(ВИДЕО) Светот полуде по овој чвор со прстите

99 % од луѓето не можат да го изведат ова.

Илјадници луѓе во Кина прават чворови со своите прсти, за да покажат колку им се флексибилни. Веибо, кинески еквивалент на Твитер, е преполн со оние кои успеале да го направат овој тежок трик.

Корисниците ширум светот почнале да поставуваат слики од своите обиди на Инстаграм и Твитер.

Треската започнала кога кинескиот актер Жанг Јишан, е видек како во популарната ТВ серија прави со прстите „керефеке“. Поточно, тој го споил малиот прст и палецот, додека останатите три прста биле исправени. Иако изгледа (и звучи лесно), многумина се измачија да го изведат ова.

А тоа што оваа Кинескиња го направи, е успеа со своите прсти, да ги направи сите „чворови“. Веднаш на почетокот на видеото ќе ви покаже како да го направите чворот, но погледнете и се друго што таа може да направи:

Червар со неблагодарна споредба: Ја видовте Македонија, на што личеше тоа…

Лино Червар не може да смета на Домагој Дувњак уште по првиот натпревар на Хрватска на Европското првенство, а обидувајќи се да опише колку другите играчи одлично го заменуваат неговиот придонес на теренот, искусниот хрватски стручњак направи една неблагодарна споредба со македонската ракометна репрезентација.

Поранешниот селектор на Македонија го зема за пример последниот натпревар на нашата репрезентација, односно укажа на тоа колку лоши биле „црвено-жолтите“ во ситуација кога го немаат на располагање најдобриот ракометар, Кире Лазаров.

Червар со ова се обиде направи една компарација за тоа колку всушност му недостига Дувњак, но исто така и да ја „крене до облаци“ работата на другите играчи кои истапија и со тимска работа направија да го намалат неговото отсуство.

– Горд сум на тоа како нашиот тим одигра против Норвешка. Видовте каква беше Македонија против Шпанија без Лазров. На што личеше тоа…, порача Червар на последната прес-конференција, алудирајќи на тоа дека Хрватска игра без најдобриот играч на ова Европско првенство.

– Како би изгледала Франција без Карабатиќ? Норвешка без Сагосен? Горд сум на моите момци, тие отвораат едно ново поглавје во нашиот ракомет. Убаво е да се биде репрезентативец на Хрватска во овој момент, но сега не треба да се се фрлат копјата. Тимот треба да даде се од себе против Франција. Сите би сакале да игра Дувњак, но ние играме со тоа што го имаме и се надевам дека момците ќе дадат се од себе, завршува тој.

Спонзорот на Лазаров откри дали капитенот ќе настапи против Чешка

Спонзорот на Кире Лазаров, кој е технички спонзор и на нашата репрезентација, „Хумел“ на својата официјална фејсбук страница посвети пост за нашиот капитен и откри дека тој вечерва нема да биде на располагање на селекторот Раул Гонзалез.

„За жал, капитенот на македонската ракометна репрезентација е повреден и нема да игра вечерва во мечот помеѓу Македонија и Чешка. Се надеваме дека во најбрзо време ќе го видиме назад на терените“, напишаа од „Хумел“.

Неиграњето на Кире Лазаров на вечерашниот натпревар дефинитивно ќе биде огромен хендикеп за нашата репрезентација, но момците ќе мораат да дадат се од себе да ја совладаат Чешка, па Кире, сакал нејќел, ќе мора да стисне заби и да даде се од себе за утрешниот меч против Данска.

Инаку, „Хумел“ направи акција со која сака да го доближи своето заштитно лице, Кире Лазаров до навивачите, па им даде можност преку опцијата „Прашања и одговори“ да дознаат повеќе за нашиот капитен.

„Со повеќе од 1.000 голови, Кире Лазаров важи за еден од најдобрите ракометари на сите времиња. Но, кој е идолот на Лазаров и која е најдобрата работа околу големите натпреварувања?...“, пишува во остатокот од постот на „Хумел“.

„Време ми е за мажење“: Верувања на жените заради кои не можат да го најдат вистинскиот

Многу жени кои не се во врска, сакаат да го пронајдат вистинскиот маж кој ќе биде совршен и со кој ќе можат да создадат семејство.

Во потрагата по среќа, тие често избрзуваат и прават грешки, бидејќи сликата за идеален маж, станува опсесија за нив.

Тие се плашат дека нема да најдат ништо подобро и наоѓаат некои карактеристики во нив за кои си велат дека се одлични и може да поминат.

Некои од фразите и верувањата кои девојките ги имаат за идеалниот маж, кои се погрешни и ги спречуваат да го најдат вистинскиот:

„Тој е убав/висок/има сини очи“

Атрактивниот изглед кај мажот е бонус, но не и примарна причина заради која жената би сакала да биде со некој таков засекогаш, ако другите квалитети не ги задоволува.

„Тој е богат“

Добра причина, но не за долгорочен план. Ако тој е богат, не значи дека има добри манири, однесување, разбирање и почит.

Да, нема да имате финансиски проблеми, но што вреди тоа, ако сѐ друго не функционира?

„Судено ни е“ или „Ова е љубов на прв поглед“

Да носите вакви заклучоци затоа што тој ви обрнува внимание и ве поздравува, или затоа што неколку пати ја отворил врата за вас, е многу опасно.

Жените, посебно оние кои очајно се во потрага по животен партнер, често знаат да направат ваква забуна мислејќи дека тоа е љубов на прв поглед или судбина.

Но, мажот можеби е само културен и не планира никакви врски.

„Го чекам принцот на бел коњ“

Многу жени чекаат да се појави маж со сите квалитети, што во реалноста не постои. Секој има по некој недостаток, што можеби ќе се смени со тек на време, а можеби вие ќе треба да се навикнете на тоа.

Ако го чекате идеалниот принц на бел коњ, никогаш нема да го дочекате.

„Веќе сум стара“

Овој став, кога жените мислат дека веќе се дојдени на одредена возраст каде мора да си најдат маж е многу погрешен и ги тера да направат погрешен чекор.

Само заради тоа што мислите дека сте на одредена возраст, не значи дека мора да најдете каков било партнер и да бидете несреќни, но омажени.

„Работите ќе се променат со тек на време“

Доколку веќе сте со некој кој и не е толку совршен, си наоѓате изговори дека тој ќе се промени, само затоа што мислите дека е доцна за барање нов животен партнер.

Тоа не е вистина и доколку партнерот не ви одговара никогаш не е доцна да го оставите и да спречите токсична врска во иднина.

Популарно