Полицаецот што пукаше во двајца малолетници во Струмица ќе одговара за убиство во обид

Внатрешната контрола утврдила дека полицискиот службеник од Струмица неосновано, неоправдано и неправилно употребил средство за присилба- огнено оружје врз 16 и 17 годишните деца од Радовиш, за што му е поднесена кривична пријава за „убиство во обид“.

Одделот за внатрешна контрола, криминалистички истраги и професионални стандарди во МВР во врска со настанот на 11.08.2017 година во Струмица ги изврши потребните проверки и утврди дека полицискиот службеник неосновано, неоправдано и неправилно употребил средство за присилба- огнено оружје врз лицата Д.Т. и А.Г., односно постапил спротивно на одредбите од Законот за полиција, соопшти МВР.

Против полицискиот службеник е поведена дисциплинска постапка пред надлежната комисија во МВР и со решение на министерот Оливер Спасовски полицискиот службеник ќе биде отстранет од работното место до завршувањето на дисциплинската постапка.

„До надлежниот јавен обвинител во Струмица е поднесена и кривична пријава поради основано сомнение дека полицискиот службеник сторил кривично дело „убиство во обид“, предвидено и казниво по член 123 и член 19 од Кривичниот закон на Република Македонија. 

МВР најостро ги осудува обидите за манипулација со овој настан од страна на одредени политички субјекти. За разлика од времето кога раководството на МВР ги криеше злосторствата од јавноста, МВР сега демонстрира максимална транспарентност и професионално работење со цел да обезбеди законите да важат подеднакво за сите“, се наведува во соопштението.

Битолчанка се отруена со син камен

Битолчанка почина од труење со син камен ноќеска во 00.30 часот на Клиниката за токсикологија при Клиничкиот центар во Скопје.

Л.Ш. (58) на 01 септември во 18.30 часот се јавила во Итна медицинска помош и побарала лекарска помош, по што, поради сериозноста на нејзината состојба, другиот ден била пренесена на Клиниката за токсикологија при Клинички центар Скопје. Екипа од СВР Битола извршила увид на местото. Се преземаат мерки за целосно расчистување на случајот.

Веста за затрување со „син камен“ на оваа жена, многумина ја поврзаа со големата и криминална акција за труење на улични кучиња низ Македонија.

Кочани: Момче пресекло вени во дискотека, зошто му ја погодиле песната!

Во дискотека во Кочани минатиот викенд настапуваше српската поп-рок група „Амадеус бенд“. За време на настапот, според кажувања на присутните во клубот, но и членовите од бендот, момче понесено од песните пред сите си ги пресекло вените.

Неколкупати момчето доаѓало кај бендот да бара да му ја отсвират песната „Моја земља“. Кога од бендот почнале да ја свират песната, фанот извадил нож и почнел да ги сече вените на рацете.

„Точно така. Неколкупати ми пријде едно момче за време на настапот и бараше повторно да ја отсвириме ‘Моја земја’. Кога го направивме тоа, наеднаш извлече нож и си ги пресече вените. Бевме шокирани. Келнерот кој беше покрај него брзо го изнесе надвор, а брзата помош веднаш го однесе во болница. За среќа, го спасија и сè заврши добро“, изјавил Александар Стамировиќ за српските медиуми. Шокирани членовите на „Амадеус бенд“ не можеле да поверуваат дека вакво нешто им се случува.

Вознемирен, Стамировиќ рекол: „ Би ја искористил можноста да им укажам на сите кои нè почитуваат дека ова не е начин да се сака музиката и дека е апсолутно непоимливо да се повредуваат себеси. Музиката е тука да го направи животот поубав“.

ФОТО: Ова е местото каде е пронајдена обесена жената во Лептокарија

37 годишна жена се обесила вчера на дрво кај Лептокарија, на паркот спроти училиштето “Лазо Трповски”, информира Курир.мк.

Според очевидци глетката била страшна и траорна.

Според информациите кои ги објавува КУРИР, вчера во 19:25 часот е пријавено дека во близина на ОУ Лазо Трповски обесена на дрво е пронајдена П.Л. (родена 1980 година) од скопско село.

Смртта е констатирана од итна медицинска помош.

По наредба на јавен обвинител, телото на жената е предадено на обдукција.

Популарно