Официјално писмо на „Комити“: Вие сте голем Македонец на кого му тече Комитска крв

Навивачката група „Комити Скопје“ се јави со свое соопштение и ги повика сите верни членови и оние на кои боите на Вардар им се драги, да го исполнат стадионот на дуелот против Фенербахче, откако успеаја да си ја одбранат Јужната трибина и гордоста. Соопштението на Комити го објавуваме во целост.

Браќа Комити,

Пред нас е многу важен натпревар, играме двомеч за пласман во групна фаза од Лига на Европа, играме против Фенербахче, реномиран противник којшто има големо искуство настапувајќи тука но и во најреномираното натпреварување и заслужува респект…Но натпреварот е важен уште повеќе поради тоа што сме ние сега пред еден сериозен испит, каде треба да покажеме од што сме направени…

Неверојатно е дека бевме испровоцирани и повредени од луѓето од нашето семејство, бевме ставени во позиција да ги браниме вредностите и историјата на клубот и едноставно ни беше фрлена ракавица пред очи, бевме ставени пред тежок испит и беа испитани нашите граници на толеранција, но сега тоа е зад нас, се е подредено пред овој натпревар, забораваме на се и целиот наш фокус е тука…

Градскиот стадион е одбранет, Градскиот стадион повторно ќе биде во својот полн сјај, Градски повторно е црвено-црн! За тоа да биде така и во четврток на 17.08 сме должни сите ние да допринесеме…Имаме кратко време но сосема доволно да се консолидираме и да го наполниме стадионот.

Купувајте карти за Западната трибина, должни сме да ја наполниме како никогаш досега, сега ние ја фрливме ракавицата и немаме никаков избор освен да се прикажеме во најдобро светло и да покажеме дека борбата за одбрана на нашите идеали и вредности не е залудна…Цена на билетот е 300 денари, Блокови на Западна трибина: 25, 26, 27, 28, 29 и 30…Линк каде може да се купат билети онлајн:

https://sales.ticketplus.mk/OnlineSale/?id=314

Секогаш кога било потребно ние сме биле на висината на задачата и така мора да биде и сега. Пренесете го овој повик до сите ваши соборци од трибина, нашето старо членство, на сите оние на кои во вените им тече Комитска крв, Пренесете им дека Вардар живее вечно, и дека Скопје ќе гори на 17.08. во 20ч. Пренесете им дека сме должни со целото наше битие да ја одбраниме честа на Скопје и Македонија!

Пред нас е голем дуел, исто онолку важен како и дуелот со Копенхаген, пред нас е историја…Ние веруваме во Вардар, веруваме во можностите на фудбалерите, но за разлика од другите ние веруваме и во чуда. Едно чудо пред само еден месец стана реалност, Вардар стана Европски првак во ракомет!!!

Веруваме и во уште едно чудо, пласман во Групна фаза од Уефа Лига на Европа…

Ве повикуваме сите вас кои некој ве донел на Јужната трибина да го проследите вашиот првиот натпревар натпревар на Вардар, Поклонете му билет, израдувајте го и споделете ја меморијата која ќе живее се додека живееме ние. Вардар ќе живее се додека љубовта се пренесува од генерации на генерации…Пренесете ја повторно љубовта кон Вардар како што вам ви беше пренесена!

Не подлегнувајте на сервираните провокации, и не дозволувајте да бидете дел од сценарија од кои корист би имале други страни. Навиваме од срце за Вардар!

СОБИР – СОБОРЕН ХРАМ 17ч.

Повик и до фановите на гостинскиот тим од земјава и странство, Немојте ниту вие да бидете дел од провокацијата која има за цел да креира вештачка нетрпеливост таму каде што ја нема. Јужната трибина е нашата светост како и Западната, и билети за Јужна трибина немојте да купувате, за да не бидете дел од едно лошо сценарио креирано против нас и вас…Послушајте го нашиот пријателски повик и сместувајте се на Источната трибина која традиционално е резервирана за гостински навивачи. Доколку веќе сте купиле билети за Јужна, заменете ги за Источната по иста цена се. Вие не сте виновни, но тоа се емоции кои вие како вистински навивачи на вашиот клуб ќе ги разберете доколку се ставите во нашата позиција…

Почитуван господине Самсоненко,

Вие влеговте во Црвено-Црното семејство во вистинска смисла на зборот, влеговте со душа и со целото свое срце, и ние токму така и ве прифативме, со душа и срце…Ни приредивте толку голема радост, и овозможивте да се чувствуваме горди што сме припадници на овој клуб, што во нашите вени тече крв во боите на клубот со свето име. Ние не сме знаеле да прифатиме никого во ова наше семејство претходно на начинот на кој ве прифативме вас. Вие станавте синоним за овој клуб многу повеќе од било кој пред вас, вие како сопственик на клубот станавте икона негова, идол на новите генерации, вие, и покрај вас направивте да има уште десетици нови идоли.

Па не сме ние толку наивни за да ве испуштиме од раце, сега кога се случуваат најголемите успеси на клубот, сега кога ја разбудивте нацијата и и покажавте дека се е можно, дека треба да веруваме во себе…Покажавте дека во ова парче земја има луѓе кои имаат шампионски дух, способни да победуваат имиња кои предходно ни делуваа непобедливи…Вие сте дел од нас, и повеќе од тоа, вие сте голем Македонец на кого му тече Комитска крв.

Како што со жив штит сме спремни да ја браниме и ќе ја одбраниме Јужната трибина по секоја цена, со жив штит сме спремни да ве одбраниме и вас од она зло кое ве опкружува и ви ја одзема енергијата која од вас зрачи. Како секој вистински професионалец и сопственик си одредивте менаџерска структура во клубот и на истата и дадовте доверба да ја води работата, тоа е вистинскиот начин за работа кој е предодреден за успех…но…ете има и исклучоци, и од се срце во името на сите навивачи на клубот би сакале да ви укажеме дека ова раководство на Фудбалскиот клуб не го води клубот во вистинскиот правец…Ова раководство не знае да ги цени вистинските вредности на клубот, не знае да ја цени традицијата и историјата на клубот, и на крај ова раководство не знае да ве цени ниту вас како сопственик…Создаде зла крв таму каде претходно никогаш ја немаше, не оддалечи од клубот кој ни е најблиску до нашите срца…Но доколку вие сметате дека ова раководство е токму она кое е најдоброто и го заслужува нашиот и ваш Вардар и покрај тоа што огромното мнозинство навивачи, Вардарци и спортска јавност не мисли така, тогаш во ред, не се мешаме во неговото работење, како што не се мешавме ниту досега. Но ние сме должни да реагираме за да бидеме корекција на оваа и секоја предходна и наредна Управа, да им укажеме на нивните грешки за да се корегираат, и такви ќе продолжиме да бидеме, затоа што Вардар е нашето семејство, а семејството ги решава сите отворени прашања дома очи во очи.

Вие не можете да си одите од Вардар, затоа што имаме многу незавршени работи заедно, затоа што треба уште долг период за да ја научиме Европа да говори Македонски и чита и пишува Кирилица!!!

30 ГОДИНИ КОМИТИ ЗАПАД !!!

(ФОТО+ВИДЕО) Влезете во светот на најмоќниот човек во фудбалот: Богатството на неговото семејство се проценува на 630 милијарди евра

Богатството на неговото семејство се проценува на 630 милијарди евра. Јахтата му ја позајмувал на и на Леонардо Ди Каприо. Цената на највредниот автомобил во неговата колекција е 3,5 милиони евра.

После 17 кола неговиот тим Манчестер Сити е уверливо на врвот. Граѓаните досега запишаа 16 победи и едно реми, 1:1 со Евертон. Најзаслужни за сјајната низа на Сити и рекордите кои ги рушат од натпревар во натпревар се играчите, Пеп Гвардиола и неговиот стручен штаб. Меѓутоа, човекот кој сите ни ги собра на едно место е сопственикот на клубот Шеикот Мансур.

Освен што е сопственик на Манчестер Сити, Мелбурн Сити, Њујорк Сити и Ал Џезеира, противникот кој го измачи Реал во полуфиналето од Светското клупско првенство, Мансур ја извршува и должноста заменик премиер на ОАЕ и министер за претседателски работи. Членот на владејачкото семејство на Абу Даби благодарејќи на својата фирма (International Petroleum Investment Company) заработил повеќе од 19 милијарди евра, а според податоците од 2014 година, неговото богатство се проценува на 32 милијарди евра.

Мансур дел од своето богатство го вложи во спортски клубови (франшизи). Прво во 2008 година го купи Манчестер Сити за отприлика 260 милиони, со што на клубот му беа обезбедени средства за најдобрите играчи на светот. Пет години подоцна, Мансур стана сопственик на МЛС клубот Њујорк Сити, тим каде играа играчи како Андреа Пирло, Френк Лампард, додека се уште игра и капитен на тимот е Давид Виља.

После европскиот и североамериканскиот пазар, Мансур со купувањето на Мелбурн Сити во 2014 година се прошири и на австралискиот пазар.

Освен фудбалските клубови, шеикот ја поседува и една од најголемите јахти на светот, хотели, многу автомобили…

Топаз е шеста најголема јахта на светот. Долга е 147 метри, а направена е во 2012 година во Германија. Има осум ката, два хелиодроми, три базени, теретана, џакузија и кино. Непосредно пред Светското првенство во Бразил, Мансур јахтата му ја позајми на оскаровецот Леонардо Ди Каприо, кој на неа организираше забава за дваесетина пријатели.

Медиумите пренесоа дека Мансур за време на одморот на турскиот брег, на пристаништето во Мармарис потрошил повеќе од 440.000 евра на гориво за јахтата (танкер од 730.000 литри), а процесот за надополнување на горивото траел повеќе од 5 часа.

Мансур во 2005 година купи пет проценти од акциите на Ферари што му го олесни патот за носење на Формула 1 во Соединетите Арапски Емирати. Освен на Ферари, Мансур има и 9,1 процент од акциите на Даимлер. Во приватната колекција, Мансур помеѓу останатите автомобили поседува и: Мерцедес СЛР-МекКларен (400 илјади евра), Ламоргини Ревентон (950 илјади евра) и Ферари Енцо (2,8 милиони евра).

Како и Флојд Мејведер, Мансур е голем заљубеник во Бугати Вејрон, па во својата колекција има пет примероци. Меѓутоа највредниот примерок е Порше 911 ГТ1, чија вредност се проценува на 3,5 милиони евра.

Покрај движниот имот, Мансур во својата сопственост има и бројни недвижности. Во 2016 година за 50 милиони фунти си купи вила која се простира на 80 квадратни километри. Приватниот посед под назив Лос Куинтос де Сан Мартин се наоѓа на југозападот на Шпанија(Valencia dea las Torres).

Заедно со своето семејство шеикот во 2005 година ја финансираше изградбата на палатата(The Emirates Palace), која многумина ја опишуваат како единствен вистински хотел со седум ѕвезди. Палатата има 394 соби, вклучувајќи 92 апартмани и 22 претседателски апартмани, а мебелот внатре главно е од мрамор и злато.

Индира Кастратовиќ: „Сопругот ме туркаше напред“

Поранешната ракометарка Индира Кастратовиќ секогаш со задоволство раскажува за деновите во „Кометал“, за шампионската титула, за успесите што ги постигна со ЖРК „Вардар“. Во моментов таа е координатор на помладите тимови во клубот.

Кога помислува на „Кометал – Ѓорче Петров“, таа се сеќава на 2002 година кога клубот ја освои Лигата на шампиони.

„Таа година беше и успешна и тешка, имаше и успеси и падови, но ете, таа наша европска шампионска титула ќе остане запишана во историјата“, вели Индира.

И денес се дружи со девојките од клубот. Во мај годинава тие организирале прослава по повод 15 години од освојувањето на титулата.

„Се собраа сите девојки што можеа да дојдат. Од Романија дојде Луминица Дину, а од Русија допатуваа Ања Андрушенко и Лариса Кисељева. Бевме и ние што сме тука: Гордана Нацева, Милева Велкова, Наталија Тодоровска, Ленче Златановска, Анжела Платон, Андријана Будимир, Мими Чупиќ, Валентина Радуловиќ… Пред две години имавме традиција да се собереме сите во сала и да играме ракомет рекреативно. Си баравме причина да се видиме и да се подружиме. Секоја од нас сега има деца и се гледаме на нивните родендени. Денес сите имаме поинаков живот и различни муабети меѓу нас. Си даваме совети за децата“, додава Кастратовиќ.

И нејзиниот сопруг Зоран Кастратовиќ е поранешен ракометар.

„Мојот сопруг многу ми помогна во кариерата. Заедно сме од мојата 18. година. Тој секогаш ме туркаше напред. Да не беше тој да ми каже ‘добро е, одиме понатаму’ можеби немаше да го постигнам ова што го постигнав денес. Секој човек треба да има некого покрај него и за убавите и за лошите работи во животот. Треба да се сакаме, треба да бидеме поддршка едни на други, и треба да веруваме во луѓето околу нас“, рекла Индира.

Целосното интервју прочитајте го ОВДЕ.

(ВИДЕО) Кој и зошто ги „изнајмил“ хулиганите од Сплит? На крајот, баш Хрватите најмногу настрадаа

Фракцијата „Вандал Бојс“ решиле да увезат тепачи од Хрватска, за да може да ја превземат власта на трибината од групата „Алкатраз“

Навивачката фракција „Вандал Бојс“ патентираа нов начин за тепање на трибините, увезувајќи тепачи од Хрватска за да може да ја добијат „битката“ за превласт на Јужна трибина, каде што се најверните навивачи на Партизан. 

Во тепачката на „Југ“ учествувале дури шестмина хрватски државјани, кои специјално за дербито против Црвена Звезда пристигнале во Белград. Интересно е тоа што тие шестмина дури и воопшто не биле навивачи и не ги интересира фудбалот. Се работи за кик-боксери, како и луѓе кои работеле како обезбедување. 

Сите овие требало да им помогнат на навивачката фракцвија „Вандал Бојс“ во обидот да се превземе превласта на трибината од актуелните владители „Алкатраз“. Сепак планот не испадна како што посакувале. Во тепачката најлошо поминале А.Ф. и Д.Т. двајцата 26-годишни од Сплит, кои едвај спасија жива глава. Д.Т. бил познат боксер кој едно време бил и првак во Хрватска. Потоа решил да се префрли во ММА борбите. 

И покрај тоа што добро ги познавал борачките вештини, тоа не му помогнало да се спаси од многу поголемиот број на навивачи на Партизан, предводени од фракцијата „Алкатраз“. На Д.Т. му биле искршени речиси сите заби, а му биле откинати и делови од увото и од носот. Вториот повреден, А.Ф. има нагмечување на мозокот, контузија на главата, тешка повреда на раката... Двајцата повредени воопшто не ни биле навивачи, но затоа А.Ф. кој бил познат како „бодигард“, бил претходно познат на полицијата во Хрватска, поради тепачки и други насилства. 

Прашање е како еден ММА борец и „бодигард“ од Хрватска завршиле на трибината кај што се најверните навивачи на Партизан. Стотина хулигани од фракцијата „Вандал Бојс“ сакале на овој меч да ја превземат власта на трибината, па побарале помош и од надвор. Освен Хрватите, тие активирале хулигани и од Грција и од Бугарија. 

Нападот се случил организирано, кога хулиганите на „Вандал Бојс“ со засилувањата од странство почнале да тепаат се што им е при рака на трибината. Стигнале до половина од трибината, кога се расчуло дека се работи за „Делии“, па навивачката група на „Алкатраз“ поддржана од сите останати фракции, решија да направат контра напад.

Многу побројните навивачи на Партизан успеаа да ги потиснат напаѓачите и започна бруталното тепање, а најмногу настрадале токму Хрватите. Идејата на „Вандал Бојс“ за тоа со изнајмени хулигани да бидат главни на „Југ“, заврши неславно.

На крајот вкупно 26 лица биле повредени, а се споменува дека еден од повредените е и Македонец. 

Популарно