„Супер Скопје“ викендов на Боемска улица- еве ја програмата

Утре, 8 Септември, забавата ќе почне  во 21 часот со настапот на Влатко Илиевски, а ќе продолжи со настапите на групите СИНТЕЗИС и ФОЛТИН. Бината ќе биде поствена на улицата „Боемска 1“ пред гостилницата Канцеларија.

На 9 септември, присутните ќе ги забавуваат во 21 часот Нино Величковски и Тамбурашите, а ќе продолжат Љубојна и Оркестарот на Џамбо Агушев на бината којашто ќе биде поставена на улицата „Боемска 2“ на просторот помеѓу гостилниците „Кај Перо“ и „Идадија“.

Проектот „Супер Скопје“ доаѓа на предлог и иницијатива на сопственици и менаџерите на угостителски објекти од повеќе локации од Скопје, кои како најупатени директно беа инволвирани во изборот на изведувачите кои ќе настапуваат на соодветните локации.

Главен организатор на „Супер Скопје“ е ЈУ „Конгресен центар Александар Македонски“, а за реализацијата се задолжени „Горила Вајлд ентертејмент груп“ (Gorilla wild entertainment group).

За потсетување, согласно со одлука на Советот на Град Скопје, вечерите кога се одржува „Супер Скопје“ работното време на угостителските локали е продолжен за еден час .

ФОТО: Автомобилот на дигалка на сред раскрсница во Скопје

Фотографијата која се појави наинтернет, ги подели скопјани. Додека едни го критикуваат човекот зошто менува гума на сред раскрсница, други велат дека под автомобило се забележува течност, што асоцира на посериозен дефект.

Пет деца заразени во градинка во Карпош од опасен вирус кој може да предизвика воспаление на мозокот

Пет дечиња од градинката Орце Николов во Карпош 2 заболеле од коксаки вирус. Пред два дена во скопскиот центар за јавно здравје заболувањето го пријавила директорката на градинката. Епидемиолозите направиле увид и констатирале дека заразените се од групата јасли. Во објектот била  направена целосна дезинфекција. Откако загрижени родители се пожалиле кај градоначалникот Богоев, тој утрово лично бил во Орце Николов.

-Бев да видам каква е состојбата и ми кажаа дека се преземени сите превентивни мерки и објектот е чист, односно се почитуваат хигиено санитарните услови, вели Стефан Богоев, градоначалник на Карпош.

Вработени во градинката велат дека нема проблем со згрижувањето на децата а некои родители кои ги затекнавме пред објектот и не се запознаени дека има коксаки вирус.

-Не, не сум запознаена, вели родител

Вирусот е препознатлив по осип на раце или нозе и зголемена телесна температура. Може да помине со благи симптоми, но според лекарите доведува и до тешки компликации како воспаление на мозок. Коксаки уште е наречен и болест на нечисти раце. Градоначалникот Богоев најави контрола во сите градинки.

-Наредната недела имам во план да ги посетам сите градинки и училишта во општината и да видам каква е хигиената, таа е најважен услов, вели Богоев.

Вчера и денеска не е регистриран нов случај на коксаки во градинката Орце Николов. И во октомври беа регистрирани неколку случаи во други градинки во градот.

.Надлежните велат дека нема простор за паника и дека надлежните во градинката ги презеле сите неопходни мерки за заштита. За попладне закажале средба со родители на која ќе ја објаснат целат состојба. 

(ФОТО) Дождот ги „потопи“ театрите и музеите жртвувани поради „Скопје 2014“ ГАЛЕРИЈА

При дождови кои се вообичаени за ова време на годината, нашите културни установи се соочуваат со сериозни последици од долгогодишна негрижа за условите во нив. Цел на Владата и Министерството за култура е таа негрижа да се стопира веднаш и да се преземат итни мерки, соопштија од минитерството по увидот кој денеска во културни институции го направија министерот Роберт Алаѓозовски и заменикот министер Владимир Лазовски.

Во Драмскиот Театар, во соработка со директорот Сашо Тасевски уште денескаќе се преземат мерки за санација на оваа загрижувачка состојба и за локално санирање на кровот, а во координација со министерот за финансии, Драган Тевдовски, ќе се спроведе ургентна постапка и ќе се алоцираат средства кровот да се санира и да се создадат елементарни услови за работата на Драмскиот театар до тече без никакви пречки. 

Владата на Република Македонија и Министерството за култура информираат дека воопшто не се откажуваат од идејата за изградба на нов објект за овој театар, но ќе инсистираат на подомаќинско и порационално решение, кое нема беспоштедно и непродуктивно да ги троши парите на граѓаните.

„Драмскиот театар е типична жртва на тнр проект „Скопје 2014“, преку кој се инвестираше во прескапи и мегаломански објекти и споменици, додека постојните објекти на културните установи се во очајна состојба. 

Во Музејот на Македонија е исто така констатирана загрижувачка состојба, а Музејот на современата уметност - Скопје се соочува со протекување во објектот на повеќе локации, од кои голем дел се ургентни бидејќи веќе имаат предизвикано штета и бараат итна интервенција. Најургентните состојби ќе се санираат веднаш, но и за овој репрезентативен објект се потребни посериозни реконструктивни зафати“, велат од Министерството.

Протекување на кровот и оштетувања од дождот се предизвикани и воТеатар комедија во Скопје, Центар за култура „Браќа Миладиновци“ – Струга, Центар за култура „Антон Панов“ – Струмица, Центар за култура – Дебар, Центарот за култура „Бели мугри“ во Кочани, НУ Конзерваторски центар во Гостивар, Музеј „Западна Македонија во НОВ“ – Кичево, археолошкиот локалитет Стоби каде постои опасност од изливање на Црна Река, како и други објекти од кои по итниот допис на Министерството добиваме постојани известувања. Министерството за култура ја следи интензивно состојбата и е подготвено, во соработка со раководствата, да интервенира веднаш во сите итни ситуации, се наведува во соопштението.

Популарно