Пеколно жешко и денеска, но ни доаѓа невреме!

Денеска е четврток, 10 август 2017 година, 221-иот ден во годината. До крајот на годината остануваат уште 144 дена. 

Сонцето во Скопје изгреа во 5 часот и 35 минути, а ќе зајде во 19 часот и 43 минути.

Денов трае 14 часа и 8 минути.

Месечината, која е во фаза на полна Месечина, ќе изгрее во 21 часот и 17 минути, а ќе зајде во 8 часот и 8 минути.

Временска прогноза

Времето во Македонија ќе биде сончево и многу топло. УВ индексот ќе има вредност 9.

Утринската температура ќе се движи од 14 до 22 степени, а дневната температура ќе се движи 32 до 40 степени.

Времето во Скопје ќе биде сончево и многу топло. Утринската температура ќе достигне до 20, а дневната до 40 степени. 

До петок ќе се задржи претежно сончево и многу топло време со натпросечни температури на воздухот. Во сабота во текот на денот ќе има зголемување на облачноста и ќе дува засилен југозападен ветер, но дневната температура се уште ќе се задржи висока. Во вечерните часови и преку ноќта кон недела ќе има врнежи од дожд и грмежи, а најобилни врнежите се очекува да бидат во североисточните делови. Во недела ќе дува засилен северен ветер, а дневната температура значително ќе се намали, на места и за повеќе од 10 степени во однос на сегашната. Од понеделник ќе биде стабилно со постепен пораст на дневната температура, но во рамките на просекот за овој период од годината.

НЕВРЕМЕ од северозапад се движи кон Македонија

Зголемената облачност од текот на ноќта, ќе резултира со појава на дожд и грмежи а ќе дува и умерен, повремено засилен ветер од западен правец уште во текот на препладневните часови.

Од пладне па натаму на повеќе места ќе биде нестабилно облачно со пороен дожд, грмежи и засилен ветер.

Локално процесите ќе бидат ПОИНТЕНЗИВНИ и во форма на НЕВРЕМЕ проследено со интензивен пороен дожд, значително количество на воден талог за кратко време, електрични празнења, силен ветер и услови за појава на град.

Максималните дневни температури на воздухот ќе се искачуваат во интервалот од 27 до 35 степени меѓутоа навечер ќе започнат да опаѓаат поради продор на посвеж воздух од север кој ќе услови засилен северен ветер во среда и во четврток.

ПРЕДУПРЕДУВАЊЕ: ВО СЛУЧАЈ НА ПОЈАВА НА ЕЛЕКТРИЧНИ ПРАЗНЕЊА КАКО И НА СИЛЕН ВЕТЕР ДА НЕ СЕ ПРЕТСТОЈУВА НА ОТВОРЕН ПРОСТОР КАКО И ПОД ОСАМЕНИ ДРВЈА ПОРАДИ ОПАСНОСТ ОД УДАР НА ГРОМ А ГРАЃАНИТЕ ВО СЛУЧАЈ НА СИЛЕН ВЕТЕР ДА ВНИМАВААТ КАДЕ СЕ ДВИЖАТ.

За повеќе информации следете го официјалниот фејсбук профил на СЛАВЧО ПОПОСКИ.

Нестабилно облачно со пороен дожд и грмежи

Денеска е вторник, 17 јули 2018 година, 198-иот ден во годината. До крајот на годината остануваат уште 167 дена. 

Сонцето во Скопје изгреа во 5 часот и 12 минути, а ќе зајде во 20 часот и 7 минути.

Денов трае 14 часа и 55 минути.

Месечината, која е во фаза на млада Месечина, ќе изгрее во 10 часот и 13 минути, а ќе зајде во 23 часот и 13 минути.

Временска прогноза

Во Македонија ќе биде променливо облачно со повремен дожд, најпрво во западните делови. Околу пладне и попладне на повеќе места ќе биде нестабилно облачно со пороен дожд и грмежи. Локално се можни поинтензивни процеси со обилен пороен дожд особено во западните и јужните делови од земјава. УВ=8 

Утринската температура ќе се движи од 11 до 20 степени, а дневната температура од 20 до 34 степен. 

Во Скопје ќе биде променливо облачно со повремен дожд. Утринската температура ќе достигне до 17, а дневната до 31 степени. 

Во среда и во четврток ќе биде посвежо со умерен до засилен северозападен ветер. Потоа следува период на претежно стабилно време, а во попладневните часови во планинските предели можна е ретка појава на пороен дожд со грмежи. 

Популарно