(ВИДЕО) Додека Дејан Матиќ пееше, гитаристот до него се посрамоти за цел живот!

Снимката која се појави на интернет го шокираше регионот во секоја смисла на зборот.

Имено, на еден неодамнешен настап на Дејан Матиќ, неговиот гитарист од бендот направи нешто неочекувано пред публиката, која го улови на снимка со мобилен.

Додека Матиќ пее, а до него на клавијатурите има банкнота (најверојатно бакшиш), гитаристот се сврти на страна, па мислејќи дека никој не го забележува, ги зема парите во свој џеб.

Снимката експресно се рашири на социјалните мрежи, како и осудата за тоа што гитаристот зема пари од човек со оштетен вид.

Сепак, музичарите можеби нема да се сложат со ваквите обвинувања, бидејќи е познато дека бакшишот најчесто го собира еден, а подоцна го разделува и на останатите колеги.

Дали бил таков случајот и со гитаристот на Дејан Матиќ, останува да видиме доколку некој од нив ова го потврди или демантира.

(ВИДЕО) 36 часа пред самоубиството: Објавена последната снимка од пејачот на "Linkin Park"

Сопругата на Честер Бенингтон на Твитер поставила кратко видео кое настанало 36 часа пред самоубиството на познатиот рокер.

Талинда Бенингтон, сопругата на Честер Бенингтон, пејач на бендот "Linkin Park", кој извршил самоубиство на 20. јули, на својот профил на Твитер ја објавила последната снимка од Честер, која настанала 36 часа пред трагедијата. 

"Мојот нареден твит ќе биде најличниот што некогаш сум го објавила. Сакам да ви покажам дека депресијата нема лице или облик", напишала Талинда. 

Таа потоа објавила видео на кое Честер бил снимен додека се шегува и си игра со членовите на своето семејство.

(ВИДЕО) Шакира е златна божица во новото видео за „Perro Fiel“

Шакира го претстави видеото за третиот сингл од актуелниот албум „El Dorado“, а во регетон хитот „Perro Fiel“ (Верно куче) гостува колегата Ники Џам. Колумбиската ѕвезда и овој пат одлични ги користи своите танцувачки способности, кои дефинитивно ќе придонесат за милионски прегледи на Јутјуб, а како изгледа сето тоа можете да видите горе.

Најавен со хитовите „Chantaje“ и „Me enamoré“, 11. студиски албум на Шакира ќе биде промовиран и во рамките на истоимената светска турнеја, која ќе започне на 8 ноември и ќе опфати 36 концерти во Северна Америка и Европа.

(ВИДЕО) Марио Арангеловски го освојува бугарскиот „Х фактор“

После повеќе учества на домашни и регионални музички натпревари, Марио Арангеловски одлучи да си ја проба среќата и на бугарскиот „Х фактор“, а судејќи по неговата аудиција, одлуката му била вистински погодок. Имено, следејќи ги стапките на негови колеги што се прославиле со слични подвизи кај нашиот источен сосед, 22-годишниот кумановец уште еднаш докажа дека Македонците се најсилната конкуренција од целиот регион.

Неговата аудиција е една од првите што се емитуваа во неодамна започнатата 5. сезона од натпреварот, каде што во улога на судии и ментори се хип-хоп ѕвездата Криско, музичарите Љубо Киров и Велизар Соколов – Заки, како и продуцентката и директорка на „Вирџинија рекордс“, Станислава Армутлиева. Секој од нив имаше само пофални зборови за шармантниот пејач, кој се претстави со хитот „Here Without You“ на „Три дорс даун“,  предвидувајќи му голем успех и сместувајќи го меѓу фаворитите за годинава, а како изгледаше сето тоа можете да погледнете во продолжение.

Инаку, Марио претходно си ја проба среќата на „Пинковите ѕвезди“ и „Ѕвездите на Гранд“, како и на нашите „Потрага по М2 ѕвезда“ и „Сите наши песни“, а зад себе има и повеќе учества на фестивали и неколку синглови, меѓу кои и актуелниот „Чекаме да помине“, кој го сними во соработка со Роберт Билбилов. Му посакуваме многу среќа на бугарскиот „Х фактор“ и навиваме за победа!

Популарно