранција дека барањата ќе бидат исполнети, нагласи Илиоска Чешлароска.

Тамара Пејоска, специјализант на пластична и реконструктивна хирургија, прва година, рече дека работно максимално се посветуваат, а се ставени во разочарувачка деградирачка позиција. На протестот беше нагласено и дискриминирањето при остварување на мајчинство и породилно отсуство, бидејќи тогаш се укинува надоместот. Сите овие луѓе, беше кажано на протестот, имаат желба да останат во државата, да работат и да се грижат за пациентите.

ИЈЗ: Нови 44 случаи на голема кашлица од 5 до 11 април, вкупно 443 заболени

Здравје

пред една недела

Нови 44 случаи на голема кашлица се пријавени од 5 до 11 април, со намалување од 10,0 отсто споредено со претходниот седмодневен период. Најголем дел од случаите се пријавени во Скопје. Пријавени се случаи и во Битола - четири и по еден случај во Куманово, Кратово и во Крива Паланка. Возраста на заболените се движи од еден месец до 75 години, а најголем број случаи се од возрасната група од 10 до 14 години. Од новите 44 случаи, два се хоспитализирани, се наведува во најновиот извештај на Институтот за јавно здравје (ИЈЗ), објавен попладнево.

- Заклучно со 11 април, во Северна Македонија се регистрирани вкупно 443 случаи на голема кашлица, со инциденца од 24,1/100 000 жители. По однос на место на живеење, најголем број лица живеат во Скопје - 355 или 80,1 отсто со зафаќање на шеснаесет различни општини. Од територијата на ЦЈЗ Куманово се пријавени 25 лица, од ЦЈЗ Битола 19, 17 лица од ЦЈЗ Тетово, од ПЕ Гостивар - пет и од ЦЈЗ Кочани и ПЕ Кратово по три случаи. По два случаја се регистрирани во Крива Паланка, Дебар, Струга, Пробиштип, Велес и во Струмица, а по еден случај е регистриран од Кичево, Прилеп, Кавадарци и од Гевгелија, пишува во извештајот.

Од вкупниот број регистрирани случаи - 433, 263 или 59,4 проценти не биле вакцинирани, не се комплетно вакцинирани согласно возраста или нема доказ за вакцинација. Од случаите кои се комплетно вакцинирани, просек на поминато време од последната доза вакцина до заболување, изнесува 12,9 години.

Од заболените, хоспитализирани се 60 лица и тоа 49 од нив на возраст до четири години.

Дадени се вкупно 39.031 доза вакцина што содржи компонента против голема кашлица во периодот од 18 јануари до 11 април.

Овие намирници го зајакнуваат имунитетот и ги ублажуваат симптомите

Здравје

пред 2 недели

Иако пролетта носи многу прекрасни работи и позитивна енергија, луѓето кои страдаат од алергии се на мета на алергиите и така започнува нивната агонија. Алергиите се резултат на преосетливост на имунолошкиот систем, што предизвикува ослободување на штетни хистамини. Тие можат да влијаат врз целото тело, особено на кожата, очите, носните прооди и белите дробови.

Симптомите на алергија се јавуваат кога вашето тело реагира на алергените во телото со производство на хемикалијата наречена хистамин која помага да се потисне алергенот. Имуниот систем предизвикува алергиска реакција преку производството на антитела на имуноглобулин Е (IgE) кои предизвикуваат широко распространети симптоми.

Пример симптоми

- течење на носот, сугреб, чешање, затнат нос

- исип на кожата, црвенило, сувост, лупење или чешање

- печење или чешање во устата и усните

- отекување на јазикот, усните, грлото или лицето

- гадење и повраќање

- грчеви во стомакот

- кашлица

Овие се најдобрите прехранбени продукти кои треба да ги вклучите во својата исхрана за да се справите со алергиите:

1. Белиот лук

Природен антибиотик кој помага во борбата против инфекции, вируси, дури и алергии. Дневното консумирање или цедење на сок од две сурови чешки од овој моќен антиоксидант може да го засили имунитетот.

2.Лимон и лимета

Одлични за засилување на имунитетот и се користат за разни заболувања, вклучувајќи ги и алергиите, бидејќи се полни со витамин C и антиоксиданти кои го засилуваат имунитетот. Водата со лимон го прочистува телото од нечистотии. Помешајте сок од лимон со маслиново масло како дресинг за салата.

3. Зелените лисни зеленчуци

Спанаќ, кељ, зелка и рукола се одличен извор на важни витамини, минерали, антиоксиданти и ензими кои помагаат во детоксикацијата и намалувањето на воспалението.

4. Храна богата со пробиотици

Пробиотичката храна (кефир, кисело млеко, кимчи, јогурт, сирење, мисо и комбуха) го подигнуваат имунитетот и може да помогнат во регенерацијата на оштетената цревна мукоза.

5. Кокосово млеко

Најдобрата алтернатива на кравјото млеко, бидејќи не содржи млечни производи, лактоза, соја, ореви и житарки.

6. Путер од бадеми и семки

За луѓе алергични на кикиритки и путер од кикиритки, путерот од бадеми е безбедна и здрава алтернатива која обезбедува здрави незаситени масни киселини, влакна, минерали како и рибофлавин и магнезиум, па дури и некои антиоксиданти.

7. Ленено семе, чија, семе од тиква и сончогледово семе

Одлични извори на здрави масти и влакна.

8. Коприва

Листот на коприва природно ги контролира хистамините, затоа се препорачува од страна на се повеќе лекари да се земе лиофилизиран препарат пред почетокот на сезоната на поленова грозница. Може да се користи и како чај или во форма на тинктура, вклучувајќи и хомеопатски лекови.