15 предупредувачки знаци за рак кои луѓето не ги приметуваат се додека не е предоцна

Здравје

на 7.2017

Кога луѓето имаат семејна историја на рак, тие обично се крајно претпазливи, па многу внимаваат на своето здравје, се консултираат со својот лекар и ги следат специфичните знаци за навремено да ги преземат сите потребни превентивни мерки.

Сепак, голем број луѓе не ги забележуваат симптомите на рак, бидејќи во јавноста се промовира свесноста за само неколку видови рак кои обично се најчести.

Од исклучителна важност е луѓето се’ повеќе да се запознаат со превентивните мерки, а особено со предупредувачките знаци, за да можат да реагираат на време.

УНИВЕРЗАЛНИ ЗНАЦИ И СИМПТОМИ ЗА РАК

Секој вид на рак има свои симптоми, бидејќи зависи од локацијата на клетките на ракот и нивната раширеност. Сепак, постојат некои универзални симптоми кои се исти за повеќе видови рак.

1.Промени во вашата столица

Ненадејната промена во големината на столицата, чести проливи или запек, може да укажува на рак во горниот дигестивен тракт. Покрај тоа, се јавуваат постојани болки во стомакот.

2.Промени во вашата урина

Ако забележите дека многу често одите во тоалет и имате болка која е поврзана со уринирањето, треба да се консултирате со вашиот лекар, бидејќи овие симптоми укажуваат на рак на простата или мочен меур.

3.Појава на ранички

Раните може да бидат знак за неколку видови рак, како што е рак на кожа, рак на уста или рак на гениталии. Во случај да забележите било какви болки во телото, консултирајте се со вашиот лекар.

4.Крвавење

Ако се појави крвава столица или крв во урината, ако искашлувате крв или имате крвав исцедок, тоа може да бидат знаци за неколку видови рак. Консултирајте се со вашиот лекар колку е можно поскоро.

5.Појава на грутки или задебелувања на некои места од телото

Ако забележите грутка, промена во големината или ви се појави нова грутка, вие дефинитивно треба да се консултирате со вашиот лекар, бидејќи тоа може да биде поврзано со неколку видови рак.

6.Нарушено варење на храната

Една од најпознатите грешки за погрешно дијагностицирани симптоми е нарушеното варење на храната, бидејќи ова е многу честа состојба кај луѓето.

Сепак, најдобро е да се провери и да се направат потребните испитувања, за да се исклучи можноста за рак на горниот дигестивен тракт. Потешкотии при голтање и постојани болки во стомакот, исто така се предупредувачки знаци за рак.

7.Промена на бојата на кожата или чудни дамки:

Секоја промена на бојата, формата или големината на бенките или новонастанати дамки на кожата, може да индицираат рак. Консултирајте се со дерматолог доколку забележите невообичаени промени на кожата.

8.Невообичаен раст на влакна

Во случај да забележите невообичаен раст на влакна, консултирајте се со вашиот лекар, бидејќи наведената промена во телото е доста чест симптом на рак. Но, не дигајте веднаш паника, бидејќи тоа честопати може да биде и причина за некоја друга состојба во телото.

9.Промени во кожата

Промени во кожата може да се случат од различни причинители. Сепак, доколку се појават зацрвенети, пожолтени или потемнети делови на кожата, појдете на лекар и проверете за што точно се работи.

10.Болки

Ако имате силни ненадејни главоболки, или болки во грбот, тоа може да бидат знаци за одреден вид на рак.

Различни делови од телото се поврзани со различни видови на рак и било која хронична болка бара лекарска помош.

11.Висока температура / треска

Најчесто треската се поврзува со ракот на имунолошкиот систем, но тоа исто така може да укажува дека постоечкиот рак започнал да се шири на другите органи.

12.Нагло губење на тежината

Ако забележите дека губите премногу тежина без држење диета, тоа може да биде симптом на рак. Според Американското здружение за рак, повеќето пациенти со рак доживуваат ненадејно губење на тежината.

13.Кашлање

Хроничната кашлица или иритирано грло може да укажува на рак на дишните патишта, како што се рак на грло или на бели дробови. Ако не престанува кашлицата, најдобро е да посетите лекар.

14.Невообичаени лимфни јазли

Ако забележите било какво невообичаено задебелување и отекување на лимфните јазли, побарајте медицинска помош.

15.Замор

Можеби звучи чудно, но заморот исто така, може да биде предупредувачки знак за рак, бидејќи тоа е природен одговор на имуниот систем.

Одредени видови на рак може да предизвикаат загуба на крв, со што исто така се предизвикува замор. Во секој случај, доколку чувствувате хроничен замор – консултирајте се со вашиот лекар.

Забелешка: Горенаведените симптоми може да укажуваат и на други здравствени состојби во организмот, па затоа не дигајте веднаш паника.

Меѓутоа, секоја промена во телото потребно е да ја забележите и да ја проверите на лекар, бидејќи успехот на лекувањето во голема мера зависи од навременото откривање на болеста.

Над 400 приватни специјализанти стапија во штрајк

Здравје

пред една недела

Над 400 приватни специјализанти изутринава стапија во генерален штрајк и не ги извршуваат работните обврски на скопските клиники и останатите болници и амбуланти низ државава. Тие бараат зголемување на надоместот што им се исплаќа во изнес од 26 илјади денари, на ниво на просечна плата на доктор во јавна здравствена установа, здравствено осигурување, како и решавање на статусот што сега им е со договор на дело. Штрајкот ќе го прекинат, како што најавија, само доколку добијат писмена гаранција за исполнување на барањата.

- За жал, се решивме на овој чекор бидејќи Министерството за здравство нема слух за решавање на нашите проблеми, изјави доктор Христина Илиоска Чешлароска, приватен специјализант по интерна медицина, трета година.

Таа потсети дека по протестот во март, имале средба со министерот за здравство на која им било ветено дека нивните барања ќе се најдат на седница на Влада., но дека засега немаат никаков одговор.

Како што соопшти Илиоска Чешлароска, добиле повик од претставник во Министерството за здравство и им било кажано дека денеска во 14 часот ќе се одржи средба во Влада.

-Петмина наши претставници ќе бидат на таа средба, но, немаме информација кој се ќе присуствува и дали ќе бидат прифатени нашите барања. Штрајкот продолжува, се додека не добиеме писмена официјална гаранција дека барањата ќе бидат исполнети, нагласи Илиоска Чешлароска.

Тамара Пејоска, специјализант на пластична и реконструктивна хирургија, прва година, рече дека работно максимално се посветуваат, а се ставени во разочарувачка деградирачка позиција. На протестот беше нагласено и дискриминирањето при остварување на мајчинство и породилно отсуство, бидејќи тогаш се укинува надоместот. Сите овие луѓе, беше кажано на протестот, имаат желба да останат во државата, да работат и да се грижат за пациентите.

ИЈЗ: Нови 44 случаи на голема кашлица од 5 до 11 април, вкупно 443 заболени

Здравје

пред една недела

Нови 44 случаи на голема кашлица се пријавени од 5 до 11 април, со намалување од 10,0 отсто споредено со претходниот седмодневен период. Најголем дел од случаите се пријавени во Скопје. Пријавени се случаи и во Битола - четири и по еден случај во Куманово, Кратово и во Крива Паланка. Возраста на заболените се движи од еден месец до 75 години, а најголем број случаи се од возрасната група од 10 до 14 години. Од новите 44 случаи, два се хоспитализирани, се наведува во најновиот извештај на Институтот за јавно здравје (ИЈЗ), објавен попладнево.

- Заклучно со 11 април, во Северна Македонија се регистрирани вкупно 443 случаи на голема кашлица, со инциденца од 24,1/100 000 жители. По однос на место на живеење, најголем број лица живеат во Скопје - 355 или 80,1 отсто со зафаќање на шеснаесет различни општини. Од територијата на ЦЈЗ Куманово се пријавени 25 лица, од ЦЈЗ Битола 19, 17 лица од ЦЈЗ Тетово, од ПЕ Гостивар - пет и од ЦЈЗ Кочани и ПЕ Кратово по три случаи. По два случаја се регистрирани во Крива Паланка, Дебар, Струга, Пробиштип, Велес и во Струмица, а по еден случај е регистриран од Кичево, Прилеп, Кавадарци и од Гевгелија, пишува во извештајот.

Од вкупниот број регистрирани случаи - 433, 263 или 59,4 проценти не биле вакцинирани, не се комплетно вакцинирани согласно возраста или нема доказ за вакцинација. Од случаите кои се комплетно вакцинирани, просек на поминато време од последната доза вакцина до заболување, изнесува 12,9 години.

Од заболените, хоспитализирани се 60 лица и тоа 49 од нив на возраст до четири години.

Дадени се вкупно 39.031 доза вакцина што содржи компонента против голема кашлица во периодот од 18 јануари до 11 април.

Овие намирници го зајакнуваат имунитетот и ги ублажуваат симптомите

Здравје

пред 2 недели

Иако пролетта носи многу прекрасни работи и позитивна енергија, луѓето кои страдаат од алергии се на мета на алергиите и така започнува нивната агонија. Алергиите се резултат на преосетливост на имунолошкиот систем, што предизвикува ослободување на штетни хистамини. Тие можат да влијаат врз целото тело, особено на кожата, очите, носните прооди и белите дробови.

Симптомите на алергија се јавуваат кога вашето тело реагира на алергените во телото со производство на хемикалијата наречена хистамин која помага да се потисне алергенот. Имуниот систем предизвикува алергиска реакција преку производството на антитела на имуноглобулин Е (IgE) кои предизвикуваат широко распространети симптоми.

Пример симптоми

- течење на носот, сугреб, чешање, затнат нос

- исип на кожата, црвенило, сувост, лупење или чешање

- печење или чешање во устата и усните

- отекување на јазикот, усните, грлото или лицето

- гадење и повраќање

- грчеви во стомакот

- кашлица

Овие се најдобрите прехранбени продукти кои треба да ги вклучите во својата исхрана за да се справите со алергиите:

1. Белиот лук

Природен антибиотик кој помага во борбата против инфекции, вируси, дури и алергии. Дневното консумирање или цедење на сок од две сурови чешки од овој моќен антиоксидант може да го засили имунитетот.

2.Лимон и лимета

Одлични за засилување на имунитетот и се користат за разни заболувања, вклучувајќи ги и алергиите, бидејќи се полни со витамин C и антиоксиданти кои го засилуваат имунитетот. Водата со лимон го прочистува телото од нечистотии. Помешајте сок од лимон со маслиново масло како дресинг за салата.

3. Зелените лисни зеленчуци

Спанаќ, кељ, зелка и рукола се одличен извор на важни витамини, минерали, антиоксиданти и ензими кои помагаат во детоксикацијата и намалувањето на воспалението.

4. Храна богата со пробиотици

Пробиотичката храна (кефир, кисело млеко, кимчи, јогурт, сирење, мисо и комбуха) го подигнуваат имунитетот и може да помогнат во регенерацијата на оштетената цревна мукоза.

5. Кокосово млеко

Најдобрата алтернатива на кравјото млеко, бидејќи не содржи млечни производи, лактоза, соја, ореви и житарки.

6. Путер од бадеми и семки

За луѓе алергични на кикиритки и путер од кикиритки, путерот од бадеми е безбедна и здрава алтернатива која обезбедува здрави незаситени масни киселини, влакна, минерали како и рибофлавин и магнезиум, па дури и некои антиоксиданти.

7. Ленено семе, чија, семе од тиква и сончогледово семе

Одлични извори на здрави масти и влакна.

8. Коприва

Листот на коприва природно ги контролира хистамините, затоа се препорачува од страна на се повеќе лекари да се земе лиофилизиран препарат пред почетокот на сезоната на поленова грозница. Може да се користи и како чај или во форма на тинктура, вклучувајќи и хомеопатски лекови.