СКАНДАЛ: Нов инцидент со македонски туристи - физички напад во Калитеа

Нов скандал со македонски туристи во Калитеа, Грција. Повеќе туристи кои патуваат преку туристичката агенција Сафари, се пожалија на измама од страна на агенцијата, непрофесионално однесување од нивна страна како и физички напад на турист од страна на вработена во вилата Митос која се претставува како сопственичка на истата. 

"Се пожаливме во агенцијата со која имаме склучено договор за летување дека освен гасење на струја, интернет и телевизија во вилата( впрочем тука летуваат и фамилии со бебиња, трудници и сл.) се случи и физички напад кон гостите, од агенцијата добивме одговор дека наводно сме го прекршиле куќниот ред и за да не смират се случиле овие работи. Јасно и одговорно тврдам дека немало никакво прекршување на куќен ред, едноставно се работи за непрофесионализам." - изјави еден од оштетените гости.

Останува да почекаме дали ќе реагираат институциите и ќе ги заштитат корисниците на туристички услуги

(ВИДЕО) Ја гледал смртта во очи - патник снимал додека авионот паѓа

Мал авион Convair CV-340 кој превезувал 19 патници на луксузно сафари минатата недела се урнал во близина на Преторија, Јужна Африка, при што загинале две лица, а сериозно биле повредени двајцата пилоти, објави авијациската веб-страница AIRLIVE, а пренесува Си-Би-Ес.

Еден патник ја снимил авионската несреќа на неговиот мобилен телефон преку прозорецот на авионот. Чад и оган може да се видат како излегуваат од левото крило, со коментар на човекот што снимал: „Станува лошо, ова е многу лошо”.

Како што авионот почнува да се спушта кон земјата, се чини дека пилотите ги изгасиле моторите. А не се гледа ниту писта за слетување.

Потоа, патник, на африканс, вели: „Oва ќе биде лошо“, пренесува AIRLIVE.

Моменти подоцна, звук на експлозија се слуша додека авионот удира на земјата, а екранот се затемнува. Гласови се слушаат. На крајот, повторно се јавува светлина и се гледа правлививата внатрешност на авионот.

(ВИДЕО) Опасен настап на брачен пар тргна наопаку и ја сепна публиката на „America’s Got Talent“

Опасен настап на брачен пар ги стресе публиката и судиите на „America’s Got Talent“.

На аудициите, Мари и Тајс изведуваа вешти трикови висејќи на трапез, а нивниот настап вклучуваше и оган.

Сè минуваше успешно, сè до изведувањето на последниот трик. Тогаш Тајс со врани очи требаше да ја фати својата сопруга, но не успеа. Таа му се лизна од раце и падна на сцената, а публиката остана без здив.

За среќа, Мери немаше повреди.

Парот има двегодишно синче кое го следеше настапот од публиката. Тие велат дека поради професијата постојано се на пат и мораат да бидат разделени од синчето најголем дел од времето. Нивниот сон е да бидат постојано во Лас Вегас со целото семејство.

(ВИДЕО) ТЕНЗИЧНА БРКОТНИЦА: Полицаец преку шофершајбна пукаше кон убијци

Камерата поставена на униформата на полицаец од Лас Вегас регистрирала филмска бркотница по улиците на овој американски град и престрелка каква што ретко се гледа. Полицајците се обиделе да спречат возило во кое имало двајца осомничени за убиство, објави „Си-би-ес њуз“.

Полицијата соопшти дека двајцата осомничени претходно тој ден со украден автомобил влетале во салон за миење возила и застрелале еден човек кој подоцна починал.

Набрзо потоа следела и полициската акција и бркотницата по улиците, во која, во еден момент, автомобилот на осомничените возел во спротивна насока. Полицаецот од чија камера е регистриран целиот настан, преку радиоврска побарал помош, а потоа преку сопствената шофершајбна почнал да пука кон возилото со осомничените лица.

Како што се гледа на снимката, на стаклото се видливи дупките од куршуми. Во пукањето, еден од осомничените, идентификуван како 22-годишник по име Фидел Миранда, бил ранет. Тој бил пренесен во болница каде што подоцна починал. Другиот осомничен, 30-годишниот Рене Нуњез, избегал од возилото, но потоа бил уапсен.

„Тоа не е нешто што го учиме кога се подготвувавме за оваа работа“, рекол шерифот Тим Кели. Пукањето се случило на 11-ти месецов, а полициските службеници кои се снимени се Вилијам Уман и Пол Соломон.

Популарно